قبيلة بني رشيد - إهداء : للمقيمين على قارعة سفر !!

قبيلة بني رشيد (http://ban3abs.com/aa/index.php)

- المنتدى الأدبــــــــــــي (http://ban3abs.com/aa/forumdisplay.php?f=27)

- - إهداء : للمقيمين على قارعة سفر !! (http://ban3abs.com/aa/showthread.php?t=83620)

مـــا غـيّــب الـمــوت حــــي ولا حــيــوا مـيـتـيـن
لــو انـهـم فــي الـحـيـاه أحـيــا جـسـدهـم كـفــن
كــم منـدفـن فــي الـثـرى ذكــره وصيـتـه يبـيـن
وكــم حــي فــوق الـثـرى ذكــره وصيـتـه دفـــن

يا هاجس القلب الحزين إشتقت لطروق الغرام
اللي بها الملتاع يلقـى راحتـه ..وكفايتـه
لو كان .. مهما كان فيه من التآلف والئـام
دمع الوداع ينسـي الملتـاع كـل روايتـه

اسـخـف مــوادع فـــي سـجــل المحـبّـيـن
حـطــوه بـإسـمـي والـسـبـب فعـلـتـك فــــيّ
نـبـنـي محـبـتـنـا لــنــا شــهــور وسـنـيــن
وننـهـي محبـتـنـا بـتـامـر عـلــى شـــيّ

ينومسـنـي الـطـيـب لـــو انـــه مـــن الاجـنــاب
ولا ادانـــي الـعـيّــه لــــو انــــه مــــن الادنــيــن
قـصـيـر الـشـبـور الـخـايـب الـعـايـب الــكــذاب
مـصـرحـبـهـا مـبــطــي واصـرحـبـهــا ذالـحــيــن

اثـر بـعـض الـزيـن يامـاجـد يــروّع
مـاتـغـطّـيــه الـعـبــايــه والـلــثــامــه
ضـامـيٍ رويـــان شـبـعـانٍ مـجــوّع
وآخـذٍ عنقـه مــن ادمــيّ العـدامـه
الـوكـاد انّــه جـمـع حـســنٍ مـنــوّع
ماعلى من مات باسبابه ملامـه

ياوقـت غيـمـك ســراب وراعــدك عـاتـي
وانـا ماعـاد اقـدر اوجـاعـك ولا اتحـمّـل
رميـت خـلـف الظـلـوع الـعـوج مآسـاتـي
مــــا مــرّهــا حـــــي يـذبـحـهــا ويـتـجـمــل
الـســاق تعبّـتـهـا مـــن كــثــر خـطـواتــي
والقـلـب تـكّـت عـلـيـه حـمـولـه و نـمّــل
كنت اشتكي زفرة الماضي على الآتـي
و الآتــــي الــيـــوم لاعـــــدى ولا جــمّـــل
تــبــارت دمـــــوع حــزنـــي وابـتـسـامـاتـي
وجـلـسـت اعـايــن بـصـنـع الله واتــأمــل
يـــاقـــوّ دمـــعــــي ويـــاقــــوة مـعــانــاتــي
ويـاقـل حيـلـة فـــرح قـلـبـي لـيــا صـمّــل
مـايـاخـذ الا ثـوانــي فـــي كــنــف ذاتــــي
والحـزن عايـش بهـا مشكـور ومجمّـل
يـابـوصـلـة حـيـرتــي ويــــن اتـجـاهـاتــي
يمّـنـت خـطــوة مـسـيـري والـهـنـا شـمــل
مـاكـن طـعــم الـسـعـادة فـــي بـطـولاتـي
الا عــــروسٍ نــهــار الــعـــرس تـتــرمّــل
وش عـاد اسـوي وذيبـي مـاكـلٍ شـاتـي
وازريت لا احوشها عن بعض واتجمل
وشلـون قلبـي يعيـش بـحـس نبضـاتـي
والسـيـف لاراغ عــن عـرقــي ولا كـمــل
اصبـر ولا ادري وش يصـيـر بحكايـاتـي
والصبر لا اعمى عيون الادمـي ينمـل
مـا الـوم صـوت الألـم فـي نبـرة ابيـاتـي
لا صـار حبـل الرجـا ممسـوك ومهـمّـل
والـوقـت غيـمـه ســراب وراعــده عـاتـي
وانـا ماعـاد اقــدر اوجـاعـه ولا اتحـمـل

غريـبـة هالحـيـاة الـلـي جمـيـع أصنافـهـا ديـكـور
تـنـازعـنـي عــلــى مسـتـقـبـل احــلامــي وانـازعـهــا
سنـيـنـي تسـتـريـح وتسـتـعـد وخـاطــري مـكـســور
تــمــر بـســرعــه أيــامـــي ولادري وش مـسـرعـهــا