يا الدواي من داعج العين جاني تلفون=قاللي من بد الناس انا احبك وابيـك
قلتله يا مرحبا فيك من قلب حنـون=يا عديل الروح انا نايب قلبي عليـك
والله انك مو رخيص يا خدر العيون=الحلا وزين يا سيد الخفـرات فيـك
غير حبك هين وانت حبك ما يهون=واهني من ليله ونهاره بيـن يديـك

والله إلا طــراة العـمـر والفـلـه=لنـاض بـارق وباقـي للوسـم تالـي
لنـاض بـارق وحـدره مزنـن يقلـه=وخلفه مزونن تـرادف كنـه اجبالـي
وتحته ربابه تفتـق مـن تحـت ظلـه=ويسـار ربانهـا مـن فوقهـا مالـي
كن الرعد يـوم يرعـد عقـب برقلـه=طبل(ن) رجوج(ن) ينادي حرب واقتالي

انا لاضاق صدري وأشتعـل جاشـي=داويت نفسي مـن همـوم تناهشهـا
ضربت لي طرقة تصعب على الاشي=وسريت رجلي ومسرى اليل ينعشهـا
ونحرت جو خلى يوحش أوحاشـي=صحاصيح البيد طب الـي يعايشهـا
ويالايمـي خلنـي أصـد وأنحاشـي=عن شوف ناس مغير تلوي خشايشها
واللة ليبطي مع المقناص مطراشـي=لين المنيـة أقابـل وجـة طارشهـا
ومن لاعرف لذة المقناص ماعاشـي=ولعة بليـا طماعـة ميـر عايشهـا
هذا الدواء الي يداوي حدب هشاشي=من هاجس لاتحـرك قـام يجرشهـا

الله على اللي تـو وارد مديلـه=توه جديد ولا آشتغل فيـه بستـم
صنعة امريكا والجميحـي وكيلـه=ولله در اللـي لصنعـه مصمـم
سوبر دبل مافيـه هـزه وميلـه=مكمل الميـزات سرعـه محكـم
صنع اربعه والفين مفتـر ويلـه=من مصنعه تـوه جديـد مسلـم
زرع الكفر ماجاه مشيـن يزيلـه=آصفار طبلونـه وبديـه منظـم

قل للمويسه يحتزم للمطاريـش=انكان هجرس بالمقانيص جاشه
للديره الي عشبها بكر مانيـش=قيعانها تبدي عليهـا البشاشـه
ارض ن خلا مالوثتها الحرافيش=الي من الايام فيهـا ارتعاشـه
والطير ماله بالخباري معاويش=يطلع علي الجربوع والافراشه
مافيه غير مذيرات ن مناحيش=كثر الرمي زود عليهاالوحاشـه
وان كان ودك يافهد بالعراميش=اقبل سبوق الطير والا معاشـه