.
.
.
عَلَى حَدّ الْأَملْ يَبْقَى بِوَجْه الْوقتْ لَمْحَة نُور
وعَلَى حَدّ الْجَهَلْ يَبْقَى بها الهُوجَاسْ وإخوَانَه
مِثِلْ مَا لِلْعَزِيْمَةَ سيْف وتَقْصر بَه رِمَاحْ الشّور
أنَا لِي مِنْ ردى حَظِي عَذَابٍ عِشْتْ بَألْحَانَه
.
.
.

خل الزعل .. خل العتـب والمعاذيـر= وأنسى الذي .. قد صار بيني وبينـك
وأجمع .. ظـروف أيامنـا والمشاويـر= و لم الغلا .. ياصاحبـي فـي يدينـك
دج الوطا .. شم النفـل والنواويـر= وأجلس تطرا .. مامضى من سنينـك
وأذكر لقانا يا الغضي .. حزة اعصيـر= يومك تغمزلي .. بنظرات عينك هع هع

تدري وش اللي .. يذبح القلب ياهنّ
ويعدم لك أحلامك .. وتالي لياليك
ويطربقك .. بين الخلايق تقل جـنّ
ويذوقك .. سقم الخيانه و يشقيـك
صاحٍ .. له احلوق القصايد تراطـن
يمشي مع العالم .. وينصب حواليك
يقول احبك .. وانت لي فكراً وظن
واليا ذهب .. ينسى غرامك وطاريك

فهد بن ناوي المهيمزي