كانك تبي مني علوم / وسوالف !=السالفه يا صاحبي : كانت وكنت !!
ماعاد في قلبي حبيبٍ / موالف ! =بعدك تساوت كلها عندي .. و شنت !!
وابشرك قلبي عن ( الحب ) حالف !=حتى الشعور اللي تخبره : تعيش انت !!

ودار بْنا الزمن .. واصبحت ادوّر لـك وانـا (مشتـاق)=(بعد ماكنت) بيْـدك تغتـرف .. مـن شوقـي الصافـي
.
عجزت اقول: راح .. وروحتـك .. (ماهيـب بالطّقّـاق)=لا والله .. بالسّلامـه .. ولاانـا (مـانـي بمتعـافـي)
.
(ياليتك) قبل تجفاني .. بديـت (بجـرح مـا ينطـاق)=عشـان اضمّـده بموادعـك .. (واكـون انـا الجافـي)
.
لكنْ حطّيتني بالموقـف .. (اللـي مـا تبـي العشـاق)=انا وشلون اذمّك .؟! واحقرك .؟! وانا اخبرك (وافي .؟!)

لا تردين ذكرى ما مضى يا الهبايب= دوري سالفه تسعدني وسولفيها
لا تردينها .. وانا من الحب تايب =يوم عاد الغلا والشوق منها وإليها
:
كانت اقرب لقلبي من جميع القرايب =لين ما اجنبت عنها واشمل الوقت فيها
غرّها عاذلٍ ما ذاق ظلم الحبايب=حسبي الله عليه .. وحسبي الله عليها
:
ليتني قبل ليل فراقها كنت غايب =كان ما شفت بيعتها وانا مشتريها!
رغم كثر الجروح اللي بقلبي عطايب =كل جرحٍ من يديها (مسامح يديها)