|
كلّ عـام ، وموطنـي فالكـون زاهـر=وكـلّ عـام ، وكلّنـا نفـدي تـرابـه موطني .. متقدّم ، وشامـخ ، وطاهـر=غصب عن خشم .. العصابه ، والعصابه نفتخر بـه ، والفخـر باطـن وظاهـر=لـو ، تمـوت الاسئلـة دون الإجابـه والوطن محكوم .. في ظـلّ الشواهـر=بامر رب الناس .. فـي محكـم كتابـه تحت حكم اللـي يقـوده ، قـود ماهـر=ذيب ، يحكم مـن عبـاد الله .. ذيابـه وكلنـا دون الحـدود .. نظـام ساهـر=واعـذاب اللـي يتهـوّر .. واعذابـه |
إقتباس:
ممتاز شكرا لك |
إقتباس:
|
سجه مـع الهاجـوس طبيعـة ٍ لـي=طبيعة ٍ بامـوت مـا جـزت عنهـا أشكي على الخلاق وأرفع لـه إيـدي=لا كثـرت الأفكـار يـفـك منـهـا أما الكرم قد فـاز بـه حاتـم الطـي=حتى الفرس من شان ضيفه طعنهـا خلوني أكرم في حياتـي وأنـا حـي=ولا مت ما أدري جثتي مـن دفنهـا خلقت في الدنيا وأنا ما معـي شـي=وأباروح منها ما معـي شـي منهـا مسكين ياللي تحسب الواجـد شـوي=والعافيـة لـو تنشـرى وش ثمنهـا يا جاهل الدنيا تراهـي كمـا الفـي=يامخبـل اللـي فـي حياتـه ومنهـا إن ناحرت لك قامت تـروح وتجـي=مثل الذلـول اللـي طويـل ٍ رسنهـا وإن أدبرت خلتـك طايـح ومرمـي=وكم واحد ٍ له حاجـة ٍ مـا ضمنهـا لا بد مانرحل عـن المـزح والغـي=ونسكن بيـوت ٍ قبلنـا مـن سكنهـا النفس مثل الغصن عايش على الري=ولو لاه كل النـاس عافـت وطنهـا يالله عسى الحسنات تقضي على السي=لا قرّبـوا للنفـس ذرعـة كفنـهـا |
ياشاعـرة جيلهـا يافاتنـة جيلـي=ماني مقدملك اعجابي على الطايـر خليني شوي لين آقف على حيلـي=واهدا واروّق ويركد دمّـي الفايـر والا افهميها حسب فكري وتحليلـي=وان سرت لاتنشديني وين انا ساير مادام سيلك مع الوادي جرف سيلي=مجبور اوقف واقاوم حملي الجايـر ماودي اضرب نهاري في طرف ليلي=واصير قصه مابين العضو والزايـر لذلك احسن لي من الحط والشيلـي=اطفي الكمبيوتـر وامصـع الوايـر |
سد مأرب شقه الفـار يـا نايـف وأنت كل اعلوم ابو زيد توحيها ..! قلتها لك وانت فالمرقـب النايـف تاخذ اعلوم النشامـا وتعطيهـا ..! |
قرب يدينك والمس الجرح بشويش=الي ضلوعي منه صارت تهاوى عطني حنانك كان تبغيني اعيش = ما هوب عيب ان المريض يتداوى |
تآملي / بي كان ودك تعرفين=اسباب شيٍ حال بينك /وبيني بعطيك نبذه عن حياتي وتدرين=عن سري الغامض /معك وافهميني اخذت / من عزة شموخي عناوين=ترسم على طول الزمن في جبيني لي حاجةٍ عندك / ولا قلت تكفين = لو مت من حبك / ما اقول ارحميني مرات لا غبتي /اردد متى تجين=واحيان / افكر كيف اقول اتركيني |
| الساعة الآن +4: 03:00 AM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.
