قبيلة بني رشيد - تنسيق محاورة الشاعر محمد معيوف والشاعر ابراهيم الشيخي

إقتباس:

اقتباس من مشاركة ابوعبدالله الشويلعي (المشاركة 44236)

السلام عليكم ورحمة الله وبركاته.....

احببت ان انسق هذه المحاور الرائعه واتمنى ان تنال اعجابكم

محمد معيوف

الايامرحبا من هيض صدري يوم بحره طاش=عبابه تصطفـق والريـح غربيـه شماليـه
الا يالشاعر اللي في ربوع الفيض عمره عاش=قيـادات الهـرم بالحبـل مربوعـه ومثنيـه

ابراهيم الشيخي

يدوم لك البقا من هيض شاعر مابرد له جاش=هواجيسه تعانـق كـل الابـراج السماويـة
لك الله ماشريناها سلف ماعندنـا الا كـاش=واخذنا في حسابات البنـوك ارقـام سريـة

محمد معيوف

على دار الرشيد من المزون المظلمات رشاش=تعانق جوها مابيـن حـر الشمـس والفيـه
تراها ليلة العشر وظروف الشعب طبعاً ماش=غزاها ثار يعرب واصبحت ثـورات قوميـه

ابراهيم الشيخي

يابن معيوف لاتنظـر بسوداويـة الاوبـاش=عن الواقع تعوَّض فالمنـام احـلام ورديـة
عساك تحرر ارض الرافدين وترفع الشوباش=على قسمات وجهك من صلاح الدين ماريـة

محمد معيوف

انا ماني بميّس والمريض بغرفة الانعاش=ابا احاول لعل الله يروف بحاله شويه
تراي ابحث عن الطيب ولااخاوي سقاط اللاش=لكن هيا توكل ودَع الدار الجنوبيه

ابراهيم الشيخي

اناماجيت ازوره لين حصلته طريح فراش=اثر بدو الخليج اكلاتهم ماهـي بصحيـة
والا ياطيب عنقود العنب لو كان ماينّاش=تطاول للعنب يمكن يديك اطول من ايديه

محمد معيوف

ليا منك جرحت النون بين الجفن والارماش=تبي تتعب تدوّر لك على وصفـات طبيـه
عتاداتك بدائيه مابين الـزرف والرشـاش=وحنا في عصور الحرب بالاجوا الفضائيـه

براهيم الشيخي

تشجع واقبل الواقع وعن واقعك لاتنحـاش=ترى نكرانك الواقع دمار وضعف شخصيـة
غزيناكم بحرب المعرفة ماهي بحرب هواش=ويثبت لك جوابي عبر الاقمـار الصناعيـة

محمد معيوف

معالينا حقايق وجهها ابيض من بياض الشاش=رجوم المجد ماهي غرفة ٍ مـن طيـن مبنيـه
عدسات ( الهيلوكبتر ) تصور دون ومض فلاش=وبعض من البشر يبحث عن الروح الرومنسيه

ابراهيم الشيخي

لو الشوكة تصيب عيونكم ماجابها المنقاش=وانا اللي مايصيب الشوك مني غير رجلية
مادام الاقنعة ماتكشف الصادق من الغشاش=انا حكمي على ظاهر كلامك ما اعلم النية

محمد معيوف

على قول المثل : ( روس الضبا مامن وراها عراش )=ترى الشوك اهون من الجمـرة اللـي نارهـا حيـه
ترى (عرقوب) ماصدق (شعيب) وجا بصف الـواش=مثـل ماقـال فرعـون بعصـى موسـى الالهـيـه

n200674

:o

تقبلوا تحياتي أبو عبدالله الشويلعي

شكرررررررررررررررررررررررراااااااااااا الشاعرين والشكر موصول الى ابو عبدالله على هذا التنسيق الجميل

:p :p :p :p صفوف