قبيلة بني رشيد - إهداء : للمقيمين على قارعة سفر !!

قبيلة بني رشيد (http://ban3abs.com/aa/index.php)

- المنتدى الأدبــــــــــــي (http://ban3abs.com/aa/forumdisplay.php?f=27)

- - إهداء : للمقيمين على قارعة سفر !! (http://ban3abs.com/aa/showthread.php?t=83620)

خذ ضلوع الصدر سلّم وارقها لين نتواجـه
وان صدف لك بعضها متكسرٍ حذراك منهـا

ما كسرها غير ليلك يوم يحرمنـي سراجـه
سامح الله صورتك يوم آتوهـم وآحضنهـا

وانت ما تحتاج تمشي الصدر لين آخر دراجه
خطوتك ما بين خامس ضلع والسادس وطنها

انزل انزل بين خامسها وسادسهـا وناجـه
قلبي اللي كلما تزعل علـى حاجـه ركنهـا

ايه واتعصب معك كالقاعده ضـدّ الخواجـه
لين ترضيك الدروب وشامها يلقـى يمنهـا

الـشـوق عـمـره طـويــل ولا عـلــى الـصـبـر زود
وان طــال عـمـر الجـفـاء جــف القـلـم والـكـلام
اخــايـــل الـشــعــر وبــروقـــه حــديـــث الـــرعـــود
ويـسـمــي الـخـيــر وجــروحــي حــديــث الــظــلام
ما اقول صدري هو اضيق صدر في هالوجود
لـكـنــي احــــس بــيــن ضــلــوع صــــدري غـــــرام
لـــو للمـقـاديـر مــــع وجــــه الــبــن ادم وعــــود
ان كـــــان مـــــرت مـصـايـبـنـا مـــــرور الــكـــرام
لـقـيـت عـمــر الـفــرح يـنـقــص وحــزنــي يــــزود
وانــــا عــلــى ايــــات حــــال اعـامـلــه بـاحــتــرام
طبيعتـي لا انكشـف ستـر الـزمـن عــن جـحـود
امـــد لــــه غــصــن زيــتــون وحـمـامــة ســــلام
الـقــلــب بـســتــان طـيــبــه والــعـــواذل حـــشـــود
تـغـانـمــونــي لـــحــــم واسـتـكـثــرونــي عــــظــــام
ان عـرضـوا لـــي سـمــوم الـهــرج هـبّـيـت نـــود
وان طـمـنـوا روســهــم راســــي خــــوي الـغـمــام
مـــن رحـمــة الله مـــا نــقــرا عــيــون الـحـســود
ولا نــشــوف الـمـغـطّـى فــــي صــــدور الآنـــــام
ولاّ كــثــر مــــا تـشـيــل الـعـالــم قــلـــوب ســـــود
مـاعــاد يـبـقـى عــلــى الـدنـيــا خــــوال وعــمــام
اعـيــش جــــو الـسـعــاده بـالـدعــاء فـالـسـجـود
لاطــــــرّف الــلــيـــل ثـلـثـيــنــه وعـــــــز الــمــنـــام
الله يــخــلــي لـقـلــبــي ضــحــكـــة اربـــــــع ورود
ويـقــر عـيـنـي بـشــوف الـنــور عـقــب الـعـتــام
يـالـيـت شـعــري ,, الا لــيــت الـلـيـالـي تــعــوود
يــــوم الـتـجـافــي دقـيــقــه كــنـــه فـــــراق عـــــام
اســألــك بـالـلــي جــعــل كــلــك رهــــاوة عـــــدود
لا تـبـطـي عـــروق قـلـبـي مـــن قـراحــك حـيــام
مــن يــم دمـعـي حــدر والضـيـق يـرقـى سـنــود
لــو قـلـت لــك طـيــب وكـلــش عـلــى مـايــرام!!
صـدقــنــي انـــــي فـقــدتــك والــجـــوارح شـــهـــود
ارجـــــوك لا تـعـتـبــر بـــعـــدك ســبــيــل انــتــقــام
أي والله اخـطـيـت فـــي حـقــك وجـيــت مــهــدود
اشــيـــل عـــــذري لــعـــل الــعـــذر قـــــد الــمــقــام
اخـطـيـت والـبـعــد يـوجـعـنـي ولا انــــت مــحــدود
تـــحــــط بــيــنـــي وبــيــنـــك فـالـمـحــبــه نـــظــــام
لـــو الـخـطـاء بـيــن خـلــق الله جـــزاه الـصــدود
مــاعــاش فــــي هـالـزمــان الاّ عــيــال الــحــرام
عـشــت الـغــلا فـــي شـبـابـه لا تخـلـيـه عـــود!
والـعـود مـــا يـطـلـب الله غـيــر حـســن الـخـتـام

مـــا غـيّــب الـمــوت حــــي ولا حــيــوا مـيـتـيـن
لــو انـهـم فــي الـحـيـاه أحـيــا جـسـدهـم كـفــن
كــم منـدفـن فــي الـثـرى ذكــره وصيـتـه يبـيـن
وكــم حــي فــوق الـثـرى ذكــره وصيـتـه دفـــن
ذكـــر الـحـيــا مــــا يـغـيــب وطــــاري الطـيـبـيـن
والــحـــي يـحـيـيــك والـمــيــت يـــزيـــدك غـــبـــن
والـمـوت مــا غـيّـب الـشـامـخ كـريــم الجـبـيـن
لـــو غـــاب عـنــا جـســد مـعـنـا تـبـقّــى وطــــن
عـلــيــه مــنـــا الــســـلام ودعـــــوة الـمـسـلـمـيـن
وجــــزاه ربـــــي عـــــن الـدنــيــا بـجــنــة عـــــدن
ومْـــرافـــق الأنــبــيــا ومْـــجــــاور الـصـالـحــيــن
فـــي يـــوم يـكــرم بـــه الـمـؤمـن وغـيــره يـهــن
وحنا لنا الصبـر فـي ( أبوي ) وربـي يعيـن
لـــو ان فـرقــاه فــــوق الـصـبــر مـهـمــا يــكــن
والـدمـع لــو جــف مــا جـــف الـغــلا والحـنـيـن
لــو هــي تـطـول المـسـافـه ويـتـمـادى الـزمــن
والوقـت مـا هـو بـشـرط انــه عــلاج الحـزيـن
واكـبــر دلـيــل الـشـجـن لا زال هــــو الـشـجــن
والـحـزن مــا هــو بـثـوب اســود ولا دمعـتـيـن
الـحـزن لا مـــن بـكــى قـلـبـك هـــذاك الـحــزن
واللّـي زرع فـي القـلـوب مــن الـوفـا ياسمـيـن
جـنــى مـــن الياسـمـيـن قـلــوب فـيـهــا ســكــن
واللّي بنى في الصدور من المشاعر عرين
كم من سنه والـصــدور تْــســدّدْ لْــــه الـثـمــن
راهــن عـلـى قلـوبـنـا حـتــى اسـتـبـاح الكـنـيـن
والله لْيـبـقـى عـلــى طـــول الـمــدى والسـنـيـن
فـــي الـعـيـن والـقـلــب واذكــــاره تْــــراود ذهن

عسى من يودي لـه علـومٍ خطـا ويجيـب
نـشــوف اللـيـالـي فـيــه تـكـثـر مصـايـبـهـا
رفـيــقٍ عـلـيـنـا مــاخــذٍ عــــادة أم جـنـيــب
يــكــب الثـمـيـنـه والــرديـــه يـعــيــش بــهـــا
يسوق الركايب والخبر تحت راس شعيب
عــلـــى الـمـخـطـيـه وده يــولـــع حـرايـبـهــا
وأنا خابر إن المخطيـه مـن كبـار العيـب
يــحــيّــرك مـعـنــاهــا وتــجــهــل سـبـايـبـهــا
يـشـب الفتـيـلـه بالنـمـايـم عـســاه يـخـيـب
ويـسـوق المشـاكـل لـيـن تكـثـر نشايـبـهـا
لوإنـه مثـل نـايـف بعـيـر الحـمـول هـديـب
مـشــى بالنـصـيـحـه والـمـشـاكـل تجـنّـبـهـا
ولا صار مثل اللي يتاجـر بأخـسّ الطيـب
عـلـى قـصّــةٍ مابـيّـضـت وجـــه صاحـبـهـا
يعيّد بها الحصنـي ولاعـاد يخشـى الذيـب
ونـــاسٍ تـحــرّض نـــاس تـلـقـى عقـايـبـهـا
عـدوّ القفـا الغامـض ولـو كثّـر الترحـيـب
تـبـيـن البـضـاعـه والـمـحـرّج يــــدوج بــهــا
ولاخير فـي رجـلٍ شهـد لـه شهـادة غيـب
عـلـى الــزور يـشـهـد والحـقـائـق يكـذّبـهـا
يقلّـد نجـومٍ فـي السـمـاء والنـجـوم تغـيـب
ويشعـب ذلــول إبلـيـس وإبلـيـس يشعبـهـا
يـديـر السـوالـف والسـوالـف لـهــا تعـقـيـب
ونـفـسٍ تغـطـرس بالكـبـر ويـــش واجـبـهـا
دواهـــا ثـــلاثٍ واضـحــه مـاتـبـي تـجـريــب
تصـحّـي رجـــالٍ مـرمــس الـحـقـد جـاذبـهـا
زمـان العجـايـب جــرّح النـفـس بالتعـذيـب
وخــــلاَ حــثـــال الــقـــوم تـفــتــل شـواربــهــا

مــركـــب وهــــــم ازرق ومــــــوج مــــــن الـــوريـــد الــــــى الـــوريـــد
رحــــلـــــة لـــكـــشـــف الـــــــــذات مـــابـــيـــن الـــجـــهـــات الاربـــــعـــــة
اول شـــعــــاع الــشــمـــس صــــحــــوة وآخــــــــره جــــثــــة شــهـــيـــد
والــبــحـــر يــبــكـــي شــــايــــل الــجـــثـــة عــــلــــى راس اصــبـــعـــه
عــــلــــى امــــــــل قــــطــــع الــمــســافــة لــــكــــن الـــمـــرســـى بـــعـــيـــد
والــــريـــــح تــــعـــــزف داخـــــــــل اعـــمـــاقــــي أنـــــيـــــن الاشـــــرعـــــه
بــــــدايـــــــة الــــرحـــــلـــــة جــــلـــــيـــــد ويــــمـــــكـــــن آخـــــــرهـــــــا جــــلـــــيـــــد
والــــمــــرحـــــلـــــة بـــــــــيـــــــــن الــــــبــــــدايــــــة والــــنــــهـــــايـــــة مــــعـــــمـــــعـــــة
ايـــــــــــــــدٍ تـــــودعـــــنـــــي هـــــــنــــــــا وهـــــــنــــــــاك تــســتــقــبــلـــنـــي ايــــــــــــــــد
هـــيـــهـــات يـســتــقــبــل غــــريـــــب الـــــــــدار حــــضـــــن مــــودعـــــه
امـتـعـتـي احــــلام وطــمــوح وشــــي ومــــن نـــــزف الـقـصـيــد
لـــهـــنـــاك تـحــمــلــنــي تـــخـــيّـــل شـــــخـــــص تــحــمـــلـــه امـــتـــعــــه
فـــي داخـلــي صـــوتٍ يـقــول ارجــــع وســافــر مــــن جــديــد
يـــمـــكـــن تـــحـــصـــل نـــصـــفـــك الــمــفـــقـــود وتـــســـافــــر مـــــعـــــه
مـايـنــبــنــى حــــاضـــــر مـــجـــيـــد الا عــــلـــــى مــــاضـــــي تـــلـــيـــد
وعــــذوبــــة آخــــــــر جــــــــدول الــــمــــا مـــــــــن عــــذوبـــــة مــنــبــعـــه
وانـــــــــا وحــــيـــــد ومـــيـــزتـــي فــــــــــي هــالــحـــيـــاة انــــــــــي وحـــــيـــــد
احــــــيـــــــان يــتــبـــعـــنـــي ظــــــلالـــــــي وان تــــراجـــــعـــــت اتــــبـــــعـــــه
يجوز ما ادري وش هي اهدافي ولا ادري ويش اريد
بــــــــس اعــــــــرف انـــــــــي مـــنـــفـــرد لايـــمـــكـــن اكـــــــــون إمــــعـــــه
عــــنــــدي يـــقـــيـــن ان الـــحـــيـــاة اضـــــــــداد والــــشـــــي الاكــــيـــــد
ان احـــتـــكـــام الـــضـــيـــق مـــهـــمـــا طـــــــــال مـــفـــتـــاح الـــســـعـــه
وان الـــبـــشـــر بـــــــــذرة قـــــــــدر مـــابـــيـــن مــــــــــزروع وحـــصـــيــــد
وان الــقــدر فــــي ظــــرف لـحـظــة يـحـصــد الــلـــي يــزرعـــة
وان الـــخــــســــارة حـــــمــــــق مـــتــــضــــرر وحـــنــــكــــة مــســتــفـــيـــد
وان الــــفــــتـــــى يــــجــــمـــــع لــــعــــمـــــره وان عـــــــمـــــــره يـــجـــمــــعــــه
وان افــضـــل الــمــعــروف مــايــفــرج بــــــه الـــكـــرب الــشــديــد
والــــخــــيــــر درء الــــــشـــــــر واقــــــصـــــــاء الــــمــــضـــــرة مـــنـــفـــعــــه
عـــقــــديــــن وانـــــــــــا اســـتـــعـــبـــد الاحــــــــــــرار واحــــــــــــرر عــــبــــيــــد
فـــــــــــي مــمـــلـــكـــة فـــــكــــــري وقـــــدراتــــــي جـــــيــــــوش مــــــوزعــــــه
اعــيــش مــــا عــاشــوا مــلــوك الارض فــــي ثــــوب الـزهـيــد
فـــــي زحــمـــة الــشـــارع وكـــنـــي فــــــي ســـكـــون الـصـومــعــه
فــراســـتـــي تــكـــشـــف قــــنــــاع ابــــلــــد ذكـــــــــي واذكـــــــــى بـــلـــيـــد
الـمــشــكــلــة فـــــــــي هـــالـــزمـــن حــــتـــــى لــــلاصـــــوات اقـــنـــعـــه

حبيبتي من غلاها صرت منها استثير
ما فيه شعرٍ تنفسته ولا لمها
قالو تراها بعد كبرت / حواها العبير
وهي من زمان الطفوله /ودي اشمها
ومن كثر ما شفت فيها كل شي ٍ خطير
جاوب شعوري من اللهفه يا بخت امها
اقسم برب ٍ الزمان اللي جعلني كبير
لو يمدي اصغر صغرت سنين واضمها

البارحه يوم مرت من هنا بالطريق
سمعت بقصى ظلوعي دقت اجراسها
هي تخجل الورد ولا تستبيح الرحيق
هذا حديث القوافي لـ اعذب انفاسها
ربي جعلني على شاطي بحرها غريق
لكن وهبني شعور ٍ يرسم احساسها

المجامل بعض الأحيان مايقضي لزوم"
"لابو النفس الضعيفه ولابو جدهاا