شرعوها لابسـه ثـوب الزفـاف=دمعـهـا حـايـر يعـانـق وجـنـهـا
ذابت البسمة على شط الضفاف=واختفـى حـلـم السـعـادة عنـهـا
بعد ريعان الصبى حـل الجفـاف=والألـم شــوه مـلامـح حسنـهـا
كاملـة بالـزيـن كـلـه والعـفـاف=مـا بلـغ عشـريـن عــام سنـهـا
زاد ابوهـا بيننـا نــار الـخـلاف=لـلأسـف قــرر وخـيـب ضنـهـا
ناضرتني يوم همت بانصـراف=عن عيون الناس تخفي حزنهـا
ماقوت تنطق بكلمـه لـي تخـاف=من عريس اللـي تولـى سجنهـا
وانكسر قلبي وصوت بارتجاف= ماذبحـنـي كــود دمـعـة عينـهـا
واللقـى مـن بيننـا آخـر مطـاف =ودعــت محبوبـتـي مجنـونـهـا