يابنت ماشفتيه فيني عيب ماهـو عيـب طيـب
ولو كان كل نظرته مثلك علـى الدنيـا السـلام


العمر مهما طال مثل الشمـس حاديهـا مغيـب
والنفس بأمر السوء أمـاره فهـل يعقـل تُـلام


الكِبرلله كان ذا مّنـك غـرور أمـرك عجيـب
ترى الغرور ايضيع من يمشيه في درب الظـلام


فن التعامل شي مايصعب على الشخص اللبيـب
وفن أحترام الناس عقب الذات ساس الإحتـرام


وعندي سؤال ايجول في صدري ويبغي له مجيب
هل قوه الانسان في صمته او الصمـت أنهـزام


أسئل مجـرب قالـوا العـراف لاتسئـل طبيـب
وانا مجرب في حياة الناس لي عشريـن عـام


لي نظرتي في الناس مهما كان لا يمكن تخيـب
ولي خاطر ٍ حساس لو احتس يحرمنـي المنـام


وأنتي كذا قلتي الكـلام ايصيـب ولا مايصيـب
بأسلوب مدري كيف جبتيها على حسب النظـام


يازين عيبي كان ماقلتيه فينـي صـدق عيـب
وياكبر عيبك كان مـن جـدك تقوليـن الكـلام

أحدن سرى بالليل لعيون غالين
وأحدن مع الايام ذاق المراره

أحدن سرى في داخله الف سكين
وأحد مع الحرمان روح نهاره

وأحد شكى من ظلم الايام همين
هم الفراق وهم قسوة زمانه

لاصرت تـدري ان زينـك فتونـي
لاتلـوم عيـن بـك تعلـق نظرهـا
فـي بحـر زينـك يبحرالعيـونـي
مالومهـا فنـك وزينـك سحـرهـا
ماابغى الهوى لكن عيونـك رمونـي
ياويل روحـي يـوم ساقـه قدرهـا
راعي الهوى مسكيـن قلبـة حنونـي
لعيون من يرجـي لروحـه هدرهـا
دنيـاي يالغالـي لعيـنـك تهـونـي
تفـداه نفـس فـي جمالـه أسـرهـا
معـك الليالـي لالاقيـتـه هنـونـي
وان غبت عن عيني عاودت في سهرها

سلام يابيض القلوب ويالنوايا الصافيه
في وقت كاثر به سواد القلب مابين الانام
سلام يا حسن النصيحه والهروج الشافيه
اللي تقدم للجحود وينكرك بين الحشام