|
|
مَدرِيْ القَصَايَدْ فِيكْ وَشْ مَمكِنْ تَكُونْ ؟
لا صِرتْ ~ صَـفـحَةْ مَالَهَا بَالغَلـا طَيْ ..؟ مَا أبِيْكْ تَسألْ كَيِفْ أنَا أغلِيْكْ وَشلُونْ ؟ الحِبْ كِلَهْ فِيكْ أنَا أشُوفَهْ .. [ شَــوَيْ يَكفِيْ أشُوفَكْ: كِــــــــــــلْ شَيٍ بَهَا الكُونْ وَأشُوفْ كِلْ الكَونْ دُونَكْ : وَلاشــَيْ |
أموت لك ..أموت منك ..أموت معك ..اموت فيك
اختاري الموته اللي تعجبك وأموتها . |
يشــتاق لك قلب العنا وين ماراح.
يلي غلاك اقرب من الروح للروح لا تحســبنك بالهوى طيف سواح. يحوم حول القلب لحظات و يروح لاوالـــذي خلاك للقلب جراح. إنــك معي ياغالي ويــن مااروح |
انت اللذي في داخل القلب لكـ باب ..مفتوح لك من شان توضي شموعي.
|
إن ضقت في ضيقتي ربي يصبرني ...مآ’ني بميت ولآ’ ظآ’مي ولآ’ هآ’لك ..!
|
في غياااابك.. مـا لخلـق الله حضـور وفي حضورك.. ما لهم بالبااال طـااااري |
مآزٍحهآ وٍترٍدد له ( ترٍى ـآ الكذّآب يرٍوٍح النآر )
يجآفيهآوٍتهمسٍ له " أعرٍف أن الجفآء تمثيل ..! " وٍتدمعٍ عينهم لثنين يهلوٍن الدمعٍ مدرٍآرٍ , ترٍى ـآ الذكرٍى ـآ وٍلوٍ ( حلوه ) طوٍآرٍيهآ " تهد الحيل " ..! |
متـى على الله ينفرج ضيق الأيـــآآم ... ويزين وضع مغربلات الليـــآآلي
أما تحقق لي كبيـــرات الأحــــــلآآم ... ولا شربت المر في كوب حــآآلي |
يقول اللي شكا فرقا خليله ..يقضي الليل ساهر ماينامي
قصير القيد وحموله ثقيله ..يتفجع مثل مكسور العظامي . |
مانويتك بالجفاء بس الضـروره توجب النسيان في بعض الظروف دام من يهواك ماتدرى شعـوره ويش لي بك وانت ناوي بالنكوف |
ليه الجفا ياصاحبي والتغلي
ــــــــ انا على كثر الجفا ماتحمل وش لك بكثر الجفا ياخلي ـــــــــــ ترا غيابك علي طول |
خطا الرفيق ايلا تصافيتو أنساه
لاعاد تذكر غلطته كل ماضقت وأن شانت أخلاقه فصد وتحاشاه لاتصير في عينه قذاتن توهقت وأن ضاق منك لاتحده على أقصاه بعض العرب يامقرب أقصاه لا وقت أدنات شي يجيك بأقصاه وأدناه وأبوعقيده لا ألتوابك تعلقت لكن بعضهم لعنبو حيّ مجناه لايزعله شي ولا غيّره وقت |
تدري عُقبْ ما غِ‘ـَبتْ
شـ إللي إڪتِش‘ـَفتہ إنْ أُڪسُجينْ [ الڪُونْ ] يخنِقْ : وريدي . . ! |
ترحل بعيد لعالم النسيان
وارتحل انا لعالم الاااامكان تظن انك قادر على النسيان خذها مني نصيحه من عرفني نسى الزمان |
قالوا علامك قلت مهموم مهموم
همّ(ن) يهد الحيل هد الجبالي محرمني الراحة ومحرمني النوم أشغلت بالي حيل وأتعبت حالي أعد فالأيام يومٍ بعد يوم وأجلس وحيد أحسب نجوم الليالي ون نمت تدخلني هواجيس وحلوم المر منها مر والحلو حالي وليا بقيت بمثل هالحال؟ ياقوووم لا والله الا أبى أغدي براسمالي لكن مابه شي فالكون بيدوم مادايم الا الله عزيز الجلالي خلوني أنسى الهم والغم والشوم وعلى بحور الشعر أورّد حبالي أنزل لسوق الشعر وأزوّد السوم وأدور الغالي ولو كان غالي واغوص في بحر المحبين واعوم ليا ذكرته كن يرتاح بالي الهم كله كوم والحب في كوم علة تخلّي الكبد كبر الطحالي الحب ذبّح له صناديد وقروم لن عشت وإلا متّ ماني لحالي لكن هذا ظرف بالشمع مختوم كاتب عليه لمن تهمه حوالي عليه صورة قلب بالدمع مرسوم دمعٍ حمر يشبه لدم الغزالي وبداخله عنبر وكادي ويشموم وحبّ وعواطف مالها اول وتالي ومعها السلام اللي على قنّ وسلوم ينصاك ياللي ما تفارق خيالي سكنت في قلبي معزّز ومحشوم عالي عن العربان والقدر عالي صلّحت لك فالقلب فيلاّ وبدروم والبيت بعد البني صعب الزوالي ملزوم اغني فيك ملزو ملزوم غيرك يبى لكن يا هملالي تتعب بيوت المدح وتطيح وتقوم لجل عيونك يا حسين الدلالي وحبّ البدو مابه عذاريب وثلوم مابيننا كلمة تعال وتعالي وليا هرج فيّه مساكين ورخوم ما هرجهم واصل مواطي نعالي |
عساه يبـلا فـي محبـة حيـاوي -حب الهنوف اللي يحده على اقصاه
تفرى ضميره فريّ دلو الـرواوي -اليا صفقاها الجال من حـد ملقـاه اليا لجلجتـه بالنظيـر السهـاوي - كلامـــــهـا لبيـه عـن قولتـن هـاه كلامهـا للقلـب مثـل المـداوي - اللي عــرف علـة مريضـه وداواه ياربـي انـي بالتفاتـك رجـاوي - تلم شمل الــولف من عقـب فرقـاه |
لاتلومن كان انا ادمنت السهر صار لي هالطبع انا على يديك كنت واقف خايف اطب النهر قلت لي : يالله معي لا ماعليك خضت ماخفت الكوارث والخطر الغرق بعيونك وفي حاجبيك صار ليلي مع نهاري لك شعــِر القصايد بس لك وحدك تبيك ماأشوف الشمس هي وايّا القمر انشغل واياك والا إحتريك طال فيّ الشوق وشراع السفر مالقى شاطي سوى راحة يديك لاتحاول طمس قصه له أثر صفحة الماضي ترى حده سميك والمشاعر خلّها لاتنفجر كبتها معروف خذ شوري عليك الهوى ياصاحبي مثل السحر لو تحاذر لازم اسبابه تجيك قدّر الله واقتنعنا بالقدر ماترجـّيتن ولا كنت ارتجيك دام قلبي ماخلقــْــه الله حجر لو ابيع الروح والله لااشتريك راح كل الليل والحين الفجر انت نايم واكتب الاشعار فيك |
حبيبي كل مافيني يذوب بملح همساتك حبيبي كل أحاسيسي يعشقونك حبيبي طالبك تكفى أبيك بكل لذاتك أبي جنبك مثل ظلك .. ولا أبي شي من دونك .. ابا سهر في وسط عينك .. واباشرب كاس نظراتك .. والى منك بغيت النوم أبي أنام بعيونك وأبي أصحى بكلمة صباح الخير بشفاتك وأبي فنجال حبك والغلا .. تمده جفونك |
ماعاد فيني .." أبتسم " مدام هالدمعه .. [ سلاح ]
ماعاد فيني أبتسم وأخفي ! همومي والحزن ! |
احبــــــــــك ولكن... من يعرف اني احبك ؟ سوى ربـــك وقلبي والوساده وليل الشوق اللي تسهره عيني ودمعي يوم خانتني الإراده فخمس شهود عندي تأكدلك وتعطيك الافاده |
| ياليل |
تكفى ضمني .. ماعــاد فيني للجـراح .!! | تعبت | أجامل وأنتظر .. زود المصايب والمحن .!! |
غـريـبه حـااالتي والله بـعـز الفـرحـه اتألم
|
لاصار " حظي مركبه " تبقى المصيبه .. ! بالرياح !
تجري " الرياح العاصفه " في عكس ..ماتمشي السفن |
أزف الضحك للناس وسري بالقلب مدفون
والجآاهل يحسبني فرحان وانا بالحزن مطعون |
تسولف لي عن الضيقه وانا كلي ألم وأحزان
وأنا من وين ماناظر بعيني شفـت ضيقاتـي... |
سكاكين البشر تنهـش قفااي و خاطري مفلوت
و لا اقدر اثني الشوفه لهم والإذن سماااعـة أخـاف ألقى أصدقـااي بـ وسطهم والمـوت كل الموت ألاقي ربـعي التااابوت والأيام هي أوجااعه |
حياتي شعرن وشاعر وجمهوري بقايا انسان
ونقـادي زمـن قاسـي ولا يفهـم كتاباتـي... أناظر للبشر حولي أحد يضحك أحـد طربـان وأنا صعبن علي أضحك أسايرهم بضحكاتـي... عجزت أكذب على نفسي بفرحه ما بها ألوان وحزني ما عجزعنـي بـدا يرسـم نهاياتـي ... |
ودي ابـوح بخافـي الحـاال واشكيـه ودي أصيح بعالي الصوت ياااااااني يااانـي تعبـت إجمـع كلامـي وأخفيـه ياني وياني مـن سحـاب غشااانـي |
والليل قرب ينتهي ويزول في وقت الصباح وانا وليلي نكتفي بس المواجــع ما اكتفن ماعاد لأسراري بلد والحزن دمرها وباح ولاعاد فيني أبتسم وأخفي همومي والحزن |
اقسى المشاعر اذا حسيت بالوحده والناس واجد ولكن وحدك تعاااني |
أبكتب لك وبالخط (..العريض ..)وريشـه الفنـان
أنا الخسران توقيعي وانا الخسران بصماتـي... أكمل لك عن الضيقه اكمل لك عـن الأحـزان تأكد لو بكمل لـك تصيـح وتطلـب سكاتـي |
ألا يالله ياعالم بحااالي
تزيل الهم عن قلبي تزيله .. بأمان الله .. |
خلوني استانس معه دامني حي لامت مدري جثتي من دفنها |
أحيان تلقى ضميره صاحي وخيـــــر وأحيان من قسوته مايعترف بأهله يا ابن آدم احذر زمانك دامك مخــير لو ترجع أحسن مدامك بأول الزلــه |
أنا ما اقوى على هجرك ذبحني بعدك وفرقاك
تمنيت اللقا ساعه نظره منك تحييني وقلبي من يلومه يوم يتذكر ويتمناك عظيم الشوق ياخذني جدى أغلى محبيني |
يامطول الليل يوم تكون وحداني ويامضيق النفس يوم يغيب غاااليها |
افتـــــح بقــــلبك رقــــــم وحجزلـــي حســاب,,,
اســــــهم غــــــرامــــي مـــــع قصــــيدي عطيتــــه لــــــ.... |
.
. كن ألثـوانـي فـي غيـابك سكـااكـين ليتــك تـذوق شـــوي طـعـم ألثــواني |
كان قصدك عذابي لا توصي حريص الزمن ما يقصّر وانت فيك بِــرِكَـهْ |
يارفيع الشان عندي مرتفع قدرك وشانك والغياب إلي تشوفه مايجيب إلا الغنايم جيت لك بأبيات شعر نورها يضوي زمانك تعتذر عن هالغياب وتبني بيوت هدايم الزمان إلي خذاني عنك ماغير مكانك والغلا لك دوم أشمه ريح ورد في نسايم مايخونك من يعزك لو زمان الظلم خانك صاحبك شاف المعزة منك ماشاف الظلايم مايهون الماضي إلي زين ايامي وزانك ولا تهون العشرة إلي ساسها صدق ونعايم تذكر شـ كنا نردد من لساني ومن لسانك القوافل لامشت خلفها تبح بهايم ثابتين في قيمنا مرتفع شاني وشانك والمروه في دمانا ماتلحقها خرايم وآخر المقصود قصدي عيش يومك في زمانك والخوي إن غاب عنك مايجيب إلا الغنايم |
| الساعة الآن +4: 06:57 AM. |
|
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.
