ياكثر ماقلت ابكتب لك قصيد =لجل البي ياعيوني مطلبك
مير احس اني لجيت اكتب جديد= اتلعثم في كلامي وارتبك
كيف ابنظم ياحياتي كيف اجيد = الشعر في حضرتك ماينحبك
والحروف الابجدية ماتفيد = تعجز حروف العرب لاتوجبك
لكن اسمحلي جعل حظك سعيد = بكتب ابيات ن عساها تعجبك
تدري انك جاري ن وسط الوريد= مشتبك حبي بحبك مشتبك
ياذهب يالماس يالعقد الفريد =جل منهو باحلى صورة ركبك
مايحيد الزين عنكم مايحيد =فوق حسنك طيب الله منسبك
لو بوصف ويش اخلي ويش ازيد=المهم انك حبيبي ماعذبك
هذي نبذة قلتها لك والأكيد= انك اكبر من حروف ن تكتبك
قلتها واقولها وارجع واعيد =القصايد ما توفي مطبلك