|
http://thenextweb.com/apple/files/20...black-xsan.jpg حنا عسفنا مهرةٍ .. ما تِعسـف يوم العيون بفعلنا .. مذهولـه لا تقعد تهايط .. ولا تتفلسـف اللي تقوله .. ما قدرت اتطولـه شعارنا .. شلفا وسيف ومنسف وشعاركم .. تفّاحةٍ ماكولـه! |
لاتلومني لاقلـت فضفـض ودنقـت . . . . . ماغير اسايس دمع عينـي سياسـه لأني ما عرف انام ، في تالي الوقـت . . . . . لازان نومي جاه طاري ، وحاسـه ! كذّبت كلمة حزن مبطـي ، وصدقـت . . . . . وهالحين اكذب من يحـس بوناسـه لازان جـوي يـوم واحـد وروقـت . . . . . جاني صباح اللـي بعـده ، انتكاسـه مبطـي اروح ادور النـاس لأضقـت . . . . . ويروح بعض الهـم ويخـف باسـه واليـوم للعزلـه وللوحـده اشتقـت . . . . . وامر اعتزال الناس قيد الدراسه |
تسلسل الاحداث توحي بـ شيئين اما حياة العز ولا الشهاده |
يموت الشعر في صدر الغريب وكل حرف ٍ مات
علـى قبـره يضحّكنـا شطـر مـدري يبكّينـا تخيّر فالدروب ولاعرف خيـر الـدروب ايـات مايـدري انّـا نعـوم ولالقينـا ساحـل ومينـا نعيش ومشكلتنا مثل حرب الصـرب للكـروات ياكبر المشكلـه لـن صـار حامينـا حرامينـا |
سلامتك من كل عين و كل شـرّ وكـل بـاس يالجوهـر المكنـون يالالمـاس يالـدر النفيـس يالمعدن الصافي و يالوافـي و ياطهـر اللبـاس يا ابلغ مفاهيم الشرف و اثمن مطاليب العريـس ما شفت طبق الاصل من جنسك طباق ولا جناس اتيه ما حصلـت مثلـك لا جليـس ولا ونيـس كنك على ما يهتـوي قلبـي مفصـل بالمقـاس اجلس لحالك فيـه والله مـا يجالسـك الجليـس بديت في بني العلاقه معك من حجـر الاسـاس علاقةٍ يقبل بها الطيّـب و يرفضهـا الخسيـس افنى و يفني الجيل كله ما لحق عرضك مسـاس لو كان فيك من الفتن ما يستريـح الهـا بليـس |
انا عاشق وانا مغرم وانا لولا الهوى ما عشت ولاكان لحياتي طعم لـولا الجـادل الطرقـا هنوف ٍ فرقها عن كل من لبست غطاه وبشت مثل فرق ابتسامات اللقا عـن دمعـة الفرقـا |
.
. . لا تاخذ الشوق من قلبي وتتركني يشهد علي الوفا : ما جيت ابي غيرك المحك مثل السحاب العجل في ركني واحس في داخل ظلوعي بتقصيرك |
لازال .. كرسي حضرتِك ياالاميره في ظل قصرك .. ماتغيّـر مكانـه مافيه بنتٍ غيرك انتي .. جديـره تملاه ، وتعيش امنياتـه وامانـه تسوين في نظرة عيوني .. عشيره ماهوب .. من زود الغلا والميانـه الاّ انّك اصلاً .. قبل اعرفك كبيره وابغاك تبقين الكبيـره .. بامانـه كلّك على بعضك .. مثيره ، مثيره روحك ، وقلبك في هواه وحنانـه |
انا قضيت العمر :- ( طرقي و رحال )
تعبت .! ادور لي وطـن / يحتوينـي .! احس بـ.. الغربه علـى كـل الاحـوال حتى وانا .. ما بيـن نفسـي / وبينـي انسان .! مالي فـ.. الزمن غير الامـال من دونهـا راحـت وقفـت سنينـي .! واليوم حالي عال .! والا ماهو عـال .! يا غاليـه .. تكفيـن .. لا تسألينـي .! |
: في عيني الدمعة و في خاطري شي ، لا أقدر اسولف به و لا أقدر اقوله ! كم لي على الرمضا وادور على الفي مدي لي ظلالك .. على شآن : اطوله كم شي انا اولى به و احسبه وجد لي و يوخذ وانا اعاين بـ يسر و سهوله تبسمي .. و ظروف الايام هي هي ، و نرضى بـ واقعنا و نعلن .. قبوله ! ترى الزعل ماهو بـ لايق لو شوي و ما زال في وجهك ( ملامح طفوله ) |
خويت عروش الكرامه يا مضيف الركاب ولا عاد تلقى السعه في نفسي الضايقـه هذي ظروف الليالي يا عزيـز الجنـاب أقدارها موجعـه لـو شفتهـا رايقـه فقدت بشت الذرى اللي له تعوج الرقاب وغديت فالوادي اللـي جنّـه موايقـه أنفث مشاويح روحي في حلوق الذياب وأهيم من ضيق صـدر وعلـةٍ عايقـه |
ترفّق علي ياخافقي,,لاتجيب العيد! أمانه طلبتك,,لاتسلّط علـى سـدي كفايه كفايه,,لا تمادى وأروح بْعيد وأفصّل بنسْجك ملبسٍ,,مايجي قدي! |
ماباقي الا شْوي وأرفـع لـك أيْـدَي والحرف يستسلم ويعلـن خضوعـه من كثر مـ.أجحد لهفتي مابقى شـي والشوق ولّع من ضلوعـي شْموعـه ودي و ودي!ويل ودي علـى المـي مـ.أحتلت له شرْبه ولا أشبعت جوعه |
آنجذب لك كل يوم آكثـر مـن اللـي قبلـه ودي آعرف وش مصيري ف..آخر الرزنامه ! اسمك يحرك شعوري واسمعه واطـرب لـه ملهم وآسمك لحالـه مكتفـي ب.. آلهامـه كنت ادور قلـب مثلـك لاكتبـت اكتـب لـه وطاح شعري في حضـورك داخـل الدوامـه من جهة وشلون يملـك قلبـك ويقـرب لـه ومن جهة وشلون ماتوضح خطـوط آقلامـه |
اسرح بتفكيري بحلم الليل جبت الكـون جـوب رجعت من رحلة خيالي شوق وهمـوم وضنـا اهرب من الواقع ولكن مانفـع حلـم الهـروب ابعد وألاقي قلبي المشتـاق مـن طيفـك دنـا جيتك انا بإحساس صادق يكتسي وجهي شحوب جيتك من الغربه مشاعـر هدهـا ليـل العنـا |
انا كل مـا لديـت بالعيـن للوافيـن ابا اعبر اعن احساس قلبي ومرضاته لقيت الغرابه في وجيه الرجال تبيـن مهوب انكسار الا الزمـان وغياباتـه يقولون ما يعشق مقابل غراب البيـن سوى واحد يحمل صفه من علاماتـه وانا اقول لا مريتوا اصحابنا السالين على شط بحر موجتـه دون غباتـه فقولوا لهم حكم القدر عذب المسكيـن اهمومٍ غدت باقرب سبب من ملذاتـه ولا عاد يعرف زين ولا يعرف الشين تخاطف اظروف الوقت حيله وقواتـه عساهم ليا مرت عليهم عنود الزيـن يردون عنه اللي طلـع مـن ملفاتـه عساها تعرف اللي حصل له كذا وتلين وترجع وتغتـال الفـراق ومسافاتـه |
تذكرني وفتش فالظروف وباقي الاوراق
ومثل ماأعطر أوراقك بشعري عطر اوراقي أنا ما أبغى محبة حزن وهموم وقلق ورهاق أبي شخص يواسيني إلى من ضاقت اخلاقي |
ان كان بالشعر ارتكبت الجريمه انتي هنا / يا / ما ارتكبتي جرايم حرفك/ يردد لك / عظيمه عظيمه وشعرك / تفوق / لا بسين العمايم لو كان/ انا شاعر/ ما احب الضليمه كم شاعرٍ/ طيره مع الجو حايم ولا بعض شعر العقول السقيمه شامت عنه نفسي وانا عنه شايم لاوزن / لا معنى / ولا فيه قيمه .بهيمةٍ / لو طبلت له ، بهايم |
ما يزال [ التَغاُفل ] عن الزلات من أرقى شيم الكرام … فإن الناس مجبولون على الزلات والأخطاء . فإن اهتم المرء لكل زلة وخطيئة … تَعِّب وأَتْعَّب |
اجيك واروح .. وانا لي مَعَك.. حاجتين الاولـه خافيـه.. والثانـيـه بيـنـه وان شفتك اقول ..انا جايك ولي رغبتين الاولـه ناهيـه.. والثانـيـه هيـنـه كلمه ليا قلتها ..تجمـع لهـا كلمتيـن الاولـه قاسيـه ..والثانـيـه ليـنـه http://www.montada.mergab.com/images/smilies/icon31.gif |
إيـه صمتـك ذبحنـي يالكثيـر القلـيـل أنت ما تدري أنـي دون صوتـك بمـوت؟ فيك حتى التناقـض يـا حبيبـي ..جميـل في سكوتك كـلام وفـي كلامـك سكـوت |
ياموادعني وطامع بأنسكاب دموعـي
لو تبي روحي فداك الروح لو تطلبها قد عطيتك قلبي اللي محتمي بضلوعي خل عيني تحتفظ بالدمـع لاتغصبهـا |
غلطة زمن و الجرح منهآ نآزف ! والشآطر اللي يتعظّ بأغلآطه ! جآزفت بإحسآسي وأنآ مآ أجآزف ! كنت أحسب حسآب الغلط وأحتآطه و من بعد مآني عن رحيلي عآزف أخذت " تذكرة " السفر و " شنآطه !! |
في ذروة الحرمان.. مع شارع الضيم
درب الفقيـر وسلوتـه واغترابـه يمشي بحزن الارض من جفوة الغيم ويحفر قبر حلمـه ويدفـن سرابـه يسمع بأن السجـن ظلـم المظاليـم ويقول:ليـه السجـن كلـه رحابـه |
ياحرفي اللي ضاع مابين الدفاتر والرفوف اللي رسمته من تنهَّاتي ومن حبر قلمي ضحيت لجله في حروف وقمت لجله في حروف وصبرت لو النار من فوقي ومن تحت قدمي ياصاحبي اللي على شانك تحديت الضروف اسمع كلامي زين وافهم وش اقوله من فمي ماهو بأنا اللي تتركه بين الخناجر والسيوف وتمص دمه بين خلق الله يامصاص الدمي انا بدوي ماسكن في الوقت مسكان الضعوف اتبع هوا بالي واسير عند ذودي وغنمي طوفتها لك لجل خاطر عين ولا ماتطوف ولا انت مهما زاد وزنك وزني يطرحك نسمي صمتي يدل اني وفي ومسويٍ فيك امعروف وصبري يدل اني من زحول الصناديد انتمي ياقوم ياللي تذبحون الحيل قدرٍ للضيوف وش رايكم في اللي يعشيني من اوصال لحمي وقفت له يوم اجلسوا واجلستله ناسٍ وقوف غير الذخيره والفشق في محزمه من محزمي |
البارحه .. شبيت شمعه .. وجرحيـن في عيـد ميـلاد الغـرام .. وبكيتـه دفتر .. قلم .. منديل .. فنجال .. سكين واللي لقيته .. فـي طريقـي خذيتـه حطيتها .. بالطاوله / مونـس البيـن وبيدي كتاب ٍ ما قريته ../ رويته ..!! يا طاوله .. خوذي دموعي من العيـن ترثي على سطحك .. طريق ٍ مشيتـه أتذكره .. ماهو مـن الحيـن للحيـن أتذكره .. لامن مسيـت .. وصحيتـه |
|
ولإ يهمك , ب يجيّ بإكرِ ‘ يطططيحِ آلتعبّ مني , ( وِ لإ يهمممك ) آجيك آحسنِ منِ آلإوِل ! كأنيّ طططططيرِ , وِ آنآ ععإرِف آذآ ططإح آلتعب مني تطيح من السممآء غيمة ( تبللنيّ ) وِ آصيرِ بخخخيرِ , لإ يهمك ! بصيرِ بخيييييييير ! |
((اصبر على المقسوم لو كان فيه حرمان.. يمكن يصير بتالي الوقت خيره))
|
ياقلبي, ابّعد عن الضيقه وودعها.. ما حققت شيء , أيامك هي أيامك..!! أحلامك / اللي توفّت لا تطالعها.. بتْحصّلَ أجمل اذا طالعت قدامك..! |
: : : صوتك يرد الـروح ، ياعذبـة الـروح كلّه .. احاسيس ، وغـرام ، وعذوبـه لو كان من ملح العنا .. صار مبحـوح الا انّـه يدخّـل بصـدري .. رطوبـه لاعاش من خلاك ياحلـو .. مجـروح وعليك خفـاق الغـلا .. شـق ثوبـه عيش الهنا ، والبوح في ذمـة البـوح ماهوب لاقي .. فـي نجاحـه رسوبـه والحب ، حنّا اللي بنينـا لـه صـروح طوبه على طوبـه ، وطوبـه بطوبـه ومن كثر ماهو شاهق ! انشاف بوضوح والله يديمـه للـعـواذل .. عقـوبـه : : : |
يارب عفوك ليا ضاقت جميع الدروب
رحمتك من نكبة الدنيا وصكاتها ماينكب العالم اللي يحسبون الذنوب الا نهارٍ تجازيها بنياتها لعنتك حلت على من يصنعون العيوب/ وانا بري من مذاهبهم وغاياتها |
شكرا.. نيابه عن بقايا مكانتك اللي مضت لك بين قلبي وعيني عن قدرك اللي .. مايشرفه اهانتك عن كل شيٍ صار بينك وبيني عن نفسك اللي بالتفاصيل خانتك عن سجدةٍ مسحتها من جبيني عن حجتك عن شاهدك عن ادانتك عن سينك وجيمي وجيمك وسيني |
الصدفه .. اللي خير ، من ( ألف ميعاد ) أحلى من الفرصه .. لاصارت سعيده ..! من يوم شفتك في حشاي [ الامن ساد ] كنك .. مبشرني بـ ( طرقي وليده ) .! ماهمني ..اللي ( عيونها ) سود وحداد اللي تسوي من شعرها .. ( قصيده ) .! يهمني .. اللي يقدر ، ( الملح والزاد ) اللي ليا من مات قالوا .. ( فقيده ) ..! |
ياحلم انا احلم فيك الي مـده واشوفـك كـل ليـل ومعلـق آماآلـي ورغباتـي بمـا جابـت يــدي ياللي تعـرف الرمـز والله مابقـي للجسـم حيـل تكفى .. تعب صبري عليـك الله ومليـت جهـدي بالله بشرنـي وقـل لـي مابقـي غيـر القلـيـل ..وش لون اجر الصوت يامشكاي وانته مسندي؟؟!! |
. البـرد قارس /.. والـيالي تباجيـح *** ** والضـي باهت/.. والصحـاري خفايا..! ذكـرت مارس/.. والشجر والمراجيح ** *** والصـدر ناهت/.. والمشـاعر عرايا..! والهم تارس/.. له كفوف(ن) رواجيح *** ** بسمـه وتاهت/.. والجـروح الهدايا..! |
: ما زال ل الذكريات .. السيرة العطره ب الشوق تحفظ من الدنيا .. معالمها ! و الدفتر اللي حروفك .. طرزت سطره صفحاته .. تحن ل اسمك من مراسمها ! و الشاعر اللي قصيده جاي ب الفطره ( قصايده ) تسأله وشلون يلهمها ..؟ كم بيت من نظرة عيونك .. بنا شطره ؟ من غير الاحلام .. ( تبنيها و تهدمها ) ! |
لا ترتبك لا شفتني فجأه وضاق إبك الطريق ..
الحظ هذي ساعته والحب هذي ربكته كابر وقول اني قريب اني اخو اني صديق تقدر .. وانا خايف على خافقك .. يخسر رقّته .. |
في كل يوم أذوب أحساسي على حـروّة لقـى وأقول لطيوفك يهون الشوق والا مـا يهـون أقول ما دامه قريب وعن خفوقي مـا اتقـى ما همني لو عن خفوقي كل ناسـي يتقـون ! اللـي عليـه أعلـق الآمـال دايـم وأهقـى جيته زبون ورحت من عنده بضاعه مع زبون نزل على شانه ومن شانه على بالـي رقـى يرقى سما والخلق من عالي سماهم ينزلـون كم راح له يا خاطـري الا لا والله وش بقـى مناوي الخافق طيوره والشراييـن الغصـون عزالله انه عرض الخافق معاريـض الشقـى ليته يخف شوي لو انه على الخافـق يمـون |
ياطفل حدك .. لاتجي طفة الغيم هي مثلك تدوّر حظن يحتظنها طفله ماتملك للأمومه مفاهيم بدري عليها لو جبرها زمنها في طيشها تمرح مع الريح وتهيم عروسة ٍ لحن الطفوله لحنها فــ /عيونها لفتة براءه من الريم وفي قلبها حلم ٍ يحرك شجنها |
| الساعة الآن +4: 03:24 PM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.
