|
في حضوري كلهم مثل النعام
واتفلسف بالسوالف والقصيد ماعليه من خفافيش الظلام بس لاقفيت صارو بالشجاعه ياسلاااااااااام صارو بهرج القفا فريس في وقت الرخا / / / الكلمه الي رددوهـا فـي قفـاي تبقى ومن ينطق بها يبقـى وراي لو كل كلمه باللتفت مـن قالهـا واعط المهبل وجه ينقص مستواي لكن اعرضها على صفق الهـواء واجر صوتي شد حيلك ياهـواي مايشتم المقفين غيـر الناقصيـن والناقصه والله ماحث لها خطـاي |
في لغـة جبـر الخواطـر لغـة كسـر الجنـاح
زوبـعـه تقصـيـر طـايـل وتطـويـل القـصـيـر احـتـضـارات المـشـاريـه عـنــد الامـتــداح لا يـمــة تـقـديـر فـيـهـا ولا شـفـنـا الـقـديـر كـــل شـــئٍ للحـقـيـقـة وحــــق الله مــبــاح فـي زمــانٍ لا ولا صــان شــور ولاشـويـر يانهـار الحـق ضـم الصبـاح إلـى الصـبـاح مـن يـدور لحظـة الأجـر مـا ينسـى الأجيـر |
كل ّ المضافين راحوا .. ما بقى إلا أنتي في عالم النت ّ .. وألا العالم الثاني مدري وش أقول .. لكن وين ما كنتي تراني ألقاك .. حتّى فـ/ أصغر أخواني الله وهبك الغلا .. حتّى تمكّنتي من حب ّ قلبي .. وأحاسيسي .. ووجداني حبّيتك العام .. وأنتي ما تبيّنتي ولا زلت أحبّك دهر .. كان الله أحياني وإن مت ّ .. لا تنثرين الدمع لاهنتي مصير الأيّام .. تصدر حكم نسياني يا حلم سعد .. في حلمه تسلطنتي يا أغلى من الدم ّ .. في قلبي وشرياني أجدتي الثقل لـ/ أجل رضاي .. وأحسنتي في صمتك اللي تجيدينه .. على شاني وإن كان من سيرة الأشواق .. هوّنتي العمر يفداك .. دام إن ّ العمر فاني : : : |
صلنا وجلنا في ساحتها ندوّر خليل فرايصه حزّة الميقاف ماترتعد ويوم انّها وقّفت بين الكثير القليل أحدٍ نزل من عيون الصدق وأحدٍ صعد صبرك على الضيم والدنيا مداها طويل صديقك يبان في الشدّه والأعدا بعد توّك على السّلّمه الأولى لَكَن لاتميل خلّك مع كل لحظه واعي ومستعد جات ( الخيانه ) من كفوف ( الميانه ) حصيل الظلم غيمه غدر من غير برق ورعد اقدح من الراس لو ينداس راس الفتيل والحظ لاتلتفت له قام ولاّ قعد قل كلّبوا الحق لاتخشاه وانفض شليل في وجه ماهوب ندٍ لك ياوجه السّعد واسترجع اللي مضى لك بين حيّ وقتيل وخلّك على مايبي العشّاق / عند الوعد ياشاعر الجيل مالك في العذوبه مثيل قمّتك كم هازها غيرك / لَكَن ماصعد |
معوّض خير ياحيٍ تهقوى في الزمـان ومـال سنينك لو رقيـت بعدلهـا يطرحـك مايلهـا تعلّم وإعرف إن الدرب قدامك سهـل وجبـال جبـال تطولهـا وجبـال بعيونـك تخايلـهـا ومعوّض خير ياحيٍ وردت الماء بدون حبـال يطول بك الوقوف وشربة المـاء ماتحصّلهـا وقوفك عند راس البير مايسقيك لـو فنجـال ولاينفعك شوف الجمـه اللـي منـت طايلهـا ومعوّض خير ياحيٍ خدعك من الرجال أشكـال تشوف أشكالها وتحطها أرفـع مـن منازلهـا تعلّم من زمانك لاتصير مـن أجهـل الجهـال ترى في كل يـوم تجيـك عبـره لاتجاهلهـا إذا ربي وهب لك عقل تلقى في الرجال رجـال تعرف اللـي يطلّـع قيمتـك واللـي ينزلهـا ترى من بعض مايندي الجبين ويحرج الرجال لياسـاق الميانـه فـي نفـوسٍ ماتقبّلـهـا ومهما شفت في صاحبك من نخوه وطيبة فال ترى بعض السجايـا كثـرة الإلحـاح يقتلهـا معاريف الرجال ديون وديون الرجـال ثقـال لياصرت متعافي ليش تغـرق فـي جمايلهـا رصيدك في حياتك سمعتك مع طيبيـن الفـال رجال الطيب والمعروف بالمعـروف عاملهـا ولاتبدي بجاهـك فـي مقـامٍ مايسـر الحـال ولاتشفـع لنـاسٍ ماتنومـسـك بفعايلـهـا لياجاتك تعذّرهـا مـدام العـذر لـه مدخـال ووقت الجد قول لهـا الصحيـح ولاتجاملهـا وخذ منـي نصيحـه لاتصـدق كـل ماينقـال يجـرك للنميمـه ليـن يطرحـك بحبايلـهـا يجيلك ناقـل النمّـات بهـروجٍ تغـث البـال سوالف في قفاك وحظك أطيب يـوم تجهلهـا يبـرر بالحميـه والصداقـه شينـة الأفعـال يجمّـل صورتـه بعلومـه اللـي ماتجمّلـهـا ولو كانت حميه فيك رد المخطيه فـي الحـال ولاكان إستمعها فـي قفـاك وجـاك شايلهـا ترى من جاب لك ودّى وهذي عـادة النقـال يحاول يقتنص من فمك كلمـه لأجـل ينقلهـا ومثل ماقال عندك راح عنك وعند غيرك قـال وزوّد عشر فوق الكلمه اللـي كنـت قايلهـا تجنّب مجلسه لاتجلس إلا مع كريـم خصـال تحمّـل ميلتـه وإن ملـت ميلتـك يتحمّلهـا ولاتصبر على الجار الردي لوهي ثلاث ليـال تضـرك جيرتـه لوكـان بيبانـك تقفلـهـا وبيع الدار بأول سومةٍ تعرض علـى الـدلال ورزقـك عنـد ربٍ كاتـب اللقمـه وكافلهـا وبنتك لاتزوجها الردي لوهـو كثيـر المـال تربيهـا علـى الطـالات وتشـوّه سلايلهـا وكم من لاش يرمي خيبة إبنه فوق راس الخال لوإن الخال من روس الرجال ومـن دلايلهـا ليامنك عرفـت تميّـز الطيّـب مـن البطـال وفادتك التجارب في الحيـاة وفـي مسايلهـا وكشفت الفرق مابين الصحيح وحيلة المحتـال وتعلمت الفراسه في الوجيـه اللـي تقابلهـا بعد هذي ترى مالك غنى عن صحبة العقّـال يدلونـك بـرايٍ ينقـض الدعـوه ويفتلهـا يقولون الرجال اللي سوالفهـم حِكـم وأمثـال ليامن ضاعت الحيلـه يـدل القـوم عاقلهـا نصيحة واحدٍ جرّب وشاف من الزمان اهـوال يقدّم لـك خلاصـة هجـرةٍ جـرّب هوايلهـا |
وقفة تآمل العرف مايـعرض على نــاس عــراف ** وكـلٍ يــميــز كـلمتـــه لا نـطــقـهـا والشمس لابـانت علي كــل مشـراف ** محــدٍ قــدر بيـديــه يـحجب غسقـهـا وأعــلا معاديل الرجــاجيل الأنصاف ** واللي طـرق بـاب المــراجــل طـرقـها وترى الرجال أشكال وأزوال وأصناف ** سبحان من يفــنى النـفــوس وخلقـها أهــل المواقف كــل ما حـان ميـقاف ** امـن الفـخر والفــعل ينـضح عــرقـها رجـلٍ علي العليا مكــانه وينــشاف ** خلــد علومـــه بــالفـــعــول وثـقـها للعقد حــلالٍ وللـصــــعب عســـاف ** وعسـف المراجل والصعــايــب عشقـها أليا فــزع بـــالفعل يســعى ويطاف ** ولـيا وعـد تــم الــوعــود وصـدقــهـا على خطـايا صاحــبه ستـر والحـاف ** ويــدمـح وغـرات العــرب ما درقــهـا للطيب مــربــاعٍ وللعــز مــصياف ** وللـجـود ركــن وكــم رقــابٍ عتــقـهـا وأحدٍ علي الـكلمة سريـعٍ ومزهاف ** أمــا يــصــر الـعــيــن و لا بــلــقــها اليا وقف ياقـف علي حـد مــهياف ** طيــبه لـيـا شــاف الــجماعه فـرقـهـا ماعنده الا الثرثره و(1000)مغراف ** ولـو الرجـــوله سلعــةٍ لــه محــقـهـا خسران مفلـس في مـراحه والأنكاف ** وأهــل الـحمق دمــارها مـن حمـقـهـا ليلٍ سهرته كـن فـي راسي أشعاف ** والقـلب لــو داحــم ضلـــوعي فرقـها ياناس ماهـى قصة احـلاف وأحلاف ** ولا هيب لـحـية دوك خــذهـا وذقـــهـا مانيب في شذب العراقيـب صراف ** وأذنى عن اعلــوم الحــواقــيد صـقهـا شريف مرضى غيـر في خوّة أشراف ** مثـل المـزون وبــرقــهـا لا شــعـقـــها الراس وش خانته من غير الأكتاف ** واللي يــكــرم لـحيــته مــا حلــقـهـا لو قلت طاف الهرج ياناس ماطاف ** الا وقــع وســط السـمــوع وصـعــقــها وأن قلت هذه حــذفةٍ دون حـذاف ** محــدٍ يــحــس بشـــرقـةٍ مــا شرقـهـا دربٍ يــحد النفس للضـيق ينعاف ** ويـم السعه يــا قــلــب الأقدام سقــها بنـادقٍ ترمى وتـخطى بــالأهداف ** وخـطــرٍ على نــقـالـهــا من فــشقــها والفرقه اللي شرها يهرف أهراف ** لاعل دورات الــزمن تــــصـطـــفـــقـها ومنيف ماغــره سـوى راى نواف ** اغــواه حــتى أن المــعـالـي زهـــقـــها واللي يحوفه من بلا الوقت حواف ** الـيا بــغى ينــطــق علومه شهــقـــها واللي يبهر دلته عشرة أضــعاف ** أكــيـد لامــنه طــبــخـــها حـــرقــهـا والخزنه اللي وسطها در وأصداف ** أحدٍ أخــذ منهــــا واحــدٍ ســـرقــــهـا لو البحر ينقص من أسباب غراف ** محــدٍ شكــى غـدر البحـــور وغــرقــها أسنين بقعا بيــن جـزلات وعجاف ** واللــي يسـابــق كــونــها ماسبـــقـها والوقت عبره والتجاريب محراف ** ومــن لا اعتــبــر مـطـــالبـه مالحـقـها هذا وأنا ماغـر عن درب الأسلاف ** واللي يقـــدم حــجـتــه ما فـــهـقـــها |
وصلتني عبر الايميل من شخص عزيز لا وهني اللي دوامــه على الكيــف ما قـرب البـدلة صــباح وعــشية يــوم مع ربعــه ويــومٍ مـع الهيف ويـومٍ مع المـقناص واهـل الحميه ماهو بمــثلي أكثر الوقت ماشيف متــــعـــذبٍ مابـيـن روحة وجيه ماهمني لنـدن ولا همي اجنــيف همي طـليق الرجل بــرضٍ خـليه انشهد اني يـا سعد حالي اضــعيف وعـــزوم قـلبي كـــل ابـوها رديه راحة سنين العمر بالشغل والسيف متحـيرٍ مابـــيــن هــاذي وذيـــه بيحت مكنوني بــعيدٍ عــن الزيف ولاخيـر في اللي ماصدق مع خويه |
الحب : غبّه ورى غبّه ورى غبّـه خاوا جروحه وخلاهـا علـى ربّـه ذي آخر أخبار ( قلبي ) يا مشاويري كله ذهول !! وهبـوب الغبنـه تهبّـه مغبون .. وعتابه اصدق من معاذيري القلب: ( مركب سهر ) والريح تلعبّـه والموج ما يرحم ذنوبـي وتقصيـري والحب : غبّه ورى غبّه ورى غبّـه فقدت فيها ثـلاث اربـاع تفكيـري ! مرات اقول الخطا مني وانـا السبّـه ومرات اقول السبب قسـوة مقاديـري واااعيني اللي تهـل الدمـع وتصبّـه على فراق ٍ سرق فرحـة تباشيـري تقول سامح زمانـك والحـزن خبّـه واقول منهو يعوضنـي مخاسيـري ؟ وشلون اسامح زماني واللـي آحبّـه خذاه غيري وانا اولى فيه من غيري ! |
أتلى العهد في علومك قبل تقريب يـوم الله يحفظك يا اقسـى قلـب ويسلمـك فقدت سلك الصله عنك وجلـب العلـوم اللـي اذا اشتقـت استدرجتـه وكلمـك صحيح عندي كرامة نفس واقوى عزوم بس البلا انساك وارجع فيك واستلهمـك اصارع القلب وارجع في الصراع مهزوم ويرفع يدك في خيالي نصـر ويعضمـك |
جتني تقهويني .. وانا خاطري شين ! والهم راح وكنّ ما فـــ الصـدر شــيّ تاكل حلا .. واقول وش لـه تحلـّين بس إبلعي ريقـك / وعقبـــه تقهـويّ |
أنا ياذاك عـن تفكيـرك آهـل وعارف وين شبحك با لشواهل وكم تخطي وكم كنت أتغاضـى وأرد أنصحك وأمهل لك وأماهل على الهفوات مانفسي حريصة وأنا من منهل أهل الطيب ناهل اسكاتي عنك زاد ابك التمـادي وغرك يوم انا معـك متساهـل تغاضيت أحسبك يـاذاك تفهـم لكنك في ذهول الـذات ذاهـل أعرف أنه يغيضك طول بالـي وفي نفسك هواجيسن دواهـل فلا تقـدر تهـد الـي بنيتـه ولانت بما تريـده فـي واهـل شموخي لاتطـول ولا تطولـه ودونه يزهلـك بالغبـن زاهـل نعيق البـوم ماهـز الشوامـخ ولارد الـورود عـن المناهـل تسوي لك حضورآ في غيابـي تحسبنك كبرت وصرت عاهـل ولكنـك صغيـر بكـل معنـى اراك بمدهـل التغريـر داهـل تعيش أوهام تحسبهـا حقيقـة وتفكيرك من الأ وهـام راهـل تخالف واقعك في واقع اصعـب بهذرك وشتكت منك الكواهـل مغيّـب تستغيـب بمـا تقولـه فقد فمك الصراروصـار باهـك لاكن صوتك مـداه لسامعينـك نكور وصوتك انكر منت صاهل حضورك فيه مايلغي حضـورك وتصنيفك عن أهل العرف جاهل أجل ماعاد لـك يـذاك عنـدي سوى كسر اعتبـارك بتجاهـل |
التصنع مرض الاغلبيه يعانونَ منه .. السبب افكارهم ..!!
يعتقد الاغبياء ان النجاح مجرد ( علاقـــــه ) ، ، |
.
يافديتك لاتضيق ولاتضجّر اِرتفع ليمَن سقط للاْرض غيرك اِبتسم واِتشوف عدوانك تفَجَّر وما تنام الاّ ومرتاحٍ ضميرك . . |
الله عليك يابو جوري ..
متابع .. |
إقتباس:
حياك ربي ومشكور يامال الغناة |
من حكمة الله حط خصله بالانسان اعجابه بشكلـه وحكيـه وحالـه تلقاه يضحك في فـلان وفلنتـان ولو دقق بنفسه بلْش في خصاله نطف ظهور رجال ببطون نسوان وتبجحـت بالفشخـره والجهالـه |
تدللي وآمري واخذي من اللي تبيـن انا وشعري فدا عينـك وسلهامهـا ياحلمي اللي تعبت ادوّره من سنيـن يانفحة ٍ تستلـذ الـروح بأنسامهـا الشوق بإسمك يدوّن .. والعنا يستكين والناس من دون قدرك تصغر احجامها |
الجفا .. وفق منظوري وحسب اعتقادي مصدر الهام يروي بالتعب كـل شاعـر حسبي الله على طبع الغيـاب الارادي كم يغيظ الجروح .. وكم يقيد المشاعر ! http://www.mlame7.com/vb/images/smilies/14.gif |
اخطيت يامتمهمني بالجفـا والصـدود واسرفت بالظن الآثم في حديث الـرواه ماهوب انا اللي لسانه بالامانـه يجـود مع كل ذعـذاع ويغنـي لكـل اتجـاه واذا معك ماصنعت من الحواجز حـدود هذا علشان شخصك في الضلوع وغلاه عطفا على ماسبق ماني بحاجـة شهـود احتاج منك اعتراف ٍ بالخطـا وانتبـاه لاتنثر الشوك في درب ٍ ملتـه الـورود قلبي من العام يدرك وش له .. ووش علاه لو كنت ما اعدّك اجمل ماخلق في الوجود ماكنت اشوفك واحس برغبتي في الحياه |
على مايبدو ان اقسى شعور يواجه الانسان
اذا في يوم حاول من جروحه يخلق الراحه يبي يخفي ويصنع للتصنّع حنجرة ولسان وعينه بالكلام اللي يبي يخفيه فضّاحه سلاحه حسب مأثور المصادر نعمة النسيان ولكن للأسف صعبه يدينه ..تملك سلاحه |
تدري وش الابداع .. لاقالوا ابداع انك تسوي شي .. من صلب لاشي اما كذا والاّ استرح وامسك القاع ماياخذ الميّت .. مكانه مع الحـي |
طاب مساءك سيدي الفاظل
يمكن اكون قطعت حبل افكارك ...اعذرني ساتابع بصمت مثلما نوهت لكن موضوعك جدير ويستحق ان اكتب مرور شكرا لك على ماتنسجه لنا من ابداع رائع |
كن ودك تغيب ولا تغيب
لا تغيب استمر .. متابع .. |
إقتباس:
وتسجيل مرورك ومتابعتك بلسم للروح وشرفتي والله وكوني معنا دائما . |
إقتباس:
^ ^ مرورك يُضيف الشيء الكثير للمكان وصاحبه يا ابو فيصل يكفي أنك فضى البراك.. أفلا أفخر حينما تكون ضيفاً هُنا! كُن بخيرٍ دائم ومتابعتك شرف |
. . بعض القلوب اَموات, من موت الاِحساس وش خَلَّت اِقلوب البَشَر للمقابر!! . . |
المشاعر باديه . والشوق واضح , والهوى..! ما كف وبله من صبيبه ..! اختفت معه الهقاوي والملامح في حبيبٍ فاقد شوفة حبيبه |
http://upload.te3p.com/uploader/420494/11247023248.jpg
سحر [ الطفولة ] لا كسته [ الأنوثه ] يصبح ( نموذج ) للجمال الحقيقي ..! |
ما كل من قال انا راقـي طلـع راقـي الناس فيهـا تفـاوت فـي ضمايرهـا اهم حاجه على الانسـان الاخلاقـي وأن ضاعت ، الناس ما تنفع مظاهرها !! |
[ العمـر ] .. صـبـر و أجتـهـاد وطمـوحـات و [ الواقعيـه] .. قشـر ، و [ العاطفـه ] لــبّ و [ الحـظ و التوفيـق ] .. ضمـن الكـرامـات , تجـي بِ .. أمـر الـربّ , و يردهـا الــربّ ! ( الحـي ) .. لا يبقـى علـى مـجـد الامــوات ولا يفتخـر بـ.. المـدح , و يغـيّـب الـسـبّ ! كـم [ ناجـح ] إتسمّـى عليـه .. النجـاحـات ! ولاّ [ الفـشـل ] مـالــه سـلالــه .. ولا أبّ ( عم النبـي ) لـو مـا تسنّـد علـى الـذات .. إن كـان مــا تـبّـت يديـنـه .., ولا تــبّ ! [ إقنـع ! ] و تقطـع بـ.. القناعـه , مسـافـات وإذا بردت .. أحطب مـن ( الراحـه ) و .. شـبّ ما أنت بـ.. ( نبي ) , تبني وتهدم .. [ قناعات ] ! لكـن ! .. ليـا شفـت الخطـأ وقّـف .. و نـبّ لا تآمن [ الدنيا ] , ولـو .. ( راحـت و جـات ) اللي يجيك [ اليـوم ] ، يرجـع علـى [ غـبّ ! ] إذا فعلـت الشـيء .. فـي كــل [ الاوقــات ] ْتملـه ، و ْتجفـاه .. لــو انــه ( الـحـبّ ! ) [ العمـر ] .. رحلـه ، و [ الليالـي ] .. محطـات و [ الراحلـه ] .. لا وقّفـت , مالـهـا طــبّ ! وإن كنت غـارق , فـي .. [ محيـط الملـذات ] ! إصنع بـ.. عزمك [ قـارب التوبـه ] ، و تـبّ ! |
,
أبشرك حي .؟ و إعلومي ما تسر آلعدو , |
,
, يآ مرحبآ بـ/ آلغآليّه من غآلـي عد آلزهر و إعدآد وبـلٍ سآلـي ترحيبةٍ تسبـي فـؤآد آلعآشـق يآ آليآنع آللي مهتوي ميصآلـي أستآحشك قلبي و فآضت عينـي في غيبتك ذبلت عـروق آمآلـي جلست حآير و أتلفـت حولـي و أجر حزني مـن بكـآ موآلـي مآ طآب لي زآد و منآم و رآحـه و لآلي عليهم حيلـةٍ و أحتآلـي حتى نزع قلبـي دقيـق عروقـه يقول موتي من بعـدْه أشوآلـي و أقول ليته حآضـرٍ هاللحظـه حتى يشوف آللي جرى في حآلي و آلحين جيتي يآ غلآ معشوقـك يآ مرحبآ تـو أستـرآح آلبآلـي زآن آلقصيد و زآن لي طآروقـه ذوقي لذيذه من جزيـل أقوآلـي مآ غيرك آللي سآكنٍ في صدري و مآ غيرك آللي فـ/ آلملآ يهنآلي أنت آلغلآ و أنت آلهوى و إطيوفه و أنت آلذي فوق آلحشآ متعآلي يآ شوقي آللي فـ/ آلحنآيآ عرشه لآ يآ بعد عمري و ضحكة فآلـي جيتك غلآ وآرد منآبع وصلـك مآ جيت لك يآ صآحبي محتآلـي |
مسرح جريمة قصتي اكثر غموض مـن الحريـق
اللـي تضيـع بـه الدلائـل والقرائـن والتـهـم مافيـه امـر مـن الصديـق لياتنكـر للصديـق ولافيـه بالدنيـا اهـم مـن المهـم الا الاهــم الياصرت بالحالـك فريـق وفيـه قدامـك فريـق وتخاف بكـره لانهزمـت يقـال مسكيـن انهـزم خذلـك طريـق تظمـن انـه بالنهايـه مايضيـق وان طعت شوري خذ طريق الله ترى مابـه نـدم وانا استخرت الله وعينـي خايلـت قمـة طويـق القمـه اللـي فوقهـــــا رفـرف للامجـاد العـلـم والله لعانـق راسهـا مادامنـي حــر طلـيـق حــــر اليامنـه شلــــع مـن سرعتـــه مثـل السهــــم ماعادت احلامي على خبرك ترى خبـرك عتيـق وان شفت بعيونك هرم , حلمي على راس الهــرم لي مده احلامي من العالي علـى الجزلـه تويـق صافحت كف المستحيـل وقـال : مـد ام الشحـم انا بـرئ مـن اي حلـم يلبـس ثيـاب الرقيـق ان ما امتــطى صهـــوة جـواد العـز بالله واعتصـم اقسمت ما انسى واجبي واخترت لـي درب يليـق وانـــــا هنــا والا هنـا مــا انســـى انــتمائـي والقـســـم مادام نيشان الفخر له في سمـاء صـدري بريـق وشلون نيشان الولا اللي داخل القلـب انرسـم!! جدي وابوي معاهديـن الديـن بالعهـد الوثيـق وانا على نفس الطريق اقسمت والوضع انحسم..!! والوضع انحسم والوضع انحسم والوضع انحسم والوضع انحسم |
ليس الحاسد الذي يريد أن يساويك بحيث يصعد إلى مستواك.....
وإنما الحاسد الذي يريد أن يساويك بحيث تهبط إلى مستواه.... |
الله يغفر لي كبار المساوي
في يوم تجزا كل نفس بعملها انا بوجهه من جميع البلاوي وبحماه من طيش النفوس وجهلها رب لغيره ما تلوق الشكاوي اللي خلق كل النفوس وكفلها لافكت ابواب الامل والرجاوي افتر دولاب الزمان وقفلها ولانقص ظني ولانيب اراوي في قدرة اللي لستمالت عدلها حتى لو ان قلبي شفوق هواوي وله حاجة يسعالها ما وصلها ما اخايل الدنيا بعين الشفاوي السلعه اللي عند اهلها لاهلها نفسي سموحيه وقلبي غناوي واللي تروح ويعوضنا الله بدلها لاصرت فالواقع فقير شقاوي احلم وخل النفس بالحلم تلها |
ابن عمك لا زعلك شرّه عليه
يقنعك بالحق و الا تقنعه انشده وشجاه و الاويش فيه انشده ولا تقاطعه اسمعه حتى لو انه المخطي .. ما عليه مشّها مادامها تمشي معه و كانك المخطي وهو رايه وجيه اصمت و لو يوجعك لا توجعه وكان قصّر وانت عادك ترتجيه لا تقصر فيه لا جاك انفعه ساسه الطيب على الطيب يحديه ياصلك حتى لو انك تقطعه وان بلاك الله برجال سفيه روح فـسناعك وخله في سنعه صد عن وجهه على شان الوجيه من ضياق الجهل الى عقل السعه |
ياللي تميز ويش رايك من قبيل الانفلات
نتداول الصدق اللي ماتلقون احد يتداوله مدري متى يصح الصحيح الله يغربل ذالحياة تقول ذالدنيا مع حثال العرب متقاوله اللي كفو ماهو كفو والغافلات الخاملات يجي ولدها وكل شي نزاوله بيزاوله شمس النهار النجم تسبح تحته الكويكبات ماهوب في حاجة عطارد يسعفه ويناوله واقرب مثل على انتكاس الوضع بعض الامسيات شاعر ومستشعر ومبدع كلهم في طاوله كم مهرجان وامسياته كلها متلخبطات تطاولوا على الكبار الشله المتطاوله ترتيبها بالعكس مدري شلون جابوها وجات تحاول اللجنه بشي وماتعرف تحاوله ناهيك عن اقحام ((بعض النسوه)) المستشعرات لاهداف دونيه يقهويها وهي تفاوله مرضي البشر كايد ولكن تستمر محاولات سدد وقارب والفشل سمه خلل في محاوله ملاحظه ومافيه شي الا عليه ملاحظات اللي ضرب عرض البحر يصبر على مهاوله |
كل عام والمسلمين بخير والجو تقصـر تناهيـده شهر العباده له التقديـر يالله عسى ربنا يعيـده |
شكر ليس إلا شرفني هذا التواجد كثيراً وحملني هماً كبيراً شكراً لكل من تواجد في مدونتي الصغيره وشكراً لكل من تفاعل معها جل ما أتمناها هو الوصول إلى قلب وعقل القارى المتذوق لا نهاية للشكر هنا |
آلله يحيك يآ شهر آلعمـل و آلصيـآم إعدآد مـآ سآلـت آلغيمـه همآليلهـآ يآللي يسآوي حضورك ألف عآمٍ و عآم أقبلت .؟ و أنت آلمحآسن في محآصيلهآ يآ رب و أقبل من إعبآدك صلآه و قيآم آللي على ذنوبهـآ تركـي معآميلهـآ رحمآك يآ غآفر آلزله عظيـم آلمقـآم إتجيرنآ .. من غسق نآرك و من ويلهآ |
| الساعة الآن +4: 02:46 PM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.
