ياظالم جمالك اكشف برقعك

يا مهجتي يا غايتي يـا دنيتـي ريـح العطـر
في ذمتي لكتب لها وأنحت على صم الصفيـح
مديتهـا دمعـة غـلا لقيتهـا رحلـة عـمـر
صارت حكاية فالورق والنوح من صدري يطيح
لبست هم العشق والفرقـا مصدرهـا أشكثـر
من لوعتي شفني بعد فرقاك بفراشـي طريـح
تدري وش أكبر علتي فالحب قلبـي منصهـر
وتدري وش أكبر غلطتي أني معك دايم صريح
لقيت نفسي أكبـر أنسـانً تعيـس ومنحصـر
في زاوية عّلا عسى ممكن يا بو وجـهً سميـح

ياراكب اللـي تـو فـارق حفيـزه من ديرتـه مطلـوب للـي تمنـاه

لارحت بيت اللـي حبيبـي لزيـزه اليـا دخـلـت ابيتـهـم لاتـعـداه

حتى تشوف اللي سهومـه ركيـزه داخل خفوقـي يـوم قفـى وخـلاه

قله يقول اللـي جروحـه عجيـزه وشلون من عاشرت ترحل وتنساه .؟

محتاج لـه ياجعـل ربـي يعيـزه لواحـدٍ يحتـاج قـربـه ويجـفـاه

ابكي من فراقه .. ونفسي عزيـزه كل مالتفت .. وشفت مانـي بويـاه

حبه دخـل قلبـي بفتـره وجيـزه سيّطر على قلبـي وحطـه بمخبـاه

من اولٍ .. مليـون ميـزه وميـزه عندي بوقت ٍراح .. وراحت مزاياه

واليوم عندي بس ( دمعه عزيـزه ) كل مالتفـت وشفـت مانـي بويـاه