|
: العام .. خايف من الاحساس يذبحني .. واليوم نصف المشاعر ما اعترف فيها ما عاد يجرحني اللي كان .. يجرحني .. الله يستر .. من : ( الدنيا و تاليها ) ! |
|
. . لا تبني المجد في حلمك وتستانس المجد في واقع .. الدنيا ماهو هيّن . . |
سبحـان ربّ الميّتـه والحيّـه اللي عذابـه يسبقـه غفرانـه رب ٍ تعالى وأعتلـى كرسيّـه والكون كان بحكمتـه سبحانـه ندعوه في وقت ٍ غشانا غيّـه يضفي علينا عفوه ورضوانـه الشرّ .. شات الكوره الأرضيّه والخير .. قفّل دونهـا بيبانـه وأحداثهـا خيالـه ورجلـيّـه منها قنوات الفضـاء مليانـه الظلـم فجّـر قنبلـه ذريّــه و العدل عيّـا يعتـدل ميزانـه طاحت وقامت ثـورة الحريّـه والشعب دك الشارع بعصيانـه أحد ٍ .. يقول مظاهره سلميّـه وأحدٍ .. يقول موامره خوّانه ! والأمن بين الذيـب والجنيّـه لا أوحى قنيب الذيب زاد إجنانه و ناّنـة الإسعـاف والدوريّـه في كل ليله فـي البلـد ونّانـه ثار الرصاص وناحت القمريّـه وطير السعد ضيّع جميع الحانه والكارثـه بالنشـره الجويّـه كنّ الغيوم من البشر زعلانـه أمـا تجينـا عاصفـه رمليّـه وإلاّ يناولنـا الجبـل بركانـه مخطوف لون أحلامنا الورديّـه والواقع الملموس شهب ألوانه ترمش عيون الطفـره النتيّـه وتجرّنـا بعيونهـا الفتانـه ! وكلّ السبايب من خراب النيّـه قلوبنـا فـي غلّهـا بلشانـه يا مراجعين السيـره الذاتيّـه الطيّب اللـي محتفـظ بإيمانـه لا تشطبـون الكلمـه العفويّـه اللي كلامه صح .. صح لسانه |
البارحه ..غار المسا من حضـورك حتى القمر منك انكسف وجهه وغاب والشمس لو هي فيه ذابت ..بنورك لوجت مع الطاقه ..تغادر مع البـاب جيتى بحسنـك والـدلال وشعـورك واحيا السهر روح الغلا والسمر طاب كان التواضع فيـك قمـة غـرورك من قدنا ..ليل وطرب روح واحبـاب شفايفك من تحت خـدك ..وحـورك نون ٍ يظلـل ثلـج بالجمـر مـاذاب دايم ليازانـت لوصلـك ..امـورك أستقبلك شوق ومشاعـر وترحـاب |
البارحه قابلت طيفـه فـي متاهـات الخيـال جالس تحت غصن شجره بين الدروب المظلمه مريت صوبه ماسـأل فينـي ولانـادي تعـال غارق مع التفكير وعيونه لساعـة معصمـه وراه حاير في زمانه منتهى السحـر الحـلال ماحب اشوف عيونه الحورا كـذا مستسلمـه مـدري يـدور للامـل والا يـدور للظـلال والا يدور حلـم وردي فـي زمانـه يحلمـه يحق له يطلق عنانه في فضـا حلـم الليـال يبي يعيش ان قاله الله فـأي حلـم ٍ يرسمـه ربي وهبله مايشـاء ومايريـد مـن الجمـال من هامته حسن وجمال وتيه لا اطراف قدمـه الله واكبر منه ابو شامه عليهـا حـب خـال يقدر يجيب اللى على باله بضحكـة مبسمـه والله واكبر من هدب عينـه لياسلهـم وقـال وين القلوب الهايمه ويـن القلـوب المغرمـه والله واكبر من غوي عوده لياهـب الشمـال اقسى طعونه قاتله وابسـط طعونـه مؤلمـه ماكنه الا عود مـوز ٍ لاعبـه ساقـي ومـال الري قسم في لحنه والريح قسـم فـي نغمـه يمشي وهو لابس ثياب من التواضع والـدلال سبحانه اللى جاد له من فيض جوده واكرمـه لكن بعد ماصال زوله في فضا فكـرى وجـال اخاف حظه يخذلـه واخـاف طيبـه يهزمـه يمكن تفارقنـا ولكـن طيـف حبـه لايـزال اغلي الضيوف اللى يجيني في محلي واحشمه |
يالهنوف اللى محلك في حشاشة جوفـي من كثر موتى عليك ..اموت فالشرقيـه يابعد من صان قـدر ولاجحـد معروفـي ارتعي بيـن الحنايـا راضيـه مرضيـه بس تدرين السبب ..في هاجسي والخوفي انى ازعل خاطرك ..بالقسـوه العفويـه وقسوتى يانور عينى من قساة ظروفـي والا انا قلبـي حنـون وممتلـي حنيـه كان حزن الكون كله من اعـز ضيوفـي وماتت الضحكه.. بموت احلامى الورديه العنا والضيق ..عندى..طعمهن مألوفـي الصباح ضيوف هاذي .. والمسا هاذيـه نادراً في هالزمان وفالبشر مـن يوفـي الوفي ..دقه قديمه... والوفا ....رجعيـه كم وكم كف ٍ .قطعتلهـا العهـد بكفوفـي أنقضت عهدى ووعدى .. ماقلبت النيـه مير واللى عز راسي .. وارتكى لكتوفي انك اول واخر اللى ..بأعشقـه موليـه عمرى اللى فات قبلك ماعليـه حسوفـي من بعد شفتك نسيت سنينـه الهجريـه هاك قلبي والمشاعر والغـلا وحروفـي كلهـا تشـري غـلاك ونزفهـا جاهيـه صار صبري فالحيـاه بجيتـك مخلوفـي حيًك الله من حبيب.. وحيها مـن جيـه كل حسن في محيـا هيبتـك موصوفـي مابعد حسنك جمـال .. ولابعـدك بنيـه لك عيون رمشهـن لاسلهمـن سيوفـي جعلنى فدوة دمـوع ..النعّـس الخدريـه لو بناظر يم غيـرك جعلنـى ماشوفـي كيف لا؟ياا جمل بنات الكـوره الارضيـه لو يجن وحده ووحده .. او يجن ألوفـى دام انا معى الثريا . ويش ابـي بثريـه |
|
: عندي ( قناعه ثابته ) .. ما تقبل أخذ ولا عطاء ! الحب إذا هو من طرف واحد ؟ على الحب السلام , |
ياربي أنت الرجاء وأنت العليم الحكيم
تعلم بـ ما : فيّ - والعالم ماهي داريه , ألطف بـ عبد ٍ .. يبي منك الثواب العظيم , وأكتب له العافيه .. فـ أقداره الجاريه , ياما سألك الغرف فـ أعلى جنان النعيم , لا لدّ يم السماء .. ونجومها الساريه ! يسألك وأنت الكريم اللي ماغيرك كريم أمنك بـ قبره : لا هبّت فوقه .. الذاريه ! وأمنك إذا أنشرت بـ أمرك كل عظم ٍ رميم يوم ٍ .. ما فـ الناس / ناس ٍ عنك .. متواريه , لا قيل يـ أدم : عليك إخراج - بعث الجحيم , تجي القلوب الحناجر .. كنها بلا - ريه ! واحد من الألف لـ : جنان النعيم المقيم , وقصورها الخالده .. وأنهارها الجاريه ! واللي بقوا : مالهم غير العذاب الأليم , أفواج ٍ .. تساق يم النار : متباريه ! الأم عن طفلها تذهل ؟ هذا أمر ٍ جسيم وشلون ؟ من عقب ما كانت له مداريه صحيح .. يوم ٍ ما ينفع به حميم ٍ حميم , والناس : مابين أمان .. وحالة ٍ طاريه ! كل الأمم جاثيه , معهم ابليس الرجيم وماعاش فـ الأرض , حتى سباعها الضاريه والجن والأنس في المحشر رجال وحريم ما ينظرون لـ بعض .. وأجسادهم عاريه اللي أنكتب في الصحف يشيب منه الفطيم تقراه ناس ٍ .. من أول ماهي بـ / قاريه ! عبدك يبي رحمتك .. وأنت الغفور الرحيم , تايب .. ونفسه من اللي سوّته .. باريه ! |
حاجتي لك حاجتي للماء على شان الحيـاه يالحياه اللي خذت روحي علـى جنحانهـا وين ما سيّرت فكري جيت للفكـر اتجـاه المشاعـر مهـرةٍ راحـت تجـرّ عنانهـا ما جرح روحي ولا زود على قلبـي عنـاه اكتـم الاشـواق وآكابـر علـى كتمانهـا يا حبيبي مـا بقـى دمعـه ولا ونـه وآه الا جت تركض تحدّانـي علـى نسيانهـا وأنت والله غايـةٍ للقلـب والجـرح ودواه وكل ساعه ما تجيني بـك قليـل احسانهـا وكل نسمه عابره قالت معي وش السواه ؟ وش معك في حيلت لساني وحال لسانهـا ؟ اتوجد واطبع حروفـك علـى كـم العبـاه لين صارت موضةٍ تنبـاع فـي دكانهـا ! وا عنى قلبي نصحته مير عيّا عـن هـواه القلوب الخضر وش يجري وسط شريانها ؟ |
هل تعلمين عزيزتي وغاليتي .. كم لي من الشوق نصيب حتى بكتاابة احرفي لك صدقيني اجدها تحمل اجمل واعذب ما اراه بخاطرك تجاهي وعندما اسكنك قريبا اجدك من حيث وجدك وجدي صدقيني .. لو وصفت الكثير والكثير لن افي حق مكانتك بداخلي بالأحرف .. فــ با الأمس كنتي حلم واليوم اكبر علم .. بجمال احرفك التي باتت تصيغني كما اجد معانيها بكِ اهلا بكِ: نورتي الدار واهل الدار والديره .. ياللي وجودك بعيني يساااااوي ادياااري |
طقوا ظلالي كل ما غبت طقوه
مقدين في( ظلٍ) هزمكم لحاله |
احلى سنين العمر راحت هدايا
لك يامجازي بالردى راعي الطيب لي في حياتك ذكريات وخفايا تبقى ولو باكر غزا راسك الشيب ولا الوفا ماله بقلبك بقايا عند الذي مثلك اظن الوفا عيب |
يامن سكنت اجمل زوايـا كيانـي
ياما على نفسي عشانـك تحاملـت مرات احس انك معي شخص ثانـي ومرات احس انك حبيبي وما زلـت لاتفرح انك دجـت بيـن المحانـي لو ماتخـون الذاكـره مـا تسللـت عشان ماضيك الجميل وعشانـي حاول تشيل من الوفا ربع ماشلت ماني على خبرك حبيبي ترانـي حتى عن اصغار الاماني تنازلت |
امم
الصبح يلقى في عيونك ملـذات ومنك يتغذى النور والعطر والذوق والليل يروي من سكونك روايات وياخذ من انفاسك عباره ومنطوق اعيشها بإحساس في كل الأوقات وارتاح .. واطفي بها جمرة الشوق |
مافيه حاجه تجـي مـن يمـك وتـاوي لا رمش , لا صوت , لا عينين , لا عذوبه قد شفت شاعر سواتـي يتبـع الغـاوي ! وقد شفت مُذنب سواتـي يعشـق ذنوبـه ! تدرين ! شوفتـك بـس لحالها تسـاوي : كنوز كسرى وقصـره / سيفـه وثوبـه ادخل علـى الله تصـد الميسـم الكـاوي عينك عقوبه ورمـش عيونـك عقوبـه جيتك وانـا مـن بهاذيـل الهـوى راوي واللي سواتك علـى درب الهـوى دوبـه اللي وصل لـك بعـد تغريبتـه ضـاوي طالبـك عـن جيّتـه لا تسكـر دروبـه من دونك الموت واللـي جالـك إفـداوي بس قول ( احبك حبيبي ) بـس هالنوبـه خله يعيـش السعـاده والعمـر خـاوي يمكـن يعـاف القصيـد ويعلـن التوبـه |
ياللعوب اللي تحلى بالجمـال الراقـي يالغزال اللي تمشى في حدود العبلـه مابقى في جوف شاعرك المعنّا باقـي غير كبدٍ من مواعيد الوصـل مندبلـه ايه احبك بس مدري ويش انا بك لاقي والمحبه في زمننا الصلف ماهي سهله |
الليل تسكن ظلمته وحشـة الـروح والصبح لو يبطي شروقه ! مصيبـه واصمتي اللي لو تعانق مـع البـوح تلقـى القصايـد كلبوهـا كئيـبـه وياصدري اللي يزفر الجمر وتفوح : انفاس صدرٍ مـا أوت مـن لهيبـه ماعادها لحيـة سواليـف ومـزوح غير ارتحالي وش غدى من نصيبـه وانا زهابي طرق وحسوف وجـروح غير السنين اللي خذتنـي غصيبـه وش عاد لو غنيت مع نايح الدوح ! يعني غناوينـا وش اللـي تجيبـه ! يالايمـي بالله لـو تقـدر تــروح مالك ورى صمتي ونفسـي طليبـه تلد نفسـي للحكـي فيـه وتشـوح لو السوالـف فـي جنابـه عجيبـه العام خطّينا عهدنـا علـى اللـوح واليوم اشوفك عن عيونـي غريبـه أخذتنـي ماعـاد لا آجـي ولا أروح وخليتني وصـدوف وقتـي مريبـه مسموح , لو عندي مشاريه مسموح وخل مابصدرك يندفن لَ تحكـي بـه حتى خطاك العام منسـي ومدمـوح وأعذرك لو مالك عذر تدعـي بـه ياليل وش باقي ورى وحشة الروح ! ظلمة هدوئك لو بدت لـي .. كئيبـه |
البارحه وانا علـى حـدّ السحابـه يالنجـوم ماباقيِ ديمة وسـم فـوق السمـا ماجيتهـا امرها طرقي على حسـب العوايـد والسلـوم وانـا الحقيقـه نـاويٍ نيـه لكـن خبّيتـهـا ياذيب ياذيب الخلا ياللي علـى روس الرجـوم عودتني بعواك بـس البارحـه مـا اوحيتهـا يسوقني دافع غلاك من الجبيل إليا الجمـوم ولاجيت في بحره وضلعـان الحـرم عدّيتهـا ألين تاقف طرقتي بالساحـل الغربـي عمـوم ولا راكـدٍ بالـي سـوى لا لحيتـك حبّيتهـا بيني وبينك خـوةٍ ومزارقـة طيـب وعلـوم اكبر من هروج الرخوم اللـي تجـر بشيتهـا ياصاحبي مالحقنْي شـكٍ ورى شـرواك يـوم نبقى على عهد الرجال اللي ينومـس صيتهـا مـاوالله يغـث الكبـود الا دنافيـس الرخـوم وانا أصغر همومي على هذي الفئه ما اصخيتها ياهيه ياللي ماتطـول العـز ريّـح ومخـدوم كل من بحث خافي علومك كلهـا خرّيتهـا !! اما بخوة تطلق الوجـه الكريـم اللـي يشـوم والا بلاش من الصداقه اللـي ضعيـفٍ ليتهـا البارحـه ماباقـيٍ رحلـة ذهـاب ولاقـدوم الا وعنيـت القـدم فـي دربهـا وسجّيتـهـا يالله انا العبد الضعيف اللي على كسـره يقـوم لاجيـت اكحـل نظرتـي خربتهـا واعميتهـا ذا حولي السادس وصدري ناحته لفح السمـوم مابـاقـي الا ونــةٍ وحــده ولا ونيتـهـا ياوجد حالي كـل مامريـت ماعنـدي لـزوم وانـا عيونـي تسبـر الشبـاك ماغضّيتهـا على هنوف جيتها محشوم واقفيـت إمحشـوم الا بلحظـة شـوق مـره واحـده ضمّيتـهـا ام العيون العاكشه والردف لا ضـف الهـدوم لا إستعجلت في مشيها !!! الله يخـرب بيتهـا اخذتها .. طرقٍ على هاك الشوارب والخشـوم وعسفتها على يدي مثـل الفـرس وأرخيتهـا ربيتها والصـدق مابـه شـي بالدنيـا يـدوم على الوصـل ومواصلـي اخطيـت ماربّيتهـا أقفت وليلتها مطر والبرق من وسط الغيـوم : علـى شعاعـه شفتهـا تقفـي ولا ناديتهـا الله يسامحهـا علـى مافـات مـاودي ألـوم والله يسامحنـي بـعـد يالـيـت ماحبّيتـهـا مدري وش اعذاري ليا مامريت ماعندي لزوم ماعاد باقي لي عـذر مـن كثـر مامرّيتهـا |
من كلامه (كلامي من لسانـي يضيـع) كـل ماجيـت أبذكـر بعضـه أضيعّـه وإن سكت ضاع تفكيري معه ما أستطيع ويتشتت ولارحت أجمعـه مـا أجمعـه رد فعلي بطي والقلـب نبضـه سريـع كن عوج الضلوع تضيـق مـا تأسعـه وأتظاهر له أسوي (ضميـري وسيـع) ويتضايق خفـاي وينكشـف فالسعـه سحر عينـه يوقفنـي بموقـف شنيـع وقلبـي بسحـر عينـه للعنـا يودعـه جيته بثقل وزن , ورحت حمل ٍ وديع ! وراح جسمي ,عظامي دوبهـا ترفعـه في عيال و بنات آدم و حـوى جميـع ماحصل معهم اللي حاصـل ٍ لـي معـه مرت أربـع فصـول وكلبوهـا ربيـع واحد ٍ معه ماأشوف!الفصـول أربعـه كل ما أشاهده شاهدت مشهـد فضيـع ريق ينشف!(من الدهشه!)وريق أبلعه! مشهد .بصوت وبصورة .بليّـا مذيـع! يوم أشوفـه .يحيرني!!ويـوم أسمعـه الهـوى قـوّ تأثيـره يـذلّ الشجيـع مالهـا طـب هـذي علـةٍ موجـعـه لـو قلبّـه حديـد وقاسـي ٍ مايمـيـع يوقـد الحـب فوقـه نـار ٍ تميّـعـه |
كل مافكرت في حالي / وفي ما جاني ,
قلت في نفسي يجي في الدم : ( دم ٍ فاسد ) , لا تضايق من حسد غيرك لو إنه داني ! أحمد الله وأشكره يوم أنت ما أنت بـ حاسد , |
بعض التجارب خلدت بعض الأمثال وفكت لها في مسرح الفكر خرمه ( ماكل رجالٍ يعوّض برجال ) ولا كل حرمه تنتعوض بحرمه http://www.montada.mergab.com/images/smilies/11.bmp |
يالله عليك الفرج يا فـارج الكربـه يا من اليك الامور تعـود يـا والـي يا عالم اللي ورى الاضلاع نشعربـه يالواحد اللي عليـه اعلـق آمالـي مقبلت الايام مـدري وش تبشربـه في وجهها خيـر والا فيـه غربالـي مقـدم الدولكـه ومعلـق القربـه ناسٍ لهـا فالهـا وانـا علـى فالـي اصوم واحرص على المسجد وابي قربه لو ان جيش الفتن فالـدرب يبرالـي الخيـر احبـه واماريبـه وافاخربـه والشر راعيه لا عمـي ولا خالـي ! الشر عنـي قلعتـه وانقلـع سربـه والخير حطيت له فالصـدر منزالـي |
http://www.mergab.com/up/uploads/13192849901.bmp
رحل سلطآن ؟ لا والله بقى سلطآن بقى عايش ! فخر في خافق آيتامه رحل .. واسترسلت في فقده الاحزان عسى الله يرحمة .. ويشتت آثآمه ! |
. . بعض المشاعر / بعثره دون ترتيب احتاج ارتبها / من الشوق زدني انا اعرف اني /بقنص الدر واجيب حتى البحر يبطي عظم ما حجدني حتى لو اني عن سماء الشعر بـ اغيب احس كن الليل عني نشدني ارقى بهقواتي: طوال المراقيب واللي يدورني بصدقه وجدني |
ماعاد باقي غير اوادعك وأروح وافرد ظلوعي لـ / المقابيل دونك لو انك أغلا انسان وتساوي الروح الله يكون بعون قلبي وعونك |
مع اشواقي على درب المحبه لو اعد اخطاي طلع شوقي على عد الخطى واحرق حساباتي وانا ياللي نذرت العمر لعيونك تعب دنياي!! رمابي من رحابة كلمتي في قبظة سكاتي لا صار انك خريف العمر واوراق الطموح امناي تساقط منك ياللي هقوتي بك تجمع شتاتي دخيلك مابقى فالعمر كثر اللي تعداء جاي على شانك تخليني لحالي في معناتي |
يا مستغـلّ الغـلا و معقّـد الناظـر ماتدري ان الغلا مثل المرض . يبرى؟ سلّم على اللي مضى واستقبل الحاضر ما عاد لك فيه لا صـوره ولا ذكـرى |
الانسان يضعف لا شكى حالته لإنسـان وانا كل ذنب اقـول هالذنـب وابتـوب ياليت الدموع اللي ذرفت اخر الاحـزان وياليت الجروح اللي توالت طهور ذنوب |
.. لا .. للمشاريه و انـواع العتـاب .. و نعـم لمعانق .. الشـوق والابيـات .. و اوزانهـا لبّست .. شعري من احساسي شماغ .. و معم واهديته .. اللي سهوم المـوت .. فاعيانهـا وابراي .. لله ماعاد القـى لشعـري .. طعـم الا .. ليـا قامـت اتعـدّه علـى .. لسانهـا .. |
إلى من الحزن وقّف على بابي فـعز البـرد أخاف إن الحزن يبرد وأنا أقعد بالدفا لحالي! |
: طابت جميع الجروح وجرحه الدامي للحين وأنا أحتفل بأعياد ميلاده .. !! |
: لو كانت الناس فـ/ الاذواق متفقـه ماشفت ف/الناس عشاقـة وشماتـه ولو كل من هو حكى في شي به يفقه ماقيل بعض الرجال يفضل سكاتـه : |
- مع إحترامي لـ الأسامي كلبوها [ إسم / إسم ] , اللي يشوف إنك ( مثل غيرك ) ؟ .. ما عنده سالفه |
الحزن .. يقسى على حالي .. ويثّر فينـي
يستفز اصدق مفاهيم الفـرح .. واغلاهـا لو درى ان دموع عيني .. ما تداني عيني ما تركني جالـسٍ .. ماغيـر انـا وياهـا والا انا صوتي .. وبحّة صوتي .. وتلحيني حطّمت حتى النخاع الشوكي .. بشكواهـا لا الظروف مناسبه .. ولا السنين سنينـي خل عاد جروحي .. ومن زاداها .. وادماها غير جعل الشعر يفقد زولـي .. ويبكينـي كان ما لبّسته من اغلا الحُلل .. واحلاهـا شاعر .. ولا كل شيّ يمـر .. يستهوينـي آتختّـل صيدتـي .. واضمّهـا وارفـاهـا من خُلاصة فكري .. ومنهاجي .. وتكويني حاجةٍ مخصوصه .. ومن شافهـا خلاهـا اسهل من اللي تساومني .. وهي في ايديني واصعب من الكلمه اللي مآحـدٍ .. طراهـا وان خذاني الشوق للي .. كنهـا تدعينـي كل ما بانت ملامـح صورتـي .. جواهـا واكتشفت ان الظروف .. مقيّـده رجلينـي كيف ابلقى لي حياةٍ .. فالحياه .. احياهـا ايه انا المخطي وانا اللي فيني .. ما يكفيني والا هي عن واقع الموضوع .. وش دراها بلغوها .. من يطمـن قلبـي ويرضينـي لا تباعدنا .. وطال الصمت .. بين شفاهـا اتحرّى .. طيفها اللي كل ليـل .. يجينـي واستلذّ بكل كلمه .. مـا اعـرف معناهـا تمتمت صوت الغرام .. ونبرته .. تحيينـي عقب موتي .. يوم حدّوني علـى فرقاهـا وآدعتني .. واتركت لي .. حاجةٍ تلهينـي عطرها .. وانفاسها .. وشوي من حناهـا ليت لي حيله .. واخبّي دمعتي في عينـي وليت عيني تقتصد .. فاللي بقى من ماها! |
على وداع إمعانقة هاجسـي ضقـت ضيقة حزن...منها على طول ضايـق انااحسب ان السالفه مسالـة وقـت وياشيب عيني يـوم شفـت الحقايـق حقيقةٍ صدقتهـا بعـد مـا ارهقـت وماعاقني مـن دونهـا ايّـات عايـق ومن جورها عن جور همـي تدرقـت واقـول رايـق لـو مانيـب رايـق وانا على رمش الغـلا قـد تعلقـت واذوق من سكـرات موتـي ذوايـق اشتقت؟؟ من صدقك تقولينها اشتقت؟ الا عليك عـروق كبـدي طرايـق من ساعة افراقـك وانـا ماتوفقـت تقوول سايقني علـى المـوت سايـق واللحظه اللـي لملمتنـي ولا عقـت علـى عقاربهـا تمـوت الدقـايـق ياليتني من سكـرة العشـق مافقـت ولا..لحقنـي مـن عناهـا لحـايـق انا احسب اني من حبالـك توثقـت واثر الحبال بكـف غيـري ..وثايـق ومع واقع اهمومي بكيـت وتعانقـت ضايق ومـن دمـع المشاريـه ضايـق |
ما آن لك عن حضورك تفهقين الغياب الكون في حاجتك يا شمسه الشارقـه الشعر ماعاد ودى في غيابك وجـاب الا لحون الفـراق ودمعتـن حارقـه من غيبتك مابقى للشعر قافٍ شبـاب قدح به الحزن شيب ولاح به بارقـه مراكب الحلم في بحرك تعيش اغتراب شوفي مجاديفها فـي بعادنـا غارقـه انا عشقت الرحاب ولا لقيت الرحـاب حتى ابتسامي من يدين الزمن سارقه انتي تحسين بالراحه وانـا بالعـذاب مشاعرً عن مشاعر فالهـوى فارقـه كان الغلا شجرةً تسكن بقلب الخـراب من بين فقر الجفاف الشجره الوارقـه كلت يديني وانا اطرق للوصل كل باب ولا يسمع الباب فالدنيا سوى طارقـه قلبي وانا في غيابك متعبين الركـاب نرافق الحلم يـوم وعشـره نفارقـه .. |
العمـر يجـري والسنيـن اجـداد والمكـره تـدور
والراس ترعى به مغاتيـر الكبـر عقـب الشبـاب تمضي محطات العمـر بيـن السخونـه والفتـور طلاتهـا شعـث وعصرياتهـا سـمـر الـرقـاب وجه الزمن كله تجاعيـد وصحـراء العمـر بـور زرعتها آمـال وتفـاؤل والسمـاء عـج وضبـاب وعمَرتها صبـر وبنيـت بهـا مـن الاحـلام دور واهديتها ايامي منابـع شـرب وسنينـي سحـاب وحصدتها وعي وتجـارب بينـت وجـه القصـور اللي يرافق خطـوة الطامـح علـى درب الصعـاب خطوات رجلي حركت واستنطقـت صمـت القبـور وسجدات وجهي في صلاتي قبلـت وجـه التـراب سافرت واغراني سراب الحلـم والعاشـق جسـور على الشقاء واكل الهواء والشرب من ريق السـراب اشرب عطش فوق العطش لاصار (ماء) الاحلام غور واقتات فوق الجوع (حـرَ) الجـوع لاقـل الزهـاب متناقضاتـي بيـن لحظـات الكـآبـه والـسـرور تنقش على كف المزاج الصعب نقشـات الخضـاب فينـي تواضـع زاهـد الامجـاد والشيـخ الوقـور وفيني غرور المنتصـر تحـت السلايـل والحـراب متواضع ل اقصى حـدود الانكسـار فـي الشعـور للـي تزيـن بالتواضـع والوفـا قـبـل الثـيـاب ومغـرور واباهـي بثـوب النرجسيـه والـغـرور في حضـرة اهـل النرجسيـه والتـرزز بالكـذاب اقفز على الاسـوار واتمـرد عليهـا سـور سـور لجل اختصر طول المسافه فـوق واحـدث لنقـلاب تعبت ونا امشـي نظامـي فـي محطـات العبـور وتعب النظام ايشيل خطواتي ثقـل مثـل الهضـاب ومليت من وجـه الغيـاب وجيـت ادور للحضـور اللي ينوخ سطـوة الغيبـه تحـت عـدل الجـواب ابي حضـور تزدحـم فـي طلتـه كـل السطـور وتعجز عنه لاتحتـوي فحـواه صفحـات الكتـاب مانيب من ترضيه لامنـه حضـر بعـض القشـور امـا حضـور مبهـر والا هـلا بــك يالغـيـاب قلتـه ونـا مومـن بـأن الحـظ يلعـب كـل دور دور الممثـل والمؤلـف والبطـل خلـف الحجـاب لامن صفـا حطـم قيـود المستحيـل وشـعَ نـور وفتح على بحـر السعـاده للفـرح مليـون بـاب ياحظ عطنا وجه يكفي طـول عمـرك فـي دبـور وقل للمشرع شاب مع طول المـدى ظهـر الغـراب .... |
يا مخـرج 3 عقـب دار الزمـان ومـال على الدايري يا ليت ما شفت لـك لوحـه لمحتك وأنا سالي وفـي طرقتـي رحّـال ودقّ الجرس في صدري ونقّض جروحـه يا ليتك مجـرد لوحـه وكبـري ومدخـال ولا لك من الذكـرى مسـارات مفتوحـه بديت أستعيد اللي مضـى وأفتـح الاقفـال عسى نعمة النسيـان ماهيـب مذبوحـه علاقـه وزالـت مـيـر تأثيـرهـا لازال أكابـد نتايجهـا والأشـواق مسمـوحـه تخاطف عيوني كيف أحيل الغـلا وأحتـال ولي عين مستوره .. ولي عين مفضوحه ! علشان من حطّت في قلبـي لهـا منـزال تعلّت عروشـه وأبتـدت تهـدم صروحـه لها بالوصوف الفارقـه مضـرب الأمثـال ذكيّـه ولمّاحـه وحـلـوه و مملـوحـه تمازحني وترمي علـيّ المـزوح أشكـال وأسيـرّ لهـا قلبـي بجـدّه وبمـزوحـه تقول أنت شاعر والمشاعر على مـا قـال ما باقي تغنيّ غير فـي حـيّ منفوحـه ! سقى الله قصيد ٍ كان فـي حبّهـا يختـال أغطيّـه بوشـاح المحبيّـن وأشـوحـه قضينا وبأحكـام القضـاء تقنـع العقّـال وكل ٍ عن الثاني سحـب روحـه بروحـه لوّ أن الجفاء قاسي يهون الجفاء لا طـال عسى الله يوفّق كـل مسلـم لمصلوحـه أبدفـن محبّتهـا تحـت هيبـة الـرجـال وأبدعي لهـا وتـروح بالستـر مبيوحـه عساها تدوم بخير وتعيش بأحسـن حـال وتبادلنـي الدعـوى والأعمـار منقوحـه عليها السلام ورحمـة الله مـن الأهـوال ومن شـرّ وقـت ٍ يعترضهـا بساموحـه |
| الساعة الآن +4: 02:51 PM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.
