صاحبي .. وأقصى الحنايا لــ / ظلمك تحتوّي=وأنت ترميني بكبد الطعـون الموغلـه
،.،
أتفيّـا بـك ... وقلبـي تناهيـد ودوّي=نزعّته لأول المـوت .. والمـوت أولـه
،.،
وأتجاهل بك زماني ... وحيل الله قـوّي=ضعت من شي ٍ تعرفه .. وشـي ٍ تجهلـه
،.،
آه كيف الدمع يرقا العيون .. وينـزوّي=ما قويت أخفي مواريّه .. وأزريت أسبلـه
،.،
مابقا لي صوت ... والصدر ضيقات إبدوّي=كل ما هامـت يمينـه ... زمانـه يخذلـه
،.،
يطوي سنينه ورا اللال والبيدا طـوّي=لين صارت خطوة القاع ... ذّل ومهزلـه
،.،
ومن غدا مقبّل حياته وموته مستـوّي .؟؟=ما فرق في وسط عينه ... رضاه إمن إزعله .!!

هديتي انـت .. لا تتعـب وتهدينـي=اغلى هداياك في صـادق مواعيـدك
في نظرتك شفت برق الوصل يغريني=الحلم يقفي حلو الطيف .. واعيـدك
خل التعب عنك .. منك الحب يكفيني=القلب يعطيك كـل الحـب ويزيـدك
ياأجمل قصيده كتبها الوقت لسنينـي=واعذب لحن مايمل العمـر ترديـدك
مافيه غيرك يزعلني .. ويرضينـي=ابسط كفوفي واقول اهواك واريـدك
اطو المسافات يمي .. واسكن بعيني=الحب ماهوب لا بيـدي .. ولا بيـدك

ليه كّل ٍ لا تذكّر ( ذكرياته )=يشعر إنها ( أحلى أيام ) بحياته .؟؟
،
بس إيتنهـّد وهو يحكي .. ويذكر=حلوها مع مرّها .. وشلون جاته
،
يتذكّر بعض الأشيا .. وإيتبسّم=من يصدّق إنها من ذكـــرياته .!!
،
هالمواقف بعضها كانت كبيره=بعضها خــلاّه ( إيتمنّى ممـــاته )
،
وبعضها للحين لا تذكّره يضحك=كيف ذاك الشي .. ذاك اليوم فاته .؟؟
،
وبعضها للحين لا تذكّره يسرح=ويتســائل .. ( وين راحت أمنياته ) ؟!
،
آه ياذا العمر .. يا سرعك علينا=واجــد إللي ما يحسّـون إبفــواته
،
وآه يالإنسان وشلون يتغيّـر=كل شّيٍ فيه .. حتى ( تضحياته ) .!!
،
إيتغيـّر غصب عنّه .. بسّ يبقى=طينــه يأثر . . على طيبــة نباته
،
وإن بغيت تعرف أي إنسان وش هو .؟؟=طالعـــه ... لا قـــام " يسرّد ذكرياته " .!!