مرحوم ياحبن ترعرع بالاعماق = متغذين دم العروق الصخافي

بسألك يا نور عيني والعذر موصول
من بعد ما غاب نورك تحسبيني ايش


من بعيد اليا بعيد استدرج المؤمول
واخذ اخبارك عسى يستبعد التطفيش


مااقتنع باللي رفضته وان غدى مقبول
مااصدق من يقول ان الحياه تطنيش


من يطنش جرحه اللي في الجسد مغلول!
من يقول ان الزمن يعطي بلا بخشيش


بعض من جد انتهى فيما وجد من هول
ما حصد غير التعب ينبي على التهميش


في زمن صار الطموح اكبر من المعقول
وينه اللي مكتفي بس بالخبر والعيش


نحمد الله عالعباده و قسمة المحصول
نسأله يغفر لنا كلّ الزلل والطيش


اتركينا من سوالف هرجها بيطول
دام تزيّن الحقيقه يقبل التشويش


من ليالي الهمّ جيتك والامل مقفول
اسمعيني ياالغلا من غير وين وليش


ليلة البارح سألني خافي المجهول
لو بكت مجنونتك كيف الحزن بيعيش


وقتها زاد التساؤل والحشا مذهول
وش حصل في قلبها لو صوّبه تخديش

لو طرى لك مع هيامك حرف يتوسد كتاب
امسحي ألـحـان فـكـره لأن مـا بـه مـنـفـعـه