قبيلة بني رشيد - من غير قاصر بشعار(ن) على الساحه

على طار الشاعر سعدان ابن عابس شفى الله ابا وليد
سعدان ابن عابس
يالله يالله ياللـي مالنـا غـيـر انــت معـبـودسبحانك انـت العظيـم اللـي عليـك الاعتمـادي
يامالك امر الوجود الخلـق تفنـا وانـت موجـودباقـي وتعلـم خفايـا الكـون واسـرار العبـادي
يارب اسالك رضـاك ولامـدى حسنـاك محـدوداخشاك وارجيـك تهدينـي علـى درب الرشـادي
مومن وفيك استعيـن الـى لحقنـي هـم والهـودمـولاي رحمـاك يـاعـلام ماكـنـه فــوادي
قمـت اتفكـر واديـر الفكـر والتفكيـر مشـدودمحتـار يزعجنـي الممشـا ويزعجنـي قـعـادي
مترددٍ كنـي ابحـث بالزمـن عـن شـي مفقـودمدري على أي اتجـاه اسيـر وجروحـي جـدادي
استـدرج الفكـر ذعـذاع القصيـد وهبـة النـودنفـح المشاعربنـود الشعـر عطـر كــل وادي
خيل بفكري خيـال الشعـر كلـه بـرق ورعـودوانقـاد مـن هاجسـي منشـاه ياليـل الهجـادي
يتعبني الشعر واتعـب لـه ومثلـي عنـه منشـودفي وقت قل اعتبار الشعـر مـن كثـر الـدوادي
في وسط سوق المزاد ونوب معنى النقص والـزودكم سبب الهذر عسـر الهضـم حتـى بالـروادي
لين اصبح المـدح ذم ولااصبـح البـارود بـارودومن لايعرف الفتيلـه ماعـرف ويـش الزنـادي
مدح الردي ضعف نفس ولاالردي بالطيب مشهـودوارض الصبخ من حرثها خسر حرثه مااستفـادي
هذا وانا لي هدف واضح ولـي هقـوه ومقصـودمعنـي ومعنـاي رمـز العـز والعلـم الوكـادي
اعن جزل المدايـح فـي شجـاع ينطـح الكـودوالمدح لـه منطـقٍ عـادي لكنـه غيـر عـادي
سـلام ياخصلـة العـز القديـم ومنبـر الـجـودوجـه المـروه ومـيـزان الادب راع الـشـدادي
ياراس من روس يام اللـي لهـم تاريـخ وعهـودتاريـخ كتبـت سطـوره بالرمـاح وبالهـنـادي
وعهود ماخامرة للبـوق طـول البيـض والسـودالا ان فيها بياض الصـدق عـن سبـر السـوادي
ياعلي واسمك وسـام الشعـر معـروف ومعـدودياحافظ له بيـاض الوحـه فـي بيـض المبـادي
تستاهل المدح يابـن بـلال لـك مثنـي ومـردودعليـك والشعـر لامنـي شديتـه فيـك شــادي
قلته وانا لـي شمـوخ وعـز ماغنيـت مضهـودوافخر بربعي سلايل عبس مـع حضـر وبـوادي
اليـا تفاخـرت فـي ربعـي نقـا مافيـه منقـودومن لاحفظ منسبه هافـي وبـن غـادي وغـادي
الله يديمـك ياابـو سلطـان ماطيبـك بمجـحـودورثِ ورثتـه تجـلا مثـل وجـه النـور بـادي
ماقلت بك غير فعلٍ منك مثـل السيـف مجـرودوثيقـةٍ ختمهـا بالصـدق عـن بعـض التمـادي
والحمد باهل الوفا مثلـك ياابـو سلطـان محمـودوميدانك اكبر من اللـي فيـك صفتـه باجتهـادي
وعلي بن بلال
يـاالله يـاالله ياللـي تقضـي الحاجـات وتـجـوداسالـك المغفـرة والـعـز والـهـرج الـسـدادي
يامالك الملك يـاذا الكـون منـك العـون معهـودامنـت بـك لاالـه الا انـت حقـق لـي مـرادي
البارحـه كنـت ساهـر والمـلا هجـاع ورقـودصار السهر للعيـون احـلا والـذ مـن الرقـادي
يوم استهليت عشرين وخمـس مـن اجمـل الخـوديا مطيـب الرابعـه والخامسـه حسـب اعتقـادي
ما كنها الا مهـار مـن بنـات حصـان صاهـودالا انهـا مـن رشيـد وعبـس والمجـد السنـادي
حورٍ مهرهن بصدري مـن زمـان فـات ملحـودرصيد شعـر كمـا كنـز الذهـب ببـلاد عـادي
للـي بعثـهـا نـبـي الله سليـمـان ابــن داؤدساعـة كشفهـا بمـا فيهـا دفـن ذيـك البـلادي
عساني اكسي جزيـلات المعانـي جـوخ وعقـودحيث انهـا مـن نديـم ينطـح الواجـب عمـادي
بينـي وبينـه كمـا قالـوا ثمـان سنيـن ياحمـودوالله نشد عـن معرفـه يـوم والمعـروف قـادي
يامرحبا مـن هجـوس شربهـا صافـي وقرهـودياوافـي مـن رجـال العـرف خطـلان الايـادي
الله يــحــيـــيـــك يــ سعدان بن عابس راع الفود=ترحيب معناه للصاحب حزام الى الثنادي
حاضر بحاضر بدون محايـلات ونصـب ووعـودابشـر بعـزك ليـا حـدك مـن الايـام حــادي
انا ادري انـك ولـد لابـه لهـا عـادات وجـدودزيزومها عنتـر العبسـي علـى سـرج الجـوادي
لابتـك وسّامـة الكفـه لهـا تـاريـخ وشـهـوديشهد لها الحوض ووروده علـى عاشـر وحـادي
وانا ادري ان كل صابـر لـه امكانيـات وحـدودوالصبر محمود لولا الصبر مـا عـرف المهـادي
وانا ادري ان اكثر الوافين حضـه حـض مقـرودفي عصر جوع الكريـم وشبعـة الهيـس الربـادي
ما قصد بها كـل منهوفـي غنـا وسهـود ومهـودبعض الرجاجيـل مـن زود الغنـا بالطيـب زادي
وكلا من الناس مـن مجنـاه يبـداء منـه ويعـودلا بـدّل الله ثيـاب الـعـز بثـيـاب الـزهـادي
افضّل الموت مـن حربـه ومـن كيلـه وعبـرودولا كمـا قيـل تستسقـي البحـور مـن الثمـادي
وان شفت مسيود مصبح سيد وامسا السيـد مسيـوداحس بالغيـض مهمـا هاضنـي صـوت المنـادي
وان شفت خلة عزيز القوم مـن حاسـد ومحسـودادعي على بعـض نـاس مالهـم كثـر الجـرادي
ياحيف ما كن مع بعـض الرجـال قلـوب وكبـودلا ينقصـون الـعـداد ولا يـزيـدون الـعـدادي
والله جعـل للقصائـد والرجـال اسـرار وسـدودمعـك السعـد يـا مبشـر بالعشـا قبـل الهـدادي
راسك ويمناك ولسانـك مـن اعـلا راس مرجـودراسي وشامـخ وزبـن وفيـه شـرب وفيـه زادي
هذاك مجناك يا منصـا الضيـوف جمـوع وبـدودتنصـاك مـن كـل الاقطـار القريبـه والبعـادي