وهو أكبر من القصايد وغيرها ولو قلت الكثير من القصايد في هذا الرجل لن أوفيه حقه
وإليكم القصيده المعبره عن شعور شاعرها.

راكب اللــي كنه الطـير خفــاق الجــناح =لاهوى من راس رجـم ٍ طويل ٍمعتلي
لاهـوى مـن راس رجم ٍ تصافــقه الـرياح= يرتـفـع يـم الخضيرا ونـوب ٍ ينزلي
ياخذ مـع الجـو تحـليـق ويسـو انـشراح =حر ٍأشقر بالوصايف ماله وصف ولا حلي
مرسـله سلـمان مهـديه لـشيـوخ الصــباح =المـلوك اللي تـطول وتقـول وتفعلي
جيب لامنه مشى مع جراهيد ٍ صحاح=كن صوته صوت سيل ٍ بواد ٍ ممحلي
وتقل فارس قوم وارد على الموت الذحاح= الشجاعه وسط قلبه تغيظ وتمتلي
ولـونه اللي يـشـبه الـمزن فيـه الـبرق لاح =والمـراتب جلـد والكشن ناعم مخملي
نـوعه الفـكسار بسطب لـكزز مع جــناح =كيف ابا آصف موتر ٍ بالوصوف مكملي
المـهم مصـممه حـاز خـبره مـع نـجـاح =بس عـــذروبه لطـاعة وليَّه يجـهلي
فــوقه المـندوب قــدام لايـبدا الصــباح =سـاري ٍ قـبل تغـيب النـجوم الزحـلي
مـن جــنوب الممـلكة قـبل حي ع الفـلاح= ياخـذ من الشـرق ربعـه ونوب ٍ يشملي
والـعـصر بالعاصـمه عنـد لـبَّاس الوشـاح= لابس وشـاح الشـجاعـة رفيع المـنزلي
عـند ابو سـطام يلـقى الـكرم والارتــياح=مايحـصل غــير فـنـجال بـن مهيلي
وكـبش ٍ يـقـدم لـضيفه من كـبار الفـطاح= الخوي والضيف يجـدع لهم راس الطلي
وعـود ٍ أزرق كـل مادار بالمـجـلس وفـاح=لو يـشمه راعـي الضـيق ضيقه ينـجلي
وارث ٍ طــيبه من ابـوه وجـــده ياصلاح= باللــيال الـتالـيه والــزمان الاولـي
جــعل هم بالخــلد منـزال وبــيوت ٍ فساح=ياولـي الـكـون ياللـي علـى خلقه ولي
وعــزوته يـوم المعارك وطـعن ٍ بالـرمـاح=بالشـجاعـة والسـطـارة تـقول مهبلي
الــدوامـيك الصـناديـد مرويـت الشــباح= يوم نـيران المـعارك سـناها يصـتلي
مامـدحت ألا لـمن يسـتحـقـون الــمـداح=فـي تـواريـخ الـجزيرة لهم فعل ٍ جِلي
ولايـغـط الـنـور ياغـير مـكـثرة النـياح=نـاس مـبليـه وكـم نـاس فـيهم تبتلي
ويانـــديبي لابـو سـطام هـاك السـد باح=قـله يـقول إلك نـاصر تسـمع مــايلي
يامـحـمـد اللـيالـي تـجارب مـع كــفاح=والـزمـان يموحـنا مثل ميـحات الدلي
ياحــزامي يـوم كل ٍ لـه حــزام وسـلاح=لاتـحسـبني من الهـم والضــيقه خلي
عـشت فـي غـربه ونـص العمر ولى وراح=ولابـقى ألا اللـي عليـم ٍ به اللي مـعتلي
مـثل غـيري ماعـلى الوقـت والدنيا استراح=مـن شــروره للوديـعه لعرق المـنخلي
ولالــي الا الله ثـم انـت كـان الحظ طـاح=طـالب ٍٍ فزعـتك ياسـيف ابو طالب علي
ذاخـرك فـي وقتـها باللـيال اللـي شـحاح=ياسـليل امـجاد ربــعي وداري واهـلي
وانــت راع الاولــه ماهي لعب مضيمضاح=والمـثـل يــقـولها الاولــــه للاولي
وعــد مـن يارد ويشرب مـن العد القراح=الصلاه ختامها للنبي المرسلي