كل ماذعذع هوى الليل في قلبي سرى
هاجس مايعلمه غير علام الغيوب
ماعرفت أعالجه بالعلاج ولابرى
جرحه اللى غير عن كل جرح بالقلوب

ما جيتي بشارع ولا معرفة سوق
انتي خفوق انسان وصبي عينه


يا من زرعتي الحب في دم وعروق
شاعر وفا بالعون ما تجهلينه


تستاهلين القول هتان وبروق
وانتي الصحاري والضما تحضنينه


انتي الغروب وليل مسراي وشروق
حلم المنام وفجر ذيك المدينه


نطرتك البارح على مهرة الشوق
مثل الطفل ينطر حدى والدينه


فجرتي بصمتي ينابيع وشقوق
نبع زلال ونبع لا تشربينه


ماجيتي الموعد ولا الليل له ذوق
موحش ولحظاته بدت لي حزينه

من بنات افكار من فيض الصدور
من رقي الاحساس ياالنفس انثري
الخواطر بحر من أحلى البحور
آه من كلمات تهوى دفتري
ليت حبر الفكر بحساسي يثور
كان أحلى نثر أكتب وأفتري
علني لو قلت يا عطر الزهور
بعثر أطيابك بنفسج زمهري
ريحتك يا الاقحواني من عطور
ولمعة عيونك زمرد يعتري
شلت هالافكار من بين السطور
وأبتدت ثورة مشاعر تفتري
بنت خاوتني على مر العصور
من زمن عاد الأضافر تهتري
قصتي ما هي ترى بهتان زور
ولا بها تلفيق عن ما لي جري
أذكري ساعة لقانا بلا غرور
آه من ذكرى تجي في خاطري
كل ما حاولت أجي قربش أدور
وأرجع بخطوات وأصرخ أنطري
وكل ما قربت أشوفش بنت حور
في عيونش بدر يهوى ناظري
آتغزل فيش وأرسل لش شعور
وبالغزل يا ناس ما فينا بري
كم كتب شاعر سهر لين السحور
وألف شاعر سام واخر يشتري
وأنهمر وبل السحايب بالسرور
بشريني يا سحابة وامطري
بشري عن ساكني ذيك القصور
كيف هم من عقب عيني بشري
ينطوي حزني ولا الضحكة تزور
عقبهم جرحي ترى ما ينبري
الحزن كاسي عيوني خلف سور
وذكريات الأمس تحزن حاضري
جار فيّا الحزن لا هو ما يجور
وأبتدت ترجع وأنا قول اسهري
جربي نار المواجع والفتور
جربي من حرها ثم قرري