ياصاحبي ماعاد بالموضوع قم روح وتعال= سوالفك زادت ولاأرف مزحهامن جـــــــدها
ولاودي إن الوضع ياصل معك لحد الجدال= اللي تبيهاخوذهاوالي تغثـــــــــــــــــــك ردها
ورتح وأناابرتاح من هالسالفة يابن الحلال= من كثرماهي مشغلتني قمت اللعن جدها
الساعة اللي قلت فيها الفال يقفاه إلعقال =ورحبت بك ترحيبتن يقطرنداهاوندها
وحطيت لك مركا على قمة لواميح الجبال =وقلت انت ابوها وسمها واللي تبيها بدها
وأعطيتك علوم الرجال الي تناقلها الرجال =ومديت لك لقمه لذيذه بس حظك لدها
وامليتك حروف الاجابه قبل ياتيك السوال =وفتحت لك بيبان سلمى يوم غيري سدها
واهديتك اللى ماهدوك اسلاف جدك والخوال =وهقيت بك هقوات لاكن صرت منت بقدها
تدري لماذا لانك أنت انسان مملوك الخيال=يعني على كيف الربع قم هاتها قم ودها
تخاف لاتزعل حمد ويخبر الكابتن طلال =وتمدله يمناك ويعيي عليك يمدها
ومدام هذي سيرتك في هازمن طبك محال=باقولك كلمة لوإن النفس ماهو ودها
خلك بعيد الله يديمك لاتعيشنا بخيال=دامن نفسي طيبه بالك تبيح سدها
والقله اللي شيدت بدعي عليها بالزوال=مدام انا شيدتها يجب علي اهدها