مرحبا في صرح شامخ من المجد التليد **** مايزول إلا تزول البسيطه كلها


متصل ماينفصل من زهير إلى رشيــد **** شجرةٍ شمّا عزيزه يظلل ظلها

ماعليكم زود والله على خلقه شهيد ****قبل لاندخل بدق العلوم وجلها


ساكنين الدار بالعز والرأي السديد **** وأنت قل(لهذيل)تصحى وتاقف قل لها

ماخضعنا غير لله خلاق العبيد **** والعلاقه ساميه والرجال نجلها


أبشر أني للمهمات عز وجنب حيد **** وأنت أشوفك مرتبك والسيوف تسلها

ياعدو الذيب والحق والعلم الأكيد **** لاتكابر لين كل الحمول تشلها


الأمور مدبره والذكي غير البليد **** كل وقفه نحتسيها ونعرف حِلها

كان جبت العيد لاتحسب أن عيدك سعيد = والجبال تعيش وتموت ماتصل لها
راية الهذلان يشهد له العصر المجيد = مير راية عبس كم راية ٍ تركن لها

عالم ٍ ماعندها الا المهايط والوعيد = يامهايط بالخلا سل نفسك سلها
الفهود تعقب فهود حمراهم وقيد = مانت قادر تحتملها ولاكفو لها