|
* * لو كان دمعي يهزه طاري الفرقا/ لاتفرحين ان بكيت ولاهدا روعي ،، غيبي ولاتحترين ارخص لك الزرقا/ "ما ابكي على شخص مايستاهل دموعي!" |
وجه الرضى لـ أبتسم كبّت عليه الوجيه مشتاقه لبسمته ..ولنظرته طامحه ! ادعي وانا مبتعد عنّه وضايق عليه ياربي أسامحه .. ياربي أسامحه |
بعض الوجيه احبها تلقائي !
وبعض الوجيه الله يديم النعمه ! |
الذكي يفرض على الناس احترامه والغبي تمضي حياتـه ماتسنّـع قيمة الرجّال تعرف مـن كلامـه والرجل عن ناكس الهرج يتمنّـع وكان تبغى لك مع العالم كرامـه عـزّ نفسـك لاتهـان ولاتدنّـع (لاتضيّع مشيك ومشي الحمامـه) لاتكلّـف بالقصيـد ولاتصـنّـع |
.
. يا حبني للخجل والذوق والعفه في حضرة اللي تهندمي وأغنيها في كفه ألحالها والناس في كفّـه الله يطـول لياليهـا ويحميهـا . . . |
ياخويّتهـا نصيحـه كــان ودك تفلحـيـن
امشـي لحالـك ولاتمشيـن معهـا لامشـت ( دفاشه,وكسر خاطر عارف ) بس .. ذيـك لايمشـي معاهـا لاحليـو ولازويـن جـادل ٍ علـى مثالـي ّ الوصايـف كوّشـت ويش خد وويش قد وويش عنق وويش عين؟؟ كنها تعزف على اوتار المشاعـر لاارمشـت تحفـه الا والله مـن آيـات رب العالمـيـن وين ماطالعتهـا شـدّت عيونـك وادهشـت جيت ابوصفها عجزت اجمع بحكيـي كلمتيـن جيـت ابنصفهـا بعذبـات القصايـد وبلشـت جيت امثّلها عجـزت القـى لخلقتهـا ثنيـن جيـت اغازلهـا عبـارات المغـازل فنّشـت شي شفتـه قبـل لاتفتـش يعذّبنـي سنيـن الله اكبـر واعـذاب المشتقـي يـوم فتشـت عذرتوني؟ .. بكيفكم عاد .. بس انا عندي سؤال: ودي ادري هيّ تشرب ميّ مثل العاطشيـن؟؟ او تطّعم ريقها العـدّ القـراح اليـا عطشـت وتخمين .. والله اعلم من يشاهد بسمة الثغـر الحسيـن يجـزم ان الادميـه ذي ّ مايـوم طفـشـت قالوا : لا مستحيل .. قلت .. كيف لا؟ والجمر ضـمّ الثلـج , والغمازتيـن توحـي ان ايامهـا لاحزانـهـا مانبّـشـت بس .. هيّ لاخمّت معاها *سافرت تكسـر روتيـن* والا انا اللي كل ماضاقت على باله * كشت * المهم .. ماعلينا خلنا فـي وصـف زاهيـة الجبيـن ودي استطـرد مـادام ان القريحـه بلّشـت خصرها الجوعان من وضع اقتصاده تستبيـن انهـا بتعـدّي الميـة سـنـه مــا (.....) ..والخدود ورود تجمـع لـون فـلّ وياسميـن لو تداعبهـا النسايـم تالـي الليـل خدشـت لاوقفت وقفة زعيـم ٍ هـازم ٍ لـه معتديـن والخزايـن بالغنايـم مـن معاديـه احتشـت ولاجلست جلسة تواضع مـع لباقـه حبتيـن ولامشت تقول مابه غيـر هالبنـت بطشـت عاد.. صاحبتها وشوشـت برفـوق تبغاهـا تليـن ولااخذت منها ولاارخت سمعها لو وشوشـت يافهد وين (البلوتـوث) وطبايـع ذي ّ ويـن؟ عيطمـوس ٍ شفتهـا قدّامنـا كـم طنّـشـت هي لو ابوها ردي يحسـب حسـاب الطيبيـن ولو نسبهـا مـاش بقلـوب الاوادم عرّشـت كيف عاد ان كان اهلها شوخ قوم وواصليـن جـادلٍ تختـال وتجـوب البسيطـه ماخشـت بصراحه .. ودّي ابيّن لهـا انـي مـن اشـد المعجبيـن بس عيني مثل ماهم خشيوا النـاس اختشـت اسكت اطيب لي بدل ماتجرح القلـب الحزيـن وين وجهي كان قلت ابرتبط فيـك ومشـت؟؟ |
احسد النوم لا عانق هذيك العيون
وخمها خمة المشفق وإهي جافله اقتحم رمشها واجتاز سور الجفون وانتهز فرصتـه يومنهـا غافلـه قط معها الميانه وإلا هو ما يمون غصب عنها فرض حبه وإهو نافله إن بغاها ضحى وإلا عقب يمرحون ماخذٍ راحتـه وأنـا معـي قافلـه |
يدفعني الليل مدري وش يبـي منـي
على السهر ياتعب قلبـي وحرمانـه وأرجع لدافي حنـانٍ فيـك يسكنـي وأرمي بروحي وهمي بين ذرعانـه أقرأ رسايل غرام منـك توصلنـي ترسم على شاشة الجـوال ولهانـه وأصدّ خايـف هواجيسـي يسرنـي وأصدّ بالنفس لا تصغـي لشيطانـه إليـن أحـس المشاعـر يستفزنـي مجنون خلقـه وحبـك زوّد إجنانـه أسمع شفاهٍ على أعذب شي يدعنـي لهل يومـي تـرف بعـود ريحانـه تعال بغفى علـى ذراعـك و قبّلنـي غصنٍ نضج و ارتكز لريـح رمانـه وأجلس و أفكر عسى الأفكار يهدني حيلة سجينٍ تغفـل عيـن سجانـه وأطلب جوازي وافتّش فيـه أبدنـي بجدده عـذري الصفحـات مليانـه وأنهب شماغي بدون عقال يوم إني أرخيت سمعي لـابن طناف و ألحانه وأسري مع الشوق وأطيافه يمدنـي شعرٍ على أول صباه وعـزّ ديدانـه وإليا تعدى الحدود اللكـزس البنـي عطيـت قلبـي مفاتيحـه وسكانـه سلمت روحـي لـنبضاتـه يقدنـي في غفلتٍ من عيون إبليس و أعوانه للي عيوني علـى وصلـه يوصنـي أموت لاساح حرف النون في إلسانه شفني علشان حبه من صغر سنـي أحب حتـى بنـي عمـه و خلانـه وإن ضقت بعيون حسادي يشوفنـي أرسل سلامي مع النظـره إلبيبانـه وأنصا بيوت قصراه إن جيت متعني كن جيتي من ورى الخفجي إلجيرانه على عيون العرب مبعـده وإلاّ إنـي ما جيت صوب الكويت إلا علشانـه لولاه ما لـبـدوي جيـه ولا ظنـي حلمٍ يعيشه غـرام أبكـل و جدانـه ولولاه ما أتعبت حالي بالسهر كنـي طفلٍ تمسك غـلا بيديـه وأسنانـه خلّوني أحيـاه دام المـوت ممهلنـي أصلاً حياتي بدونه مـا لهـا خانـه يا دبلة الكبـد بعـد شـوي لامنـي عودت مقبل على الجبيل و أحزانـه |
في ثغرها بلسم وفي داخلي نوح
لا داوت جروحي .. ولا خفّ نوحي مدري هو المكتوب في محكم اللوح مسجّلٍ بلواي .. وآخر جروحي والا انها صدفة مع زفّة البوح تكتم لي آهاتي وتهدم صروحي الحاصل اني / ضعت في صوت مبحوح افداااه يا دنيا .. وتفدااه روحي ..!! |
http://www.qzal.net/01/2012-01/13265009881.jpg
أجرح ما دام أن قلبي ملكك ( لحالك ) وحقوق الأنسان : لاتدري عن جروحك أخاف منهم عليك / وما ألى ذالك ! واللي بقوله [ عسى روحي فدى روحك ] |
الليله الجوّ برد وْ حالتي حاله مدري وراه الدفا صاير يجافيني!! قالو لي: إسهر وخلّ النار شعّاله واناْ اعرف اللي بــ هالحاله يدفّيني : ) |
.. لا تشتكي لي يالغظي وابكي لك أنا على درب الغـلا متسـاوي .. .. من كثر مابي ما قدرت أحكي لك جاثم ..! وقلبي بالمحبّـه راوي .. |
شفت القصيد اللي كتبته عشانك؟
هالحين لامني قريته تحسّفت |
لقد تعلمنا في المدرسة ونحن صغار أن السنبلة الفارغة ترفع رأسها في الحقل، وأن الممتلئة بالقمح تخفضه، فلا يتواضع إلا كبير، ولا يتكبر إلا حقير.
|
الجـوّ حامـي وأنـا ملتهبـه أعصابـي أزحف عن الشمس .. وتزحف عنيّ الفيّه يا عطلة الصيف كيف أصبر عن أحبابـي يطري عليها السفـر مـع كـل صيفيّـه والوف قلبي على اللي كـلّ مـا غابـي ما كـنّ فـوق البسيطـه نـاس موليّـه لوّ أني أسرق جوازه وأشـرح أسبابـي مانيب محسوب من ضمـن الحراميّـه ! وإن راح يصدر ( بدل فاقد ) على حسابي أشكـي عليـه القـرارات الحكومـيّـه وأقول ممنوع مـن دقنـي ليـا إشنابـي روحـي معـه بيـن مامـوره ومنهيّـه من غيري أولابه .. ومن غيره أولابـي ردوّه وأعـدّ لــه رحـلـه سياحـيّـه لو انها رحلـة ٍ فـي ديـار الاصحابـي محصوره من الكويـت إليـا السعوديّـه منهـا .. أتلـوّا بحبيـبـي ويتلـوّابـي ومنهـا .. نشجّـع سياحتنـا المحليّـه ! أهم حاجه ما يتركنـي علـى اعصابـي اجامـل النـاس واخـلاقـي تجـاريّـه وأصارع الشوق ميـر الشـوق غلاّبـي عز الله انّه مـا يـاوي لا رحـم حيّـه |
طفله لو انّ العمر مرّت فصوله
دلالها ساحر على كل الأحوال من كثر ماهي غارقه فالطفوله حتى عشاها تطلبه وجبة أطفال |
فديت روحك ما بقى شعر أغنيـه الا عن الشوق الحقيقي لشوفـك ودي بشوفك قبل عمري مناويـه تلحق وانا ما ساعدتني ظروفـك يا حيّ حبك لي ويا حـيّ طاريـه ويا حيّ يوم انشد وتذكر وصوفك سوالفك حلوه وصوتك يا لبيـه وشفايفك ذوب عسلها حروفك واليا بغيت الصدق حلياك مافيـه لو كان ما ناشت كفوفي كفوفك انا اعتبرتك سيد قلبـي وغاليـه وأنت أعتبرني واحدٍ من ضيوفك ! |
أنا ماني اكبر منك لكني أخبر منك وفرق العمر لاشي مع فارق الخبرة يجي يوم تطلب فزعتي فيه غصبا عنك وابين لك المخرج واعلمك بالدبرة ولاشك في طيبك ولاشك في معدنك ولاني بمتكبر وهي لله الكبره الانسان لو كفه بطاقة وجيبه بنك على جرّته فالارض مايلتقي شبره لاترقب سعة غيرك تجد حالتك في ضنك لو انك بقصر تشوفه اضيق من الابرة ولاتنشد الا من تعرف انه اخبر منك وكن طول عمرك معتبر لاتكن عبرة |
ياربي اليك من الصدف والزمان الـوذ
ومن النقص في بيّن علومي وغايبهـا واعوذ بْك من نفسي وشيطانها وآعوذ من العالم اللي جهّـزت لـي كتايبهـا غدى القلب من فعل الليالي ثمان فذوذ يامن باصبعيك قلـوب خلقـك تقلبهـا توحدتّ لجل ادعيك وانا ماني منبـوذ مع وحدتـي نفسـي تجاهـل قرايبها ولو بشتكي همي على حظي الماخـوذ غدابي مع حاجـات ماهـوب جايبهـا |
أنا من الدمعتين اللي بنص الكلام نادى منادي مدادي وإستجاب ورقي وقطعت خلف الكواليس إصبع الإتهام ووقّفت لجل الحقيقة لين صب عرقي وجيتك وأنا أبعد مآأشوف من الأمور الملام متوشحٍ بالطهارة والعفاف النقي يسوقني طاري اللقياء وريح الغرام اللي سرى في عروقي لين حت ورقي لوما التواصل على قمة وفاء وإحترام كان تهقي طال عمرك والقرين يهقي واللي جمعنا بروتين العمل والدوام يمكن قسم لي بعد غيبتك عمرٍ شقي توي تعلمت وش معنى بلوغ المرام وعرفت معنى التفاني والعطاء والرقي أبكيت لجلك بشر وأنزلت لجلك مقام ورميت وهم الخيانه وإصدقت بندقي واليوم ماني مساوم فالبنى والهدام أسقي عطاشا المشاعر وإرعدي وإبرقي وإرمي علي المتاعب والعناء والمهام وتمتعي بالكيان المندفع وإعشقي وإبني هرم حبنا بين السماء والغمام وإملي فراغات صدرالعاشق وحلقي لولاك ماجبت موضوع الزرع والصرام ولاقضيت العمر بين قلمي وورقي |
غلاك نعمه من الله .. والزمن جاحد يامن سرقت اجمل ايامي من سنيني ! ماهو ضروري نكون ( 2 ) في ( 1 ) مجرد اني علـى بالـك .. يكّفينـي |
بالرغـم : مـن كثـر زلاّتـه وغلطاتـه ! ياطـول بالـي عليـه وياوسـع صـدري وإن هبّ شعـري علـى كـل إتجاهاتـه ؟ ماكنّ فوقي سمـا ولا الثـرى حـدري ؟! أتخيّلـه ساكـت .؟ ويحكـي معانـاتـه ! وإن قلت: وشلون صارت؟ قلت لك مدري ! عيونه تسولف !! وتشـرح لـي سكاتـه ؟ وياحيّ رقة سوالـف رمشـه الخـدري !؟ بس علّمه كـان مـا راجـع حساباتـه ؟؟ تراي حاسب حساب الدمع مـن بـدري !! خيانـة أحبابـي ، و وقتـي ، وطعناتـه ! لـو نزّلـت دمعتـي مانزّلـت قــدري ؟ ولا صار ناوي علـى فراقـي وحياتـه ؟ ما عاد تلمـح عيونـي وجهـه البـدري !! انـا ؟ عرفـت الولـه مـن قـلّ جيـاتـه وجايز يعرف الوفا لا حسّ فـي غـدري ! |
دورات الايام ماتصفي لبيض القلوب وسود النوايا تعكر صفو خلانها والبارحه ضاقت بعيني وساع الدروب سبت هنوف تغير بوح وجدانها مدام شمع المحبه بالمفارق يذوب وبيوت الاحلام ثابته بجدرانها ماباقي، من شروق الوصل غير الغروب وارض المحبه بدا ترحال سكانها نعيش ذكرى المحبه فالزمان الكذوب اللي تسبب بحرماني وحرمانها تلت خفوقي واقفت والفراق امحسوب وانا ماحب الحياه الا على شانها على خطوط المحبه مالقينا ركوب والتذكره باقيه والود عنوانها وان هب من صوب (داورد) المسمى هبوب قمت اتنفس هواه اضعاف من شانها |
في كل حاجه لي قرار .. الا انت مالي بـك قـرار أفرغت لك قطعة من اقصى الـروح محـد ٍ طبهـا غصب ٍ على قلبي .. بلا تفكيـر و بـدون اختيـار أصبحت تسكن داخل ضلوعي كـذا .. مـن ربهـا |
.
. الناس تفرق بالمزايا والحلا ماهي سوى بالوصف مثل اصابعك بس القضيه والمصيبه والبلا تكتب لغالي / مايجي ويتابعك |
الحيرة اللي تزرع بوجهك الصمت بعـهـا وخـــل أشـفــاك يـنـقـط حـلاهــا أضحـك ترانـي مـن عذابـك تألمـت يالـلـي خـذيـت مــن المـحـبـة وفـاهــا |
دام الامل باقي تحت ظل الطموح يبقى علاج الجرح ضمن الامنيات أسرج مهار الفكر يالوجه الصبوح خل الدروب السبع سبع معلقات !! |
لاتستحين .. اللي بخاطرك قوليه ! تراي اشوف اللي تخبـي عيونـك |
في وجه موضوعنا المطروق سبعة غرز
طـوارف علـوم فـال الله ولا فالـهـا اللي ترزز وهو مالـه مـن اول مـرز يرتـاح ويريّـح الحملـه وجمالـهـا |
سلام كيف الحال والسهـم تجميـع
والتوصيه تقلب علـى مـن شقلهـا أهـل الشمـغ تحاذفـو بالمرابيـع ونصف الشمغ طاحت وطاحت عقلها مدري قَنص ضبّـان والاّ جرابيـع واللّـي يفـكّ قيادهـا قـد عقلهـا مشاكلٍ في الريع مدري ورى الريع وإليـا سكتنـا قالـو النـاس قلهـا ها المشكله ماهي بنقـل المواضيـع المشكله مدري من اللـي نقلهـا !! |
طموحاته من الدنيا.. كحل وقلادتيـن وروج يبا يرضي غرور عيونـه وشفتـه ورقبتـه واذا جاب الثلاث اللي يبيهـا روق العمهـوج وعاتبني على احلامي وانا مـا قـط عاتبتـه يقول الحق سنينك راح نص العمر يا مرجوج ترى العمر انقضى واللي تبيه بعيد ما جبتـه تدوج وقلت من له غاية ٍ مثلي لـزوم يـدوج يشوف بعينه اللي شفت فـا الدنيـا وجربتـه ثلاثين انقضت قدام عيني فوج يتبـع فـوج يباريهـا قـدم رجلـي وتعبنـي وتعبـتـه اشرق به واغرب به واوصل به زراق الموج واعود ليتنـي مـا كـان شرقتـه وغربتـه ادور حظ واحد معتدل بين الحظـوظ العـوج ولا منـي لقيـتـه هابـنـي والا تهيبـتـه بروج الحظ واجد مير ما لي فا الحظوظ بروج ولا لي غير عـزم وحلـم عذبنـي وعذبتـه حجزني سد ذو القرنين عن ياجوج مع ماجوج ولولا خوفـي تقـوم القيامـه كـان ذوبتـه |
قلّ اهتمامك في كلامـك مايقلـلّ مـن غـلاك يمكن قسيتي في كلامك .. ميـر قلبـي ماقسـا صراحتي جت من قناعه في زعلك وفي رضـاك ان قلتها ماقلتها مـن بـاب ياليـت .. وعسـا طابع خصالك من خجل .. بأمر الوجل والارتباك مسّى علي بجـرح ماينقـال فـي ذاك المسـا حيّ ونقلتيني .. من دروب الحياه ليـا الهـلاك الله .. ياكبر الفرق مابين السعـاده .. والاسـى هذا كلامي عن قناعه مر ّ في صـدري وجـاك والمركب اللي يحمل احلامي على الهامي.. رسى انتي ملاك الارض كان الارض تاطاهـا مـلاك شعور نابع من قناعة شخص بالصدق اكتسـى واصدق مثل يطلق علي ..وتطلقه عيني عـلاك انا ( المصوّت بالغلا ) .. وانتي ( مزعلة النسا ) |
"تكفى" طلبتك في رحيلك .. لا توادعني وتـروح ماأبغى أحس إني فقدتك , لو رحيلـك "لا مفـر" أبغى أحس إنه غيابٍ .. مثل ما .. بعض الجروح تطيب مع طـول الليـال السرمديّـه , والصبـر |
سلام .. ومرحبا .. وان قلتها له من صميم الذات
تموت الناس عقبي لا حـدٍ رحّـب .. ولا سلّـم على اللي فيه من روضة خريم وروضة التنهات شذى وردٍ على صفق الهبوب .. تقـول متولّـم بعد ما هز عرشي بالغرام .. وشالنـي بسكـات قدر يعمي عيوني عن سـواه .. بضربـة معلّـم اعيشه في خيالي واستعيد الماضي اللـي فـات وانا لازلت اعاني صدق من فرقـاه .. واتألّـم! |
هادي وماعندي سوالف كثيرة انام واقعد واتمشى واكل ! ترى حياة الشخص جدا قصيرة ما ظن له داعي نسوي مشاكل ! |
(الناس للناس) يوم الناس كانوا نظاف واليوم عقب أختلاف الوقت(ماحدٍ لاحد) ماهوب بس القوي يجحد حقوق الضعاف اليوم حتئ ( الضعيف) آليا تقوّى جحد.! |
مفتوح باب الرجى لو هب مليون ريح والريح ماتاخذ الغرسه من عروقها القوس مكسور والرامي يقوم ويطيح والسهم منعاج والايام خازوقها لو لبسو ساقط الهرجه ثياب المديح قلنا سحابة وبلة يابس حلوقها ياحادي الركب لا توده عليه وتصيح ماعاد هي سالفة ليلى ومعشوقها مديت شوفي وشفت الكون رحب وفسيح والارض حدر المواطي والسماء فوقها مادام عين الرضا ماها هماج وشحيح ابتبع الغيمة اللي رفة بروقها مدري عن المقبلة لكن عسى الله يبيح اللي تهز القلوب وهزني شوقها غنيت للحب ولسان المحبة فصيح والبدو سبة غناها ضيقة خلوقها باكر يروح الشتاء والثلج قصره يسيح مايفضح الثلج غير الشمس وشروقها |
|
أُتركوا تركي الحَمَد, و من هُم على شاكلته, هُم أقلّ و أذلّ مِن أن يؤثّرون على الأفكار, والجميل في الأمر أن بلاد الشريعه والنور تلفظ مثل هذهِ الشرذمه المأجوره.. و احْمدوا الله عَزَّ و جَلّ, فهو نعم المولى ونعم النصير.. المشهَد أمامه سبحانه, هو كفيل بالردّ, والتدبير.. هو القادر, لا غيره فقط: إبتسموا, و اركلوهم بــِ سُخريَه و لأن الحديث ذو شُجون: هُناك مَن يَدّعون المثاليه ويتظاهرون بها وهي مِنهُم بريئه, وهُم! لا يعدون كونهم يَنتَعِلون الحماقه بــ رؤوسهم.. يحملون داخل جماجمهم طُفيليات وليست أفكار, ويزعمون أنهُم يحملون لواء الكلمه مع المُثقفين, وأنهُم نُخبويون, ولكن ما أن تتجاذب معهم أطراف الحديث, وتُناقشهم في موضوع ٍ ما!, إلاّ وتشعُر بالغثيان.. أجلَّكُم الله.. بزعمهم أن ما يفعلونه/ يُقدّمونه/ يكتبونه!, سينطوي على المُتلقّي, وهُم للأسف لايعلمون أن ماقاموا به لا يعدو كونه سقطه تُسجَّل ضدّهم, وبالتالي يُكوَّن عنهم إنطباع سيء هُم مَن أجبروا المُتلقّي عليه عُنوَه.. أما عَلِموا بعد أن القرّاء بكافّة شرائحهم أصبحوا أكثر وعياً ودرايه ومعرفه بالغثّ من السمين!!.. والمؤسسات الإعلاميه لدينا كانت الباب الواسع لهُم, والذي من خلاله إستطاعوا أن يُمارسون تفاهاتهم بكُلّ حرّيه ورشاقه.. لو كانت عين الرقيب( هذا إن وُجِد ) قلت لو كانت مُنصِفه ويهمها الإصلاح والتوجّه الحَقّ! لقطعت عليهم الطريق, وأوصدت في وجيههم ذلك الباب.. ولكن لا حياهـ حقّاً: هَزُلَت حتى سامها كُلُّ مُفلِس.. |
بيض النوايا في قلـوب أهـل الجمالـة لاتـزال
والنـاس طيبهـا يضـدة بالـكـلام أحثالـهـا وأنا على سلم الرجـال اللـي يعـزون الرجـال لادارة أرحـاة الحـيـاة أقفايـهـا وأقبالـهـا والحاسد اللي يحسب النمـات تثّـر فـي طـلال قولو له أن المرجلـة قلبـي شـرب فنجالهـا يمناي تملي مسندي ... والراس لامن قال طـال واللي سواتـي يـوزن الهرجـه ليامـن قالهـا وراع المثل قد قال ... ( لاتفرح ليا هب الشمال ) (( والجمره اللي تحـرق الكفيـن لاتشتالهـا )) ترى الرجال اللـي تسمـى بالزحازيـح الجبـال اللي تطول ... المجد ... والعليا... وهي بالحالها أهل العلوم الغانمة ... ترقى على روس الطـوال وأهل العلوم الخايبة... لو هي تمـوت أشوالهـا |
| الساعة الآن +4: 11:18 AM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.
