|
|
ماشوف في ها الكون مثل الغلا له وتشوف عيني كل مافيه جذاب يثني عليه الناس ياحي فاله به نخوة ماجت بشيخ ولا شاب حلم العذارى كل خير سعاله سبحان رب واسع الفضل وهاب |
تسرقني الأفكار لو للقـدم سقـت حتى صحيت بوسط ذيك المبانـي أحلى سنيني بقتها ليـه مابقـت؟؟ واللي بقا أعوام من شخص فانـي |
ابسألك وش سويت فيني؟ وش سر هالشوق اللي يجيني قلبي كل وقتـــه معك مايبيني أسألك بالله يا القلب الحنون لو تعرف سر "هالشوق" انك تقول وش يكون؟! هو غرام..؟! او هيام..؟! او مرحلة حب بجنــــــــــون؟ |
ياللي حضـورك عـذب وغْيابـك غْيـاب غـيـبَـتْـك حـاسـبـهــا دقيـقـه..دقـيـقـه ياأقرب من عيونـي لرمشـي والأهـداب وأبـعـد مــن الحـلـم لْـعـيـون الحقـيـقـه مديـت لـك حبـل الـرجـا والـرجـا خــاب واشتقـت وصلـك بـس كيـف الطريـقـه |
اذا كنت بحياتك سطر وجودك بحد ذاته كتاب
يهون الجرح لعيونك يا أجمل شي في سنيني تعال ارجوك لاتبخل ترى ليل الشتا غلاب تعال وضمني بشوقك ترى وصلك يواسيني وشف حزني تجاهلته وبدلت الثياب اثياب ذبحني البرد في غيابك متى ودك تدفيني |
يابوصالح ماكل .. مفقود ... مفقود"
ولا كل رجلن ... تفتقده ... الرجالي" بعض العرب لا غاب ماعنه ... منشود" لو هو ... يغيب ... ايام والا .. ليالي" لافاقدن شوفه ولا هوب .... مشهود" ولاقايلن وينه .. سوى .. ام العيالي" وبعض العرب لا غاب ماعنه مسدود" ماكنه ... الا طويق وسط ... الجبالي" اللي لا غاب ... تزود الايام .. وتكود" ولغيبته ... يضيق . صدر .. الشمالي" يابوصالح والضيق من زود في زود ماقلت لك لاتغيب ... ويرتاح بالي؟ وان كان تبغى الصدق من غيرمنقود صدق المشاعر ماهوب هرجن يقالي" تدري متى احس اني احتاجك بزود" لاصرت وسط الناس وكني ... لحالي" |
أمـانـتك .. خـلـها مـابـيـنك وبـيـنـي
خـابـرك يـالـدرب خـوة عـمــر وسـنــافــي مـاودي الـنـاس تـدري وش يـبـكـيـنـي كـرامـة الـنـفـس ورث أبـوي وأســـلافــي |
الآ يالعبرة اللي نوخت في داخلي رجال
يصارع عزة تضحك ولو عينه بكت فرقا نعم نبكي وكم شيخٍٍٍٍٍٍٍٍٍٍٍ شكا من دمعةٍٍ تختال تفاخر ودها تضهر ولا تنزل ولا ترقا تلفت للجروح اللي لها في داخله مدهال وبلش في عبرةٍٍٍٍٍٍٍٍ دور لها وسط العرا متقا نظر حاله ولآ دمعه يسابق رشفة الفنجال وصوت ياالسحاب اللي تشتت بالسماالزرقا تلفت كل من حوله وقالو شيخنا وش قال تذكر لمة المجلس وفز بدمعةٍ غرقا وتمتم شي من صدره تنهد في صدى زلزال هنيك يا سوي الناس لا تدري ولا تشقا هنيك مالك جروح لها في داخلك منزال ونا مدري جروحي يوم تلفيني وش ابتلقا الآجتني لقت فيني معالم من بقايا حال وصورة بنت راسمها تسمى بالهوى طرقا بعدها ضاقت الدنيا ودريت ان الليال طوال توفت ورحلت عنا عسى قبرٍٍ لها يسقا اجي للقبر والعزه تقول ان الرجال جبال واقول الحين وش ذنبي تموت وترتحل واشقا رحلتي يالعذوب اللي حفظتي ذمة الرحال طويتي صفحةٍ بيظا أعز من الذهب وانقا صعدتي للسحاب اللي ينوخ همة الخيٍٍال وهذي سنة الدنيا أحد يرحل و أحد يبقا الآ يالعبرة اللي نوخت في داخلي رجال يصارع عزة تضحك ولو عينه بكت فرقا نعم نبكي وكم شيخٍٍٍٍٍٍٍٍٍٍٍ شكا من دمعةٍٍ تختال تفاخر ودها تضهر ولا تنزل ولا ترقا تلفت للجروح اللي لها في داخله مدهال وبلش في عبرةٍٍٍٍٍٍٍٍ دور لها وسط العرا متقا نظر حاله ولآ دمعه يسابق رشفة الفنجال وصوت ياالسحاب اللي تشتت بالسماالزرقا تلفت كل من حوله وقالو شيخنا وش قال تذكر لمة المجلس وفز بدمعةٍ غرقا وتمتم شي من صدره تنهد في صدى زلزال هنيك يا سوي الناس لا تدري ولا تشقا هنيك مالك جروح لها في داخلك منزال ونا مدري جروحي يوم تلفيني وش ابتلقا الآجتني لقت فيني معالم من بقايا حال وصورة بنت راسمها تسمى بالهوى طرقا بعدها ضاقت الدنيا ودريت ان الليال طوال توفت ورحلت عنا عسى قبرٍٍ لها يسقا اجي للقبر والعزه تقول ان الرجال جبال واقول الحين وش ذنبي تموت وترتحل واشقا رحلتي يالعذوب اللي حفظتي ذمة الرحال طويتي صفحةٍ بيظا أعز من الذهب وانقا صعدتي للسحاب اللي ينوخ همة الخيٍٍال وهذي سنة الدنيا أحد يرحل و أحد يبقا يعزي قصتي حلم ن يجي من يمها مرسال بداية مولده لقيا وافز اصحى على فرقا |
| الساعة الآن +4: 08:16 PM. |
|
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.
