|
|
ربـي لا جـاروا علـي النـاس جيتـك مستجيـر
حافية رجلي وراسي حاسرة واطوي الفـلات سالت دموعي على خدي كمـا السيـل الغزيـر وامْرغ بوجهي تراب الارض وجذور النبات ناخـت نياقـي علـى بـابـك اسـالـك واستخـيـر لابسٍ فضلـك عمامـه والرجـا بيـدي عصـات الله..الفرد..الصمد..الخالق..الحي..الـبـصـيـر جل سبحانه .. له الاسما ..تعالى.. والصفـات الغـنـي وانــا الـــى فـضـلـه ومـداتــه فـقـيـر عبـد ومـا للعـبـد الا سـيـده .. سـتـر وعـبـات الحليم ولولا حلم الله علـي .. لا وش بيصيـر كــان بذنـوبـي هلـكـت وبالـكـبـار المـوبـقـات لو تقل وش جـاب عبـدي قلـت اثامـي كثيـر مذنب من المذنبين وعاصي من ضمن العصاة صارت اثامي على كتفـي كمـا الجـرم الكبيـر اثقل من اثقل حمولٍ واكبـر مـن اكبـر حصـاة وامتلى بالي هجـوسٍ وامتلـى صـدري زفيـر واغرقت عيني دموعي والمشاعر في شتـات ليتـنـي ماكـنـت ابـــن ادم يعـذبـنـي الضـمـيـر واتعـذب مـن ذنوبـي فـي جحيـم المحطـمـات ليتـنـي طـيـر بـكـل وادي اوقـــع ثـــم اطـيــر رزقي في كفل الولي مالي ذنـوب ولا هفـات ليـتـنـي ذرة تـــراب بـيــن سـفــات الـمـذيــر كلـمـا هــب الـريـاح يسـفـهـا بـيــن الـخـبـات ليتـنـي مـاكـنـت بالـدنـيـا كـبـيـر ولا صـغـيـر ولاطري لي ذكر ولا قيدت بين اسما الغوات ياالاهي .. من رجا غيرك فـلا رجـوى بخيـر ماتعـلـق غـيــر بـحـبـالٍ قـصــارٍ قـاصــرات ومـن تعلـق فـي حبالـك مـا تعلـق فـي قصيـر وانــا يـاربـي يديـنـي فــي حـبـالـك واثـقــات كـان مـا تغفـر لعبـدك لا ولا بـئـس المصـيـر مالـه الا النـار شوبتهـا .. وتعـذيـب القـسـات لـولا انـي اعلـم بعطفـك علـى العبـد الغـريـر وان ذنوبي رغم كثرتها .. الـى عفـوك فتـات كـان ماساحـت دموعـي باخـر الثلـث الاخيـر في ظلام الليل فـي الهجعـة علـى حـزة بيـات وكان مارجويت مع ذنبي مـن افضالـك بخيـر لكن اشهـد بـان حلمـك واسـع وعدلـك غنـات انت ربي .. وانا عبدك .. وابن عبدك يا قديـر ياسميـع لصـوت مـن نــادى بلـيـالٍ مظلـمـات ياحـلـيـم وياعـلـيـم ويـاعـطـوف ويـــا خـبـيـر محـصـي اثــام العـبـاد الـواجـدات الـكـايـدت اسالك واغفـر ذنوبـي واجبـر العظـم الكسيـر ويسـر العسـرات وقـدي لـي دروبٍ مـايـلات واسألك موته بسـن الرمـح والسيـف الطريـر بيـن ضـرب الكافريـن وبيـن ضبـح العاديـات واسالك من فضلك الجنه مقري من مسيـر .. ساق رجلي يوم رجلي حافية واطوي الفلات |
الفرق بيني وبينك بانسكـاب الدمـوع
دمعي توجّد وحزن ٍ وانت دمعك دلـع الدمع قبل المفارق مايعـرف الطلـوع ومن يوم قفّيت ماشاور عيوني طلـع |
بـــدوٍ خـلـقـنـا الله وفـيـنــا صـعـاطـيـر نرقـى المعالـي نحتـمـي عــزة الــذات نكرم سبال الضيـف حشمـه وتقديـر وخـويـنـا والــجــار يـلـقــى الـمـســرات |
تعال افتح بصدري يا هواي المعتمـد شبّـاك
لعلّك تعتمد ما قلت لك بالصـوت والصـوره انا اللي من كثر ما قال أحبك وأعشقك وأهواك نبت له في لسانه وردتين ويَبـس حنجـوره |
تعال افتح بصدري يا هواي المعتمـد شبّـاك
لعلّك تعتمد ما قلت لك بالصـوت والصـوره انا اللي من كثر ما قال أحبك وأعشقك وأهواك نبت له في لسانه وردتين ويَبـس حنجـوره |
من باب (زوّدتها) جيت اسألك:وينك؟
ومن باب (مشّيتها) مشّيت كم مـره مشيّت واجد واشوفه ماملا عينـك لكن (ماهو كل مره تسلـم الجـره) |
والله لك وحشه ..!
|
@saad_1_8:
أنا اذكر إني قلت من باب الإنصاف لآ ينكسر قلبك , على شخص تكفى درّسته سلوم (المكابر, والأعراف) والحمدلله طبّق الدرس, وأقفى.. |
| الساعة الآن +4: 08:55 AM. |
|
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.
