أبا أنذر اللي من ربوعي يبا الطيب=لا يأخذ ألا من بيـوت الشجاعـه
يجي ولدها مـذربٍ كنّـه الذيـب=عزٍ لأبوه وكل مـا قـال طاعـه
وبنت الردي يأتي ولدها كما الهيب=غبنٍ لأبـوه وفشيلـه للجماعـه
يا كبر زوله عند بيت المعازيـب=متحـريٍ متـى يقـدم متـاعـه

فتـى بـلا عـزم حياتـه مذلـة=والعزم لقلـوب الرجـال طبيـب
من لا صبر بالعسر ما ذاق يسرها=وباب الفـرج للصابريـن قريـب

الأجواد إن قاربتهم مـا تملّهـم=والأنذال إن قاربتها عفت ما بها
الأجواد وإن قالوا حديثٍ وفوبـه=والأنذال منطوق الحكايا كذابهـا
الأجواد صندوقين مسك وعنبـر=ليا فتحت أبوابها جاك مـا بهـا
والأنذال لو غسّلوا ايديهم تنجّست=نجاسة قلوبٍ ما يفيد الدواء بها