|
مافاد شور العباد ولاتفيد الدموع في ساعتن طعت نفسي لين دهويتها دورت درب الرجوع ولاحصلي رجوع من حيرة الوضع نفسي كاثرن ليتها يوم اذكر السالفه قلبي يهز الضلوع يبغى يفارق.. وهاذي قد تمنيتها ماعاد يقبل وجوده عقب ذل الخضوع والنفس ماعاد ترضى لو ترضيتها واحالي الي تردى عقب نطح الجموع وش صار حالي وحالك بعد ماخطيتها...؟ الفرصه الي سناها غير ضوء الشموع قمة طموحي ولاكن ماتماديتها سجيت رجلي عدال وصار دربي قطوع مافاد رجلي تعبها يوم سجيتها واليوم همي صلاتي واكتمال الخشوع والله يقبل صلاتي يوم صليتها وان كان جا فالخميس الي بغيته ربوع قلت اله فرصه سعيده ثم خليتها وش عاد تنفع دروعك يوم جبت الدروع..؟ طعنات وقتي بقلبي ماتناسيتها |
يامسى الورد..! ياشـوقٍ ثنـى باسـه فوق حـدب الضلـوع وفـي حناياهـا كـلّ ليلـه يـزور القلـب باحساسـه ويتقهـوى جروحـي لـيـن يـرواهـا وان حـداه الصبـاح يطيـب مجلاسـه والمشاعـر ترحـب فيـه برضـاهـا إستلـذّت هجوسـي دقّــة أجـراسـه واسّتكـن بطـروقـي ثــم غنّـاهـا تحتمينـي مـن الغـفـوات حـرّاسـه طيلة الوقـت..! وآنـا داخـل احماهـا فيـه يحيِـا الغـرام ويآخـذ انفـاسـه واحرق انفاس شعري منـه..! واقراهـا واجمع اوراق عمري وسط كرّاسـه..؟ لأجـل أحضّـر لنفسـي عنـد لقياهـا جـادلٍ مـثـل بتـلـةْ ورد حسّـاسـه مايوالـف كفـوف الـنـاس حنّـاهـا الحسن مـن حلاهـا يحسـب قياسـه ويتمنـى علـى الله يـوم .. ! يرقاهـا من دفاها الحنـان يـذوب فـي كاسـه ومن جفاها .. ! تجف الروح من ماهـا قاسية . ! لكـن الهـا لمعـة الماسـه تخطف الشـوف فـي حضْـرة محياهـا راسيـة فـوق عـزٍ شامـخٍ ساسـه ديّـنـه صيّـنـه والـجـود مـأواهـا عشت معها فصـول الحـب واجناسـه عاشق لـ.. صيفها ولـ.. قرصة اشتاها والأسيـر الغـلا والـصـدر حبّـاسـه مايغـادر ..! وعنـده نـار يصـلاهـا درّجتنـي علـى الآمــال بسيـاسـه حبّـه حبّه..!تجـرّ القـلـب بيـداهـا ليـن سـرت بهواهـا قالـب الطاسـه ماسليـت الهمـوم ايـكـود فرقـاهـا آآه مـن ليلـهـا لاهــب نسنـاسـه كل عـرق يتثنّـى شـوق لـ..خطاهـا وآآه مـن عودهـا لأهتـز ميّـاسـه ساق خطوة جموحي صـوب ممشاهـا ينتحي بي هـواي ..! ويقْفِـل اقواسـه عند كلمة هلا ...! من جمـرة اشفاهـا سيّدة غيـد .. بنـت العيـد .. لبّاسـه تنطفـي حرقـة الأشــواق لـولاهـا حـي والله شــوقٍ لــدّْ هوجـاسـه يمّهـا..! وارتـوى للّنفـس واسقاهـا مرحبابـه.. ونبـض الـود نبـراسـه بيـن حـدب الضلـوع وفـي ثنايـهـا |
على أثر ماصابني مـن نوبـة احبـاط وضجـر كنـي بقـول الله وأكبـر مابقـى شـي أخسـره كأنت طموحاتـي تعديبـي علـى سطـح القمـر واليوم ماعادت تجـازو بـي حـواف المسطـره ماني بشاعر بس لـي معنـى ولـي وزن وبحـر بالمختصر هاوي شعر خـارج حـدود السيطـره أفنيت في الدنيـاء عمـر اتعلـم اشلـون البشـر تخطي وترجع ترتكـب نفـس الخطـأ وتكـرره وكـل ماقلـت أستتـب الأمـن والحـال أستقـر فجأه لقيت أهل الشعر وأجـواء الشعـر متوتـره والساحه الـي مانفـع معهـا دواء وخـز الأبـر تحتاج الى جـراح متخصـص بعلـم القسطـره! ولا الـنـظـر 6/6 بـفـحـص المـخـتـبـر بس الخطر والمشكله... أنف.... وأذن... وحنجره وش تنتظـر يامتقـن اللعبـه بإساليـب الهـكـر وش تنتظـر والظاهـره ترقـى لحـد المسخـره مليت مليت اسمعك صبـر صبـر صبـر صبـر الـى متـى تجبرنـي اتحمـل قصايـد وثرثـره شاعر ويخلـط بيـن أساليـب العمـودي والنثـر والشعـر قـد لايدركـه وشــي مايتـصـوره ولايعيـش الا الجـزل طـال الزمـن ولاقصـر امـا الهـزل قـد نسمعـه مــره ولانتـذكـره حتى الهنوف الي تمر الذاكـره صـوت وصـور أستنفدت كـل الصبـر مـن أولـه ليـن أخـره تخطي وتجرح كل مـره والعـذر نفـس العـذر ياكثـر ماهـي تستغـل العفـو عنـد المـقـدره أن اقبلـت وشفتهـا أنـسـاك يـاوجـه الفـقـر وأن ادبرت ذكـرت حجـم أقصـادي المتأخـره خسرتها ضمن الطموح الي علـى سطـح القمـر وأستغفر الله لوبقـول أن مابقـى شـي أخسـره |
ان قدر الله عليّ .. وجيت لك من ( ولـه ) امانتـك لاتقصّـر .. ضمنّـي ب.. اشتيـاق ضمتك / سهم ٍ يصيب المغـرم ب.. مقتلـه والله ل.. يبطي تحت تأثير خمرك مـا فـاق الشوق ذايب منـه .. والبعـد مـا اتحملـه بعد البطاء .. يا حلو طعـم اللقـا والعنـاق الحب .. معـك استلـذه مرحلـه / مرحلـه من ( نقطة الاختلاف ) ل( نقطـة الاتفـاق ) سولف عن الشوق وش قال الك وش قلت له لكن امانتك امانـه .. لا تطـرّي الفـراق ! وان كان في خاطـرك شـي ٍ تكنّـه / قلـه الصبر على المشاعـر .. علـة ٍ ماتطـاق نبـي نأمـن ل.. هـذا العشـق مستقبلـه لو حاضره ما يشبّه غير ف.. أرض العـراق في وجهك .. ورود .. وجيوش ٍ لها زلزلـه وثلج ٍ .. ما ذوّبه حرّ النـار .. والاحتـراق وجسم ٍ .. لو اني وصفته صرت في مشكله ! مابين بعضه صلاح وبيـن بعضـه شقـاق الزين / يستاهلـك .. والملـح / تستاهلـه وعزالله احكمت في قلب ٍ هـواك .. الوثـاق سبحان .. من هو عطاك الزيـن والمنزلـه وغيره وغيره وغيـره مثـل هـذا السيـاق لو تكشـف ب.. غرتـك للعالـم / تبهذلـه كان المحاكم تشكّت .. من قضايـا الطـلاق |
ماعندي اسلوب اجامل فيه خلق الله طريقتي فالتعامل تكشـف عيوبـي المنطق المعتبر ماهوب مـن قلّـه لا شك مع حضرته مانيب موهوبي * * |
عسى الله يقطع لساني ويتركني بدون لسان ليا بالغت في همّي وفـي واقـع معاناتـي نشف دم القصيد وذاب مدري شابت القيفان سكن كله عسى تدفع حركاته .. حركاتي ! * * |
ياكل الأسرار .. ما يدري بـك الا الله توبي , وأنا تبت والتوبه هي التوبـه توبي , وخلي سبيـل مـن آتجـه لله اللي نجا من ظـلام العمـر بأعجوبـه كم ليلة ٍ مرّته لو مـا رحمـه الله :- يمديه تحت البسيطه - وآكفنه ثوبـه اليوم .. ماعاد يبغى الا مـا عنـد الله عمره ماهو شي , والفردوس مطلوبه وقّف .. وشاف العطايا اللي عطاه الله ورّجع شريط الحياه , وراجع ذنوبـه وشلون كان يتعاظـم والعظيـم الله ؟ وهو كله ذنوب من راسه لـ/ عرقوبه يخاف يـوم القيامـه , لا سألـه الله عن كل ما حصل من الحـب ودروبـه شاعـرك : خـلا ملذاتـه لوجـه الله عمر ٍ تعدّاه .. ماهو ملتفـت صوبـه وهو لـ/ هالحين يقسم ويحلـف بالله لو حب قبلك ! فلا بعدك محبوبه لكن توبـي وأنيبـي .. وأرجعـي لله العمر لحظات , والأنفاس محسوبـه ! |
أنا غريق المحبه ونت ( سترة نجاه ) وأن كان خليتني غرقان وش تستفيد أبسألك . ؟ يا عساني مافقدك فـ/الحياه اللي غريق المحبه لاتوفاء شهيد |
وشلون انام وهم قلبي صوابه
والشوك ينبت بين جفنين واهداب |
. أعيش عيشة " ذيب " والرأس مرفوع وإن قلّ مآلي " عزّ نفسي " غنـآتـي . |
لو كان قلبك يشتكي قسوة البين ما قلت لأنصاف المعاذير صعبـه ياللي نزلت العين قدرك من العين حاكم وصار الدمع فالعين شعبه حققت رغبة عالمٍ لـك مواليـن وأقفيت ما حققت لي فيك رغبه ! |
هلاك تفرق عن هـلا غيـرك كثيـر هـلاك يـوم تقولهـا يـا زينـهـا كنك تمـرر جوهـره علـى حريـر وكـن الحيـاة تمـد لـي كفينـهـا يا اندى زهر واحلى عسل وازكى عبير يـا فـل هالدنيـا ويـا يسمينهـا وقتي معك دايم ولـو طـوّل قصيـر واوقات غيرك كم طويـلٍ حينهـا ! |
من حبه الله .. يسر أمره وعافاه
وحبب جميع الناس في شوف زوله ومن أبغضه .. ياكبر همه وبلواه يصعب على من يذكر الله قبوله !! |
اليوم هذا كل مافيه مرضي ليته يجي قدوه للايام وارتاح |
زينك لحال وباقي العالم لحـال واللي ذبحت رجال ماتستشيره لو مامليتي عين شاعرك ماقال فيك القصيد اللي تمناه غيره ! smile18 |
يا حلمي اللي فـ العمر ما تحققت
قربك محال و فرحتي بك [ يتيمه ] يبقى لك :-بـ قلبي لو إني تضايقت ! محبه ، و قدر ، و معزه و شيمه شفت المحبه كيف تبقى مع الوقت ؟ كانت ولا زالت محبه [ عظيمه ] |
مدري ولكن ! بعض الأياااام يدرن ! إن الحبــــااايب " لو تباعـــد حبايب " |
لاتوصيني على نفسك !! أمانـه
داخل الوجداااان لاتوصي حريص داااخل الوجدان لاتوصي حريص |
صبـاحـك شــوق يـاشـوق الـغــرام ولـهـفـة الـوجــدان صبـاحـاً مايلـيـق إلا .. بـجـنـاب الـصـاحـب الـغـالـي صـبـاحـك ري يـــاري الـخـفـوق الـعـاشــق الـضـمـيـان عـــدد مـاجــات قـطــرات الـمـطــر ويــــاك فــــي بــالــي صبـاح النـور .. والنـويـر .. صـبـاح الــود للـخـلان احب الصبح .. من صبحك لانه هيك .. يهناااالي |
لو لك مكان وقدر وافي وقيمه علمتك ان المزح يفرق عن الجد ! لكنك ضعيّف طبوع وعزيمه وانا م احط اللي بلا مرجله ند ! |
خوفي من الزلات في حق الاصيل خوف البخيل ان جاه طاري مقبره ولي قلب مايجزع من الحمل الثقيل يسند على متونً تَعَشْق المقـدره |
فمان الله يا جرحٍ مضى نزفه ثلاث اعوام فمان الله يا ذكرى شذاها يختلـج فينـي فمان الله وعيون المفارق جفنها مـا نـام تبي ترتاح من تيه الغرام اللي مشقّينـي |
من لا يعانـق بالطمـوح الثريّـا يبقى على طول العمر تحت الاقدام |
الشيب هذا ما طلع من كُبُر سن بيض الفعايل بيّضت لي سواده |
الزين زين لو قعد من منامه
والشين شين لو تغسل بصابون |
لـلـحـزن سـاحــاتٍ بـصــدري مـثــل سـاحــات الـقـتــال
فـيـهــا الاصــيــل مـــــن الـمــهــار تــعـــوّد بـخـيـالـهـا ولا يـطـفــي حــــر مــابــي مــــن حــرايــق وأشـتـعــال الا الــدمــوع الــلــي مــــن عـيـونــي يــهــل هـلالــهــا لازال فــيـــهـــا دمــعــتــيــنٍ لــلـــفـــراق ولاتـــــــــزال ذكــــرى هــنــوفٍ كــــل يـــــوم أحـطّــهــا وأشـتـالـهــا راحـــت عــســى الله مايلـحـقـنـي مـشـاريــه الــرجــال تــقـــول كــنّـــي مـاخـلـقــت مـــــن الــتـــراب الاّلــهـــا عــــزّ الله أنّــــي مـانـسـيـت أفـعـالـهـا بــنــت الــحــلال لـــعــــل ربـــــــي مـايـجـازيــهــا بـــســــو أفــعــالــهــا أكـبـر جـريـمـه ترتكـبـهـا فـالـهـوى مـــن وســـع بـــال هــــــذي ضـحـايــاهــا بـقـلــبــي شـــيـــدوا تـمـثـالــهــا وشلـون تهجرنـي وأنــا مـالـي عـلـى الهـجـر أحتـمـال وشـلــون تهمـلـنـي وأنـــا مـانـيــب أطــيــق أهـمـالـهـا وشـلــون تقطـعـنـي بـسـيـف الـبـعـد قـطّــاع الــوصــال وأنــا لــو أقـطــع عـــرق قـلـبـي ماقـطـعـت اوصـالـهـا وشــــلـــــون ماتشتاق,,مـاتـرحـم,,مـاتـذكـر,,مـاتـسـال وشـــلـــون مـاتـطــلــق يـــديـــنٍ كــبــلــت بـأغـلالــهــا وشــلـــون مـايــطــري عـلـيـهــا لاتـفــيــت فــالــظــلال مـتــشــبــثٍ لاوقـــفــــت جــنــبـــه قـــعــــد بـظــلالــهــا مكسـور خاطـر والسـوال أعـووووذ مــن ذل الـسـوال يـامــا أنـتـظـر مـــن بـــرج هاتـفـهـا يــبــث أرسـالـهــا لـكــنّ مــــال الآدمــــي حـيـلــه لامــــن الــحــظ مــــال المـيـلـه الـلــي فـــال ربـــي خـيــر لــــه مــــن فـالـهــا هـــي افقـدتـنـي مـــن هـنــا .. وأنـــا فـقــدت الاتـصــال مـــــن يــــــوم راحــــــت لارسـايـلــهــا ولا جــوالــهــا يـاقــســوة الايــــــام والـــحـــظ الــــــردي والاتـــكـــال عــلــى مـقـولــة ( لـلـمـواقـف والــلــزوم ارجـالـهــا ) يالله دخـيـلـك مــــن تــردّايــة نـصـيــب وشــيــن فــــال مـــن حـيــرة آمـــري لـيــت عـنــدي حـيـلـةٍ وأحتـالـهـا أن أرخـصـت قــدري وطـاحـت قيمـتـي والهـجـر طـــال قـولـولــهــا تـــتـــرك مـكـابــرهــا وتـــاخــــذ بــالــهـــا أنا من اللي فوق .. فوق و فوق .. فوق و عال .. عال تــركــد ويــركـــد عـمّــهــا مـعــهــا ويــركـــد خـالــهــا لاوصـــلـــت لــلــحــد هــــــذا لانـــقــــاش ولاجـــــــدال تــبــعــد وتــنــكــف الامــــــور دقــاقــهـــا وجــلالــهـــا لـو المـفـارق صـعـب والنسـيـان ضــرب مــن الخـيـال ارخـــــاي راســـــي لايـــــروق الـــهـــا ولايـحـلالــهــا احـفـظ لـهــا قـيـمـة غـلاهــا وأنتـظـرهـا مـــن شـمــال وإذا نـسـتــنــي هــــــذي الــدنــيــا وهـــــــذا حــالــهـــا أمّـا أنـي أنساهـا .. نـسـى الله مــن نـسـى ذاك القـبـال يـاااااصــبّ روحـــي صــــب دلـتّـهــا عــلــى فنـجـالـهـا قـولـولـهـا لاسـتـخـسـرت فـيــنــي ريـالــيــن أتــصـــال تـهــدي عـلــى ( جمـعـيـة الــصــم الـبـكــم ) جـوالـهــا |
اقلقني الحزن فـأحساسك بتقصيري ودورت للعذر ما يكفـي ملذاتـك ما غيرك انسان قهويتـه معاذيـري وما غيري انسان قهويته هوى ذاتك يا فاجع القلب بالفرقى كثر خيـري علمتك الحب قبل اكـره نهاياتـك مني اليك الغلا والحزن يـا طيـري ياللي كسرت السماء السامي بهداتك اتعبت ساق الغلا خلف المظاهيـري وضميت يا درب قبل اقطع مسافاتك هذا انا وانت وشعوري وتقديـري وهذا قطار الشعور المر مـا فاتـك كانك مصمم تسافربه معـا غيـري يكفيني اودعك واستشعر سكاتك ! |
هذ ارمضآن الشهر والوقت والغآيـه ماهو مجرد شهـر نقضيّـه ويعـدي وجوده آيـه وصومـه يعتبـر آيـه وقبولنـا فيـه رحمـة رب تنـعـدي وتوابعـه والنوافـل ترجـع التـايـه ويصير من عقب ضيعه شخص متقدي |
ياربي أغفر لي ذنوبي وانـت غفـار الذنـوب يا من بيدك النار والجنه وفي يـدك الحسـاب أنت الكريم المعطي المنـان فـراّج الكـروب الواحد الفرد الصمد اللـي إليـك الانقـلاب جيتك وانا عبدك وفي رجواك والوقت محسوب والخوف كل الخوف لو مالي دعاء مستجاب ! .. |
ماعاد لي نفس فـ( الناس ) وسوالفها سوالف الناس : - ماودت ولا جابت ! الواثق اللي ( سلومه ) .. مايخالفها ! ماتهزه ( الريح ) دامن ( الجبل ثابت ) |
. . سبحان من ساق المشاعر للقلوب الواحد اللي ما خلقك / وهملّك الا على طاريك / وانفاس الهبوب تحرك احساسي وجيت اتآملك اتخيلك شمعه وعيت لا تذوب اضمى وترويني سهر / واتحّملك يمكن على غيري تضيق ابك الدروب بس احمد اللي في عيوني جمّلك . |
. . فضلت اعيش انسان / وابقى لي انسان عزيز نفس /وفي خفوقي مخافه عمري ما افكر جرحك احيان واحيان اشوف في جرح المشاعر ضعافه انا بشر عندي من الهم شتان احس من بين الضلوع ارتجافه ابيك واشتاقك / واحبك علشان يضيق صدري وارتتشفك ارتشافه : ( . |
أنفاس شهر الخير , تضفي لنا الخير نعيشها فـي كـل لحظـه وساعـه وفي كل وقفة نصح للنفس , والسير على خطى السنه ونهـج الجماعـه ليت الشهـور المقبـلات المناحيـر نعيشهـا مثلـه ونفـس أنطباعـه |
أكبر خطاء إنك تضحي لك لأجل واحد يضحي بـ (تضحياتك) حسب مصلحته يشوف نفسه (وفي) ويشوفك (الجاحد) مع إنه أخطاء بحقك !! وأنت سامحته |
سبحان من كبّر بفضله مقام رمضان وخلاه خير الشهور ومصدر افراحنا ! روحاني وفيه ميزه غير كل الزمـان ايجّوع بطوننـا ، ويشّبع ارواحنـا ! |
أنا واثق بنفسي ليش اهايـط والرجـال بنـوك اسير وخطوتي منهـا الجبـال مولعـة غيـرة وانا اعرف قدر نفسي يوم شك بنفسه الصعلوك كسبت من الزمن خبرة تجارب مع حسن سيرة مع رجال الوفا مالك رصيد..وفالقلوب صكوك واقول : الله يجمل عبـده المسكيـن ويجيـره |
لا عاد تنشدني عن الحال .. وش فيه؟
خل الحزين يعيش حزنـه .. بروحـه خويّه الضيقـه .. وهمّـه مصافيـه ونديمه .. أصدق واحدن من جروحـه خلّه مابين الهم .. والضيق .. والتيه يعيش يومه .. لو خذا الحزن روحـه يعيش يومه .. لو خذا الحزن روحـه |
أيامي اللي بدونك موحشـه غبـرى و أنت النسيم العليل و جوّها الصافي إجرح عسى جرحي من يديك ما يبرى و إبخل عليّه بصرف علاجك الشافي ما ذقت جنتك لـولا نـارك الكبـرى نارك لهبهـا بـراد و بردهـا دافـي |
لما عفوت ولم أحقد على أحدٍ ./. أرحت نفسي من هم العداوات
إني أحيي عدوي عند رؤيتـه ./. أدفع الشر عنـي بالتحيـات وأظهر البشر للإنسان أبغضه ./. كما أن قد حشى قلبي محبات الناس داء ودواء الناس قربهم ./.وفي اعتزالهم قطع المـودات |
:
إن قدرت تعيش في الدنيا : غريب ؟ عش - وباقي عمرك الجاي [ أصبره ] , ما بعد غفلتك في الكون الرحيب الا :- نومك في : [ تراب المقبره ] ! |
| الساعة الآن +4: 12:34 PM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.
