قبيلة بني رشيد - إهداء : للمقيمين على قارعة سفر !!

قبيلة بني رشيد (http://ban3abs.com/aa/index.php)

- المنتدى الأدبــــــــــــي (http://ban3abs.com/aa/forumdisplay.php?f=27)

- - إهداء : للمقيمين على قارعة سفر !! (http://ban3abs.com/aa/showthread.php?t=83620)

ماكل من حبّ يرضى ظلم محبوبه
كم جرح مايقبل النسيان بالراحـه
لو كل من يعتذر تغفر له ذنوبـه
ما طالب اهل الذبيح بدم ذبّاحـه

عسى اللي سرى ليل الثلاثاء شهر شوال
يـعـافـيــه ربـــــي مـــــن خـطــايــاه وذنـــوبـــه
ســرى والمحـاجـر موجـهـا يـرتـطـم بـالـجـال
والآهـــات مفـلـوتـه والأنــفــاس مـغـصـوبـه
بلـيـلٍ شـهـر سـيـف الجـفـا ونكـسـر رجـــال
سـتـر مــن حـيـاه وحشمـتـه جـرحـه بثـوبـه
خـذاه النصيـب اللـي حدانـي علـى الغـربـال
وأنـا اللـي بنيـت الحلـم طوبـه علـى طـوبـه
بقاياه جرح .. ودمعـه .. ودبلـه وسلسـال
واحاسيـس مكسـوره واحاسـيـس منصـوبـه
لـو أنـي دريـت أن آخـر الحـال هـذا الحـال
مــا وليـتـه أمـــري والـرحـيـل اخـــر ادروبـــه

لا تبتسم ماهوب جاهز مبسمـك للإبتسـام
لازالت عيونك من البارح تفـوح دموعهـا
أصبر عليها لين تصبح نارها برد وسـلام
وأعتق محاجرها .. وطاوعها تسيل بطوعها

اسمعوني قبل اعلمكم عـن اللـي خافـي
اخر القصه تـرى ماهـوب مثـل اولهـا
كل ما جيت اكشف الموضوع واكتب قافي
تصعب الدعوى ولا ادري كيف باوصلها ؟؟
المهم اني ما زلت ابدي علـى مشرافـي
واكتب الابيات في الشاشه لكم وارسلهـا
تكثر اخطائـي وامررهـا مـع محرافـي
دون معنى والعـرب مـن حبهـا يقبلهـا
ومن يسجلها رصيد اسمي ورسمي كافـي
قد نظمت من العقود احلا الدرر واجملهـا
مزحة الطيّب يبش بهـا الكريـم الوافـي
وبيّص الله وجه من يضحك ولو جاملهـا
لا تعاتبني يا وجه الخيـر ليـن استافـي
وكان في خاطرك كلمه بعد هذي ,, قلهـا
ادري اني واعرف انك واخذ شي اضافـي
ما نجـادل عالـم ٍ مـا ينفـع مجادلهـا
القناعه كنز والرحمـان ستـره ضافـي
وبعض الاشيا عاض عن مظهارها مدخلها
لا بدا اللازم بديت وخـذت حقـي وافـي
غصب ,, والا البلبله بتحصل مبلبلهـا !!

لاواهني من سجد بين الحجر والمقام
سجده بعدها لدينا البهذله مايقوم

سلام .. ومرحبا .. وان قلتها له من صميم الذات
تموت الناس عقبي لا حـدٍ رحّـب .. ولا سلّـم

على اللي فيه من روضة خريم وروضة التنهات
شذى وردٍ على صفق الهبوب .. تقـول متولّـم

بعد ما هز عرشي بالغرام .. وشالنـي بسكـات
قدر يعمي عيوني عن سـواه .. بضربـة معلّـم

اعيشه في خيالي واستعيد الماضي اللـي فـات
وانا لازلت اعاني صدق من فرقـاه .. واتألّـم!

مليت واثر الملل لازاد عن حده
يشيّن النفس ويغيّر طبيعتهـا

.
.

يا صبح قلي على طلعتك وش باقي
مليت دور الحزين و قصة الضيقه

من روحت و السهر يستوطن احداقي
و اللي بقى عن مطيح الدمع ( تدنيقه )

.