استمري فوق عرشك عاليه مابك عيـوب وأطلبي القاصي والأدنى وأفعلي ماتفعلـي وأنوري ليل ظلام ناصع ٍ بعـد الغـروب وأعدلي ألما حكمتي بـس تكفيـن اعدلـي خل شعبك لي تذكر مثلك أنسانـه تنـوب عن أموره بادلك نفس المشاعر وإن غلـي غالي أنته مكانـك عالـي بيـن الشعـوب ما أبد مثلك أنا أشهد مثـل زولـك يعتلـي |
لا تاكـلك كثر الحسايف على شيّ
الرزق بـيد الله مثل منت شـايف دامك بخير و تأكل و تشرب و حيّ مافـيه شي يسـتحـق الحسايـف |
لو الأماني تعطي الرجـال كـل اللـي يبيـه
مانمسـي الا والطموحـات الكبـار مسنّعـه ولو الظروف تروف واللي يبتلي تحسن اليه ماكان في كل أربعة أشخاص يِبْلـون أربعـه هذي حياه يعق بعض الناس فيهـا والديـه والبعض الآخر لاقطعه أقصى المخاليق افجعه |
~
الـعـام دقـيـت جـوالـه وعــآيـدتـه واليوم ماله رقـم ، بأرقـام جـوآلـي وذكرت شـطـرٍ لابن فطيس ورددتـه ياويل قلبي عليه ويبري حآلي" |
مآ همني من قال فيني ومن سب
هرج الخلآيق م يغير صفآاتي هيبه ومطنوخه وسنافيه وآنحب وآهايط ب كيفي وهذي حيآتي. |
تـلـهــا يـاخــوك ثــم عّــرض شــمــال
لـقـهــا يـــم الـهــبــوب تـهـبــهــا مـهـرةٍ تـنـسـانــق فـالـعـلــم الـجــلال فـالـلــوازم مــا أخـبــر مــن سـبـهــا |
أكتبّ خواطر .. ( والخواطر حزينه ) ،
مااِ ھو بـ كيفي للحزن .. كني : أدمنت ! ھذي مشااعر وسط ( قلبي دفينه ) ، حاولت أحولها .. فرّح بس مااِ تمكنت |
مسيت بالخير يا حظـي وش علومـك
أبطى بشيـرك ولا وصلتنـي أخبـاره متى تسيـر المواكـب تعلـن قدومـك واللي يسوق البشايـر يآخـذ بشـاره من يومي صغير وانت الشوق من يومك تعزف علـى لحنـك العشـاق قيثـاره |
جيتك مجرد عاشقن جابه الشوق
يكتب معاناته على بيض الاوراق جيتك قصايد عشق عاشق لمعشوق يفـز له قلبن من البعـد مشتاق |
كل المساحات خضرا والمطر من سمـاك
صحرا الجفاف أن غشاها الغيث قالت هلا وأن مارسمتك على صفحات شعري ملاك بـلاش نضـم القصيـد اللـي بليـا ولا وشلون ابدله عن اوصالك وضحكة شفاك والله لبطي وانـا أحبـك وغيـرك جـلا |
الـرزق مكتـوب والأقــدار مكتــوبة
لا تشغــل البـال بالدنيــا ومـا فيهـا احـرص على طاعـة المعبـود والتوبة وباقي أمـورك تـرى ربــك يسويهـا |
كتبت لك يامهجتـي ثـم سطـرت
خطين تحت اسمك تميّـز عفافـه هذي الحكايه جيتلك مـا تأخـرت رغم الظروف ورغم طول المسافه |
بعض البشر تغليه لو ماتشوفه
يجذبك له شيٍ غريبٍ بـ الأحساس تسمع كلامه ثم تقراء .. حروفه* تبحر معه تنسى مشاكلك والناس |
يابنت يالي خذيتـي الطيـب بالقـوّه
الطيب جبتيه من عمك ومن خالك وصفك كمال ودلال وزين ومـروّه ويكمّلـه حلومنطوقـك مــع افعـالـك |
كسر القلوب اشبه بكسر الزجاجه
متـى نلاقي من عنا الوقـت منهاج هذا زمان ان جيـت تبحث الحاجه ياكثر ماتلقى مشاريه وازعاج |
ياتيك يمشي سنا فـي ظلمـة دروبـك
لـوّ انّـه مجبّـر الساقيـن لـوّ انّـه يتبع حصىً ما يوافـي دقّـة طنوبـك ولا ضاق منها عيـونٍ عـور شافنّـه طيرٍ له انت السما وامنيِتـه يجوبـك عشقٍ يرى مهجتك لاسـراره الكنّـة لا همّ له غير هـمّ يجيـب مطلوبـك وتكون بالخير عنـد اقصـاك مطرنّـه |
مات الوفا ي صاحبي والوصل مات
وصار الجفـى في اخر الوقت وافي |
عندي طلب ودي يسوونه الكل
اللي لهم واللي بعد مالهم خلق ياللي وصلك العلم في ثانية قل صل الله وسلم على سيد الخلق |
✽,♪
تدري وش اللي لا انكسر ما ينجبر قلبٍ تجمل . . ما لقى رد الجميل !” |
قدر مـقام اللي يقدر .. مـقامـك
واجز الذي عاملك بالخير خيرين أحـذر تنقص لـلـوفـي اهتمامـك مايجحد الـوافيـن غير الـردييـن. |
يا بشر تكفـون حلّـو عـن سمايـه
ما يصيب الهرج لو الهـرج صوبـي كـم سكـت لكـم بمـا فيـه الكفايـة اشتموني لو زعلتـوا واشمتـوا بـي عيبونـي واتركونـي فـي عمـايـه واتركوا لي واحـد يرضـى عيوبـي اتركـوا لـي واحـد يمسـح شقايـه كل ما حـط الزمـن دوبـه و دوبـي ذاك والله لـو ذكـرت انـه ورايــه اشعر إن الكـون كلـه وسـط ثوبـي |
؛
. في زحمة الاشواق اسمع سكوتك كنه يشتت مابقى بي من آهات لكن ليا تذكرت .. نبرات صوتك ما اقول الا يا بعد كل الاصوات ! . ❤️ |
شفت الغبار الي ملا جونا تو
كنه نظر عيني ليا غبت عنها غيبتك عن عيني تعكر لها الجو واضيق من غيبتك واموت منها |
لآ تخآف النآس دآم الله معآك /
ولآ تبيع النّفس لو حِملِك ثقيل !! مِن بيمنَع رزق ربّي لو عطآك؟ / هو يبآرك لِك .. ولو مآلِك قليل !! |
جميلة هي الحياة ، عندما نكُون صادقين فيها وكُل منّا يُنافِسُ صناعةَ الفرح لِـ / الآخر …!!
:) |
سولفت روحي للسماء : سيرة أغراب
فيني من الغربة حسَب ما يكفّي الحلم ماخذني : من كفوف الأحباب و أخاف لا ياخذ مع الوقت / كفّي !" |
الـصـبــر طـيــب أصــبــروا.. مـابـاقــيــن غــيــر الـقـلــيــل
الأمــــــر لــــلــــه أولاً ثـــــــم ٍ .. لـــصـــنـــاع الــــقــــرار صـحـيـح فـيـة ألـلـغــاز تـحـســب فــي عــداد الـمـسـتـحـيــل لــكــن هـــاذي حـكــمــة الله فــــي الــكــبــار وفـألــصــغــار |
*
باقي من العام كم ليلـہ ويتركنا يقفي . . وكل بحسناتـہ وسيّاتـہ مدري نكمله والا الموت يدركنا الوقت دوار واحنا في مداراتـہ ^̵̵̵ الله يحسن الخاتمـہ . |
الا ياسِعد حظي لو يميني لامست يمناه على حسب الشريعة ماسكٍ يمناه بيميني الا يالله انا طالبك الا يالله الا يالله من الأنذال تحميها من الحساد تحميني |
~`♥
صمتك عن الزلات طيب وشجاعه تكبر بعين اللي على الطيب رباك خلك مثل الضلع عزم و مناعـه لا يزعلك هرج الـردي لو تقفـاك |
ياسحابه بالمطر هلي علينا صاحبي له مدةً مافاق جوّه والصحيب ان شان وقته ماجفينا هو سموّه ماتغير عن سموّه بالوفا والطيب للخوّه وفينا لو خضع بالقاع نسعى في علوّه مازعلنا وان زعلنا مارضينا حن رجالً في لحاويها مروّه ان هرجنا يحرص الزله حدينا من ثغر غاليه لانظرت عدوّه كان كثر الصمت حكمه ماحكينا الرجل يعجبك في هيبة هدوّه والله انّا ماشحدنا في يدينا لو على فقر الزمن وجهً تشوه للمراجل فوق الافاق ارتقينا وان عسرنا مانقول العمر توه الطموح ان كان بحرً دون مينا السحاب بيد ربك طاح نوّه وان ضحكنا كم على الدنيا بكينا من زمانً مات صقره موت بوّه |
: " لا زال جاري البحث عن امنياتي
ما بين جور الوقت وأيامي السود وإذا لقيت أي أُمنيه فـي حياتي دايم تجي جزء من النص مفقود" |
مـا لـعـثــرات الـزمــن كــود الـعـنـيــدي
والـصَّـبِــر شـــدِّه ولا تــرخــي زمــامــا مـا كـتــب ربِّــي فــلا عـنــه مـحـيــدي احـمــده والـحـمــد لـلــه (ع) الـسـلامــا |
ضيق النفـوس وحزنھا شي عادي
آصــلآ غريبـه بعضھــم م يحسـون بعض العـرب حتى ولو كان ھـادي يبكي كذآ لا شاف لـه ناس يبكون |
ناسٍ تجي ويرحب القلب فـيها ،
/ اللي خلـقها عـن سـواها فـرقها . وناسٍ تصد وتحسب اني بجيها ، / واعـدهـا مـاكــن ربـي خـلـقـها . |
أن بغيت تحب حب اللي يحبگ
لا تحب أنسان ، قلبہ مايبيگ أگذب الأقوال من حبگ يسبگ من يحبگ صدق مايرضا عليگ ! |
افتخر بك.. كثر ما لك من عـداء
لأصدقاء الشرّ يا الظـل الهجيـر افتخربك.. كثر مـا لـك اصدقـاء مايهابـون العبـوس القمطريـر افتخربك.. كثـر ماتعنـي اخـاء وكثر ما أشوفك على الصعبة جدير |
بعلمك عن قصة انسان (شاعر)
شاعر يخاف الله .. وربه حسيبه يكتب عن اشواق وزحمة مشاعر (شاعر غزل) ،،، لكن بليا حبيبه |
ماكل من يركب على الخيل خيال
ولاكل خيل تعجبك هي اصيله ولاكل من يعجبك هرجه برجال بعض العرب ملسون وايده بخيله |
طبع التواضع فيه علَّى سجايـاه فاح المعتَّق مسكُ وعنبروعـوده
|
الساعة الآن +4: 01:44 PM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.