|
http://farm5.static.flickr.com/4144/...92f960c3_z.jpg
يـارب تهدينـي بلطفـك للصـراط المستقيـم عفت الطريق الملتـوي وأقـدام رجلـي ملّتـه يا أجود جواد أعوذ بك .. وألوذ بك يا أكرم كريم قلبـي مبلـلّ بالخطـا والنفـس زادت بلّـتـه أنا اشهد أنّ لا إلـه ألاّ أنـت رحمـن ورحيـم وأنّ النبـيّ المصطفـى عبـدك وتابـع ملّتـه وهبتني نظم الشعر وأصبحت في الوديان أهيـم من هاجس ٍ عرّض على صفق الهبـوب وتلّتـه يجّرنـي وأخـاف يرمينـي لسانـي بالجحيـم أرجـوك يـا ربـيّ بغفرانـك تسامـح زلّتـه في كل ليل .. أبليس يجمع لي من الذنب العظيم ويحطّهـا فـي سلّتـي وأردّهـا فـي سلّـتـه وأكثر ما يربكني و يكسر عزمي عيون الحريـم وأنا معي سيف ٍ يذلّ أطلق شنـب مـن سلّتـه أستغفرك وأنا الضعيف اللي من ذنوبـه سقيـم يدوّر التوبه عسـى التوبـه تـداوي علّتـه ! |
ياقلبي لك شهر لا انته بلا ميّت ولا انته حي تلاوعك الضروف وتلحق الونه ورى الونّه ! شغلت الفكر وازعجت المحاني وانت وضعك سي ولا لك فضل في ماصار فيك ولالك المنّه ! ماتشكي من صواديف الغرام ومن دروب الغي عليك الله وامانه والقدر ماعنّك وعنّه ! تعبت ومعك عنيّت المشاعر والتعب منسي وهاجوس القصيد يضيع كله لا اختلف ضنّه ! سلامة قلبك الطاهر وعمرك ياحياة الحي سلامة روح من تحيي الفروض وتحيي السنّه ! عسى عمرك طويل وباقيه دايم ظلال وفي ولاتشكين من لفح السموم ولاهب الكنّه ! وعساك ابخير وايامك فرح والله يديمك لي وانا فدوة ثراً رجليك بالاقدام ياطنّه ! ياكثر اللي يبا يفقدك لانك في سمانا ضي وياقلّ اللي بماسويتي امثالك يسونّه ! غياب الام يطوي حالة ابناها لاغابت طي نساء الارض طول وعرض والله مايسدنه ! ياويلي كان حظي ماكسب لي من رضاها شي وانا دوّر تحت ماطا قدمها بارد الجنّه !! |
قالوا أنّ الحرّ .. يفهـم بالاشـاره مير طير البحر يفهم ويش هوبـه كل ما يحرف على الساحل مساره أنحرف ظله ومالـت بـه جنوبـه ينفرد صدره من أسبـاب الحـراره وينكمش ريشه من أسباب الرطوبه أن حذفته .. خابره ضنوة خسـاره وأن تركته .. ليه ألدّ العين صوبـه أقبـل .. ودبّـر بلفّـه وإستـداره والهوى مع كسرته هبّـت هبوبـه ما يغيّر نظرتي .. وانا اخو سـاره لو يطير بثوب ثانـي غيـر ثوبـه مخ راسي ما تزعزع عن مـداره يوم فكّـر بالصدوقـه والكذوبـه من يساويني بالاسماء المستعـاره علّموه أنّي على الواقـع عقوبـه أبدوي ٍ ما يعرف مـن الحضـاره غير جوالـه وشاشـة لاب توبـه كل ّ مرّ .. يعارضـه زاده مـراره وكل َ عذب .. يباشره زاده عذوبه ! |
رومانسيّة .. وحساسه .. وفيك من الجمال فنـون ملامحـك الفريـده بالـحـلا والمـلـح فنـانـه وطبعك هادي.. ودمك خفيف.. وهرجتك بالهـون لا غردتـي بصوتـك راح قلبـي يعـزف ألحانـه على معزوفة أنفاسك.. تقول أنّ النّسـم مـوزون زفيرك لا أرتفع خانه .. شهيقك يرتخـي خانـه ! عليك رموش صف جيوش .. تحميك وعليك عيون خطيره من نـوى يدخـل بحرهـا يلبـس أكفانـه تسافر بي ليا ناظرتهـا .. خـارج نطـاق الكـون أقول أصحي .. وأنا واعي وهي خـدره ونعسانـه تواصيفك تخلّي كل شاعـر مـا يعـرف شلـون يصب مـن الحـروف الابجديـه حبـر وجدانـه أشوف الناس وأميّز ما بيـن الشيـن والمزيـون ولا شافت عيونـي فـي حياتـي مثلـك إنسانـه رميتيني في دوامـة غـلاك الطايـش المجنـون وأنا عاشق خجول ويستحـي قلبـه مـن لسانـه أحبّك .. والمحبّـه مـا تمـوت وسرّهـا مدفـون عسى ربي يصونك من سهوم ابليـس وأعوانـه |
يـا رب لا تغيـر علينـا وحنـا
من دونك ضعيفين يا رب وصغار أنت المعين اللي بعطفـه ضمنـا منجاتنا من شدة الوقت لا جـار |
عليك الغلا منساب .. يا أمّ الحلا والزين جمال العذارى بإسمك .. حزامه وتاجه .. وزينك طبيعي بالمساحيق وش تبغين ما يحتاج .. للمكياج منتي بمحتاجه .. كريم الأساس وحمرة الفم وكحل العين ترا اللي مصنّعها ما يعنيك بإنتاجه .. خلقك الولي فتنه ومن تحتها خطيّن يا كثر البنات الليّ عطيتيهن الصاجه ! .. تحيّرت في وصفك وفكّرت أجيك منين وخفت الحسود يمرّك ويعقد حجاجه .. نزيهة جناب ولا تسولف بك الواشين ولا أنتي في سوق القيل والقال دوّاجه .. أحبك وقلبي ما عطاك المحبّه لين وقفتي على بابه ورحتي بمزلاجه .. أدسّ المشاعر عنك وانتي بها تدرين ومن دونك الدنيا ما تسوى ولا حاجه |
خلّ السياسه تستعدّ وتستريح وتستدير
يا موجز الأخبار سلّم لي على تفصيلها ، مانيب يمّ اللّي حصل واللّي بعد يمكن يصير جوارحي مشغوله بمنتوقة ٍ تومي لها ، الجادل اللي تلّني لعيونها سلك الحرير قامت محاجرها تحاصرني وتسرج خيلها ، أفرد لها صدري وأقلّـطها على الضلع القصير حطيتها بين الضلوع ولا قدرت أشيلها ، الله خلقها عن بنات الجيل فيها طبع غير والطبع خلاّها بعيني فارقه عن جيلها ، بالشكل والمضمون فازت ربّة الحسن المثير واللي تنافسها على عرش الحلا يا حليلها ! ، أحبّها .. والحبّ مستكبر وأنا قلبي كبير يمنعني أحكي عن غرابيل الهوى وأشكيلها ، أخشى عليها من زمان ٍ فيه شرّ وفيه خير وأخاف منها بين عدلات الليال وميلها ، إليا عرض لي طيفها خبيّت مكنون الضمير وغمضّت عيني ثم نطقت بهمس .. يا حبيّ لها |
تفضّل يا حبيبي وأدخل بقلبي .. وصكّ البـاب بسط لك كلّ دقاته .. وجاتك بآخـر أخبـاره لا تزعل لو تحصّل بين نبضاته بقايا أحبـاب عطاك الضوء الأخضر تبحثه و تفتّش أسراره يحبّك .. والعلاقات القديمه فصّ ملـح وذاب تلاشت .. لا تحاسبني عن الماضي وتذكـاره على رسلك وأنا شاعر مزاجي والهوى غلاب ما يتركني في حالي لين أغنّي له على أوتاره حبيبي لو تكرّم في عيونك سجّـل الإعجـاب أغازل كحلها تاره .. وأقاوم رمشهـا تـاره رمتني في بحرها وأن رسيت بساحل الأهداب غشاني موجهـا والحـب يدفعنـي بتيـاره يقولون العرب ما للمحبّه والغـرام أسبـاب وانا أقـول المحبّـه والغـرام أسبابهـا (!!) ! |
• من حبه الله .. يسر أمره وعافاه وحبب جميع الناس في شوف زوله ومن أبغضه .. ياكبر همه وبلواه يصعب على من يذكر الله قبوله !! |
• اللي توجّـه يـم ربـه وكبّـر وخلى جهات الارض واللي عليها مامن صبر لكن بعزمـه تصبّـر ونطح حياتـه والهـوا مقتفيهـا حلمه حقيقه غامضـه مايعبّـر واحلامه اللي فسـرت مايبيهـا اثر الكسر فوق الكسر مايجبّـر واثر الجروح تضرنـا ونحميهـا يارب وامري لـو بغيتـه تدبّـر اذبح هوا نفسـي وكبـل يديهـا همي طغى بين الضلوع وتكبّـر ان ماذبحته وطّن الحزن فيهـا ! |
ما همني فالرجـل مالـه و جاهـه ما همني غير المراجـل والأخـلاق لا صار شهم و فيه طيـب ونزاهـه أسكّنه ما بيـن رمشـي والأحـداق وإليا إكتشفت بمعدن الرجل عاهـه قمت وتركته لو وقفلي على سـاق مـاأرد نفسـي للـردى والسفاهـه وأموت مـا مديـت كفـي لبـوّاق الـحـر مايحـتـاج إلا للإلٌـهـه اللي علـى يـده مفاتيـح الأرزاق مليت مـن زود التـرف والتفاهـه في مجتمع شرقي ولا حوله إشـراق صارت عقول الناس فيهـا بلاهـه نامت مبادي والجهل صحصح و فاق بين الدنائـه والجشـع والشراهـه جاء للذمم سوق ٍ ضرب كل الأسواق يا كوكب الأرض و دروبـك متاهـه مداك واسع مير في ناظري : ضاق وين الهواء الصافي و وين النفاهه بستأذنك و أرقى على متن الآفـاق محتاج عن ضوضاك فتـرة نقاهـه فيني ملل فيني تعب فينـي إرهـاق |
الكون ، ثقب ابره .. وانا ، همّي جمل يـا الله ، ولاغيـرك يفـرّج كربتـي فيك الأمل ياالله .. ولا غيـرك أمـل يقـدر ، يبشّرنـي بفرقـا غربـتـي |
الإنتصار : إنك ما تستسلم لـ شي , حتى لو إنك .. ميقن ٍ بـ [ الهزيمه ] ! |
يخادعني العدو فلا ابالي
وابكي حين يخدعني الصديق !!! |
مدخل دخيـل خــوتنــا . . وعهد الصداقة مـا قد طلبت ( إلا ) و أنـا حيل محتاج يــا ربـعي أوصـيكم . و هذي بطاقة قولوها بــ / ألساني ، أنا كلي إحـراج سافرت ما بـلغت ... [ أغلا الرفـاقة ] ما ودي ، اسبب لـ / تفكيره إزعـاج و من شان لا يحسب قطعت الــعلاقة ! قولوله إني رحت فـي رحلة إعلاج ... ضيقة الغربة (( لكل داء" دوا )) * .. ما نختلف فيهـا و الغيث ، لو زاد مو من صالح التربه ! والناس تسعى و مـا خابـت مساعيهـا لا صارت قلوبها مع " فـارج الكربـه " و الشوق لبلادي أكبر من ضواحيهـا !! لكن , ( ضروف الحياة تشتت القربـه ) وفي رجعتي .. لـو ب/ تجـرأ اسويهـا العذر لو كان (( مقنع )) ب/ تعـذر بـه ويا صاحبي احترت .. مدري كيف ابديها ! اليوم يومك .. دخيل [ الهمسة الذربـه ] (( أنا تعبت )) .. و جروحي بان خافيهـا تعال عندي .. و عالج ضيقـة الغربـة ! مخرج (( اليوم )) , لو تسمح ضروفك بشوفك مشتاق لك . والشوق ما هو بـيديني ! لايقنعك.. [ شكك / وضرفك / وخوفك ] يـا أما أجيك ألحـين .. و إلا تجيني ؟ |
للحزن سيره وأبشع الحزن سيره وللصمت سور وللسوالف ممّرات من بعضها يمكن نحـدد مسيـره والغالبيه ما تسـاوي هللـلاااات آحلوق تلقاهـا رحـىً مستديـره وأشفاه سوق البهلله والخرافـات لكنْ على الله ياالسنيـن الأخيـره طيش وتزاحم وأنفتاح وحضـارات يبغالهـا تقـوى وصبـرٍ وغيـره ومبدا نظيف وحفظ وجه وقناعات تكفل لك الزبدة بسـوق الكثيـره ولاهو بشرط العنصره والسـلالات حط الصغيره في آرقبـة الكبيـره ( وأقرا عليها الفاتحه والتحيات ) ولا كل حاجـة نعتبرهـا مثيـره ولا والله أثقل من جبال السـروآت الحاجة اللي بيـن شـكٍ وحيـره يلعن أبوها حاجةٍ ما بعـد جـات أسايـر الواقـع بعـزم وبصيـره وآراكي الحكمه من الذات للـذات لو أصبح بديـره وأمسّـى بديـره ما سمت وجهي مع بتوع البشوآت تكرم شنآباتي وأنا آخّـو منيـره عن بايع الذمـه وراع الحركـات |
أستغفر الله كل ما أصبحت وأمسيـت وأستغفر الله مـن جميـع الذنوبـي (أخاف) لامن قيل لي ويـش سويـت في يوم محـدن فيـه عنّـي ينوبـي أمّا على الجنه.. ويرفع لـي الصيـت والاّ بوسـط النـار أقلّـب جنـوبـي ياويل ويلي كان ..( فالثانيـه) جيـت ويا ويل ويل اللي يجي مـع دروبـي ويا سعد حالي كان (فالجنه) ارسيـت وياسعـد منهـم فالطريـق التقوبـي ياهيه .. ياللي كل ما أقبلت وأقفيـت .ف. أعراض خلق الله تكر وتجوبـي الحي ما يسلم ... ولا يسلـم الميـت من عظمة السانـك ومنـه العيوبـي أحذر ترى لا راحـت الـروح ولّيـت ماعـاد تقـدر مـن ذنوبـك تتوبـي ماني عدوّك يوم انا انصحك ما اخطيت لا واللـذي بأمـره تهـبّ الهبوبـي مسلم وأحب الخير وإن قيـل زليـت في حينها أستغفـر واطهّـر جيوبـي عييت أدنّس ثـوب غيـري وعييـت لني مُحال ارضى على خيـط ثوبـي |
حط نقطة في نهايـات الغيـاب وحط نفسك في بدايات الحضـور بيني وبينك متاهـات وضبـاب بس ماتمنع مراسيل الشعـور ! ارتكبت البعد وأخّـرت ارتكـاب ابتعادك عن مضامين السطـور كم بيتاً من ذهب في يديـك ذاب لو يقلـد راح لخيـار النحـور الصبر ماله على المشتاق بـاب ولاعلى قلبه من الاحزان سـور لو يعيش الصبر من طرد السراب مالقيت اجسام داخلهـا قبـور ! |
لاتنتظر من حضوري عن سؤالك جواب مع انك اغلى الامور اللي تمنيتها ماعاد لي حق اوجه لك ملام وعتاب علاقتي فيك تفكيرك هدم بيتها |
على باب الامل واقـف وادور للشعـور دروب ولا حصلّت غير الشعر يجرد عهدة لسانـي ! احس بحال وأشعر بأن قلبـي لاكتبـت يـذوب ولاأدري وين وديته ولا أدري ويـن ودانـي ! ذكرت الذكريات وقلت وقتي لو يجـي مقلـوب بوقف فـي طريـق الذكريـات ولا تعدانـي ! لكن اللي حصل مكتوب ، واللي ماحصل مكتوب وعسى اللي راح يفدا اللي تمنيتـه ويفدانـي ! مثل مالي من الآمال .. لي بين القلوب قلـوب تمنى فرحتي وتـدور اللـي يبعـد احزانـي ! وفيها قلب ينبض لي وحتى نبضتـه بأسلـوب ولو قلت اترك الدنيا قطع نبضه على شانـي ! ابادله الغرام وخاطري فـي غيبتـه مسلـوب وأذا عوّد تقول الحظ باللـي فاتنـي .. جانـي تسميه الليالي واسمه اللي يخصني محجـوب وهو عكس اسمه الاول ويشبه لأسمه الثاني ! |
ما هو بكيفك ...!..
تتعب الليل والحرف .., يكفي وانا في غربتي / منك تعبان ...!. |
يا وسع صدري مير صدري لا ومره الله يضيق حــّزم ضلوعه وأظهر اللي راكنه فـ أركونها واللي ما يظهرها الزفير .. يتلّها تلّ الشهيق لابدّ مع جرّ النسم ما ينكشف مكنونها صابر وأنا بين الرجا والياس والجرح العميق ما تنومن شهب الليال إليا تغيرّ لونها يوم أحتمى الميقاف وجا للغيض فيض ونشف ريق وقامت تجرّ المخطيه بين العباد لحونها ناتج علاقتنا على ماقيل علمن ما يليق بضاعة ٍ بادت قبل لا ينفتش كرتونها غيـّبت من بعض العلوم الحامضه وأزريت أفيق ما يذبح كبود الرجال ألاّ وساع طعونها أختار فـ الثنتين .. وأنته لا عدوّ ولا صديق والأولـّــه يا صعبها .. والثانيه ياهونها وأعرف ترا ما اللهّ محمـّل عبده بما لايطيق والناس حسب حظوظها ووفوقها وظنونها شكرك على جنحانك إليا طرت يالحرّ الطليق لو يمـّك فروخ النعام مبحلقات عيونها أوّل علومي كنت أجرّ الصوت للغصن الوريق وآخر علومي بشروّا ليلى عقل مجنونها ؟ |
أبسألك .. وانـت لا تبخـس حقـوق السـؤال اطلق سـراح الاجابـه .. واختصـر كـل راي لو اني اخطيت في حقـك .. علـى ايّـات حـال مع سبق الاصرار .. هل يغفر شعورك خطـاي؟ او تعتبـر كـل مـا يدعـى يقيـن .. احتمـال او تغضي الطرف عن قدري .. وترخص غـلاي وانت الذي كنت تنظـر لـي .. بعيـن الكمـال فيما يخص المشاعر .. مـن عرفتـك وجـاي تحس بردي سـلام .. وحـر شمسـي ظـلال وتشوف صمتي كلام .. وبوحي انغـام .. نـاي وتعـدّ قرّبـي حيـاه .. ووقفتـي راس مــال وتقول : وصلـك دواي .. وبعـد طاريـك داي يا موثّق الجرح .. ما اعطيت الجـوارح مجـال ذبحتها .. واحسـن الله فالجـوارح .. عـزاي اسألـك بالله جـاوب .. مـا ضربـت المثـال ولا طرحت افتراضـي .. مـن خـلاي بخـلاي ادوّر اقــلّ شــي .. يخـفـف الانـفـعـال وابحث عن اعـزّ فرصـه .. ينتهزهـا عنـاي والموقف اللي مقامه .. همّـش امـر المقـال ماهوب يا عقـاب بَـلا ابـوك .. هـذا بـلاي ما اقسى من الحزن .. لا استوطن صدور الرجال واصبح يسولف مع الانفاس .. رايـح وجـاي! |
وجٌهت وجهي شمال وخاطري بالجنوب
وايقنت ان العقل ما يحكم العااطفه بـجد ودي اتـوب ولكن ازريت اتـوب قارب نـجاتي عجز لا ينطح العااصفه ان قلت يا نفس يكفي كـل هذي ذنـوب تـقول دامـي اشوفه آسـفه آسـفه اصبحـت (روما) توديلك جـميع الدروب والخـيل كلٌه على مدهالكم عـاسفه ناصفتني في حياتي لين صرت محـسوب حتى فؤادي من اجلك يالغلا ناصفه وانت انتهزت المحبه واهتويت الهروب ساعت عرفت ان قدرك لمعته لاصفه لو كان لاوصـاف زينك امتحان ورسـوب (اعـيدها) الف مرُه ماقدرت آصفه من يوم قفيُت حال الشمس ثابت غروب ماهو كسوف الطبيعه وحشتك كاسفه حتى القمر ضاع نوره واكتساه الشحوب ماهو خسوف الطبيعه وحشتك خاسفه وشفيك خالط مفاهيم الهوى فـ الحروب؟! كني هدف وانت تصرخ قاصفه قاصفه لا غـبت ما فيه شـيٍ في غـيابك يـنوب ما عاد لي حل غير العبوه الناسفه!! |
ماخذيت من السفر ياكـود زود الضيقـه ضيقتي دايـم بصـدري رايـحٍ ومعّـود صرت طيـراً ماجـداه الا كثـر تحليقـه مايوقّع غير لا مـن الفضـا بـه سّـود انقل حمول العذاب اللي عجـزت آطيقـه ويل قلبي من حمـولٍ كـل يـوم تـزوّد آتعلـق بالصبـر,, ياشينهـا تعليـقـه والسنين اقفت وقلبـي بالصبـر متجّـود كان حلمي بهجة الدنيا وجـاء تحقيقـه قفرةً فيهـا ضريـرً مـن يديـه يقّـود انغلق دربي وضربـات الزمـان معيقـه وانخرس صوتي بعد ماكان عذب .. مجّود وش جدا من لانعس جاه العـذاب يفيقـه وقال له من بعد ما مّد المواجـع جّـود يادروب الشوق رديني عـن التشويقـه الغلا من عقـب ماهبـت هبوبـه هّـود يوم طالت غيبة الغايـب نثـرت ابريقـه وصرت في عمري لحالي عايشً متعـوّد وصار حيلي فالسفر لو زاد قلبي ضيقـه ولا شكالي خافقي قلت الصبـر يامعّـود |
ما علموك بغيبتك وش جرالي؟ حتى ( الخبل ) لا شافني قال عزاه مافيه شيٍ موحشٍ ما طرالي ولا فيه ضيق إلا تعانقت وياه هذا مداه وضاق صدر الشمالي تقوللي وش جاه ؟ واقول وش جاه؟! عزيز قوم وبهذلَتْه الليالي كبا. به حصانه وخانت به خطاه شف حالتي والصبر ما سرّ حالي بين اصدق الاحساس واللأ مبالاه تعبت اقول ان ( الامل ) راس مالي واشوف ثوب الصبر ينشق وارفاه ( الياس ) حِمله فاق كل احتمالي نوب اتعثر به ونوب اتخطراه يرسم على وجهي ملامح ظلالي واحاول ارسم بسمتي واتحداه ضميان والعد القراح الزلالي كبدي تبي قربه ونفسي تحاشاه طاح الدلو والسانيه والحبالي وانا على جاله ولاذقت من ماه والحاجه اللي في نفوس الرجالي اكثر حراها تخلف الرجل مبداه كلمه تقال وكلمةِ ما تقالي ما كل ما فالصدر للناس تقراه لو شلت ما شالت ظهور الجمالي لاطحت . ماقالوا عسى الله ياقاه يا علّ ما لـمنقّل الهرج وآلي وابليس ياويله من الله ويلاه لكن بعد ما صار ما زلت غالي (مثل السقيم اللي حمل داه برداه) ان جيت يبقى منزلك بالعوالي عرشك على حطت يدك ماحدِ جاه وان رحت .. امي جايبتني لحالي الحب عايش به وعايش بلياه |
الحلم يكبـر براسـي والهقـاوي بعيـد وانا طموحي طموح اللـي بعيـد ٍ مـداه لي حلم ابا حققه مدري متـى الله يريـد يطري على خاطري حتى وانا فالصـلاه ابعد من الجدي واقرب من حبال الوريـد واسهل من النطق واثقل من جبال السراه |
مااعز من روحي الا من سكن روحي الروح ترخص لعين اللي سكن فيهـا اللي بدونه تغيب الروح وتروحـي روحٍ بلا روح لامـن راح محييهـا |
أنت ما نِلحقك شرهه يا أبو خوّت إسبوع وخابرين إن ما ورا عِرف شرواك إثمره الرخامه عدّة أنواع .. مير أخسّ نوع واحدن يخسر خويّه لأجل يكسب مره |
لوتراب الارض يبكي كان يا احمد بكاك
ولو يحس القبر فيها كان تسمع له أنين ليت ربي من سنيني شال باقيها وعطاك وليت عيني ما دهاها منظر القبر الحزين وليت يا احمد ليت يا احمد ماتجرعنا أساك ياجمال الكون كله يا انفس الدر الثمين لو بكينا الدهر كله ماكفانا ولاكفاك يابراءة ذوقوها الغدر في اربع سنين إيه احبك ثم احبك ليتني رايح فداك يامعذب كل قلبٍ داخله رحمه ولين لونساك اللي غدربك كل شعبك مانساك حسبي المولى عليهم وحده ونعم المعين |
كيف بقصد واتغزل في حلا السنيوره
والجمال اليوسفي لا راسها كاسيها الغنج والا الدلع والا شعاع الصوره كنها تقطف من نجوم السما بيديها الصبا والحب يا اهل الحب يلعب دوره بين تيار الغرام وحاجـــــةٍ ناسيها |
احس بـ/ داخلي زحمة حكي واستاذن الاقلام على رجوى الحبر باقي نفس يا نشوة الهامي من احساس العتب ما باقي الا حيلة الابهـام يجسد لك مفاهيم الشقى في خاطر الضامـي صبرت .. وغيبتك طالت .. ومعها طالت الايام وانا لازلت اعشّم خافقي في باقي ايامـي !! |
عليك من الوله ، في خاطري ، شرهة عتاب ولوم بعد ماشفت فيك الصمـت بـ/ احساسـي تبنيتـه عرفتك لـ/ القصيد الهام , في عيون ٍ جفاها النوم وانـا مافيـه موقـف فـ/ الخيـال الا ومريتـه انا مابيـك تتصنـع مشاعـرك وتجـي معـدوم من احساس الرضا . والعشق فيك اللـي تمنيتـه ابي منك الوصل دامك عن اوصالي بديت اتشـوم على وصلـك انـا مافيـه شـيء الا وسويتـه ابي من وافر احساسك دفا صوتك وانا المحـروم من مصافح يمينـك .. يكفـي ان البعـد عانيتـه على بحر الرجا والياس .. شفني ماقدرت اعـوم بقى لك في خفوقـي شـي مـن فرقـاك خليتـه يسليني وانا ياسلـوة الخاطـر .. بعـدك اصـوم ولا لـي فالمحبـه غيـر .. ماجانـي وكفيـتـه بعد مالاحت الفرقا . وانا مـن ظلمهـا مهمـوم من اعماقي بقى مـوال .. فـ/ غيابـك وغنيتـه |
جيت من عشب المواعيد .. يادروب الحصاد
خطوةٍ .. تلغي وجـودي .. عساهـا للفنـا حالف اني .. لا اعكس الريح .. واخذها عناد لين تلقح عاقـر النـود .. برعـود الضنـا |
الصدر ممحل غرام .. ومرتـوي صـدّه والعين غصن السهر فيها ثنـى عـوده لولاي رجل ٍ محـد وايـق علـى سـدّه فضحني الشوق في باسـه ومجهـوده !! أدلّـه البـال بيـن الضيـق والـشـدّه الوقـت دوّار .. والأعمـار مـحـدوده لـو كـل واحـد يجـي ودّه علـى ودّه ماطال صبر العقيم لشـوف مولـوده !! راعي القناعه ليـا مـن الزمـن حـدّه يرضى بحـظ ٍ ذخـر جـوده وماجـوده يابيض الأحـلام لاتمسيـن مسـودّه !! بشايرك فـي نواصـي الخيـر معقـوده حي الله اللي عليـه القلـب مـن مـدّه كنّـه سحـاب ٍ يمـد يديـه للـسـوده أبطـى وحـس الضلـوع يقـول لابـدّه رجله على الدرب !! وعيونه على العوده إيّ بالله أقبل جفـول الريـم مـن قـدّه يشيـل روض الجمـال بكـامـل وروده كنّه بيجـزم ولْـه !! وأنـا علـى حـدّه وأغضيت شوفي يمين شوي .. ياكوده .. .. إليا تمثنـى قفـص صـدري ولا ردّه ما ياخذ القلب في رمحين من سـوده !! اللي قلـوب أكثـر العشّـاق فـي يـدّه تسعـى لغاياتـه .. وتطّمـح لمقصـوده لو كان ماهيـب ورث ابـوه عـن جـدّه لكنّهـا كسـب حجانـه وعنـقـوده !! سلمتـه الـروح وأغليتـه علـى البـدّه يرعا مفالي حشـاي .. ويـارد عـدوده من كثر مـا أتـوق لـه وأغليـه وأودّه تنقص مقامات بعض النـاس مـن زوده عليـه الأشـواق .. محتـرّه ومـبـردّه ويلي على نفحة النسنـاس مـن نـوده ما والله أقسى على العاشق مـن الصـدّه الا أن كبـده بحـد المـوس مـقـدوده لكنّـه العشـق لامـن زاد عـن حــدّه ياكثـر ماياخـذ !! ويـاقـل مــردوده أن حطّك براسه .. ونـواك مـن جـدّه مايحتـرم نفسـه !! ولايمسـك حـدوده فيه التناقض وجمع الضد مـع ضـدّه !! حاجات معدومـه .. وحاجـات موجـوده الله عطا (السوده) اللي ماعطـا (جـدّه) والله عطا (جدّه) اللي ماعطـا (السـوده) * |
بينك .. و بين المطر يا كبـر وجـه .. الشّبـه كنه .. هطولك نهار أمطر وهـلّ .. السحـاب شف .. رشّه يرشّ الارض و يغسل .. الأتربـه وأنت .. إتغسلني من الأحـزان .. و الإكتئـاب أظنّ .. مانيب مخطـي يـوم أشبّهـك .. بـه حتّى .. البرد فيه من لون الثمـان .. العِـذاب وأكبـر .. دليـل إن خـدّك دائمـاً .. يصحبـه لا لاح .. برقه و همّال السّحـاب .. إستجـاب هذا .. أنت وأقرب مثـال ٍ حـيّ .. تستوجبـه ما قلته .. أستعرض أمامك بفـنّ .. الخطـاب أمطرتني .. حب و أسقيت أرضـي .. المجدبـه حتى .. امتلا خافقي و اخضرّ منـك .. الجنـاب ناهيك .. عن صوتك اللي كـلّ .. مـا تسكبـه يصبّ .. في اذني و ياخذني معـه .. بإنسيـاب ما قد .. سمع منك في شيّ إسمـه .. الذبذبـه ألاّ .. ليا ذبت مـن نـار المشاعـر .. و ذاب يا كم .. نهمني و أنا غافـل و قـال .. انتبـه الحب .. في ظاهره رحمه و بطنـه .. عـذاب ماهوب .. عن علم بل من واقـع .. التجربـه اللّي .. مضت لي معك و أصدرت فيها .. كتاب و اقول .. ما شفت أجل وش صابني .. بسببـه ما أومى .. على جارحه ما بان فيها .. الصواب مير .. أشرب الصبر فوق الجرح .. و استعذبه لعيونك .. السود لو الصبـر مـرّ .. الشـراب لإنّـك .. اللـي عيونـه تصقـل .. الموهبـه ولا تجد .. فـي صفاتـه كلّهـا .. مـا يعـاب خذ .. كلّ ما أملك من كنوز المشاعر .. هبـه بلا .. مقابل ولا أرجي مـن وراهـا .. ثـواب إطلب .. و يفـدا عيونـك كـلّ .. مـا تطلبـه لا يمنعك .. شيّ و عيونـك طلبهـا .. مجـاب |
الشاعر احيان .. شعـره يخالـف شعـوره ويجوز يكتـب .. بمـا يخالـف قناعاتـه !! احيـان .. يكتـب بمايرضـي بـه غـروره حتـى ولـو مابقلبـه .. عكـس ابياتـه !! واحيـان .. يكتـب بمايرضـاه جمـهـوره ولـو عـلـى حـسـاب آراءه ونظـراتـه واحيان .. يكتـب عشـان يمشّـي امـوره يشّـد ويقطـع .. لاأشـيـاءه وحاجـاتـه واحيان .. يكتب عشـان عيـون غنـدوره يكـذب عليهـا .. لجـل يشـبـع ملـذاتـه لـذا ؟! برأيـي أرى .. ولكـل منـظـوره ان ماسبق فـي اعتقـاد القلـب .. معناتـه الشعر موطن .. وصـدق القلـب دستـوره والفكـر حاكـم .. وصـدق البـوح راياتـه بمعنـى ان .. الشعـر مـا يعتبـر صـوره للشاعـر .. ولايعـبـر عــن معانـاتـه الا اذا شـاف مايخرجـه عـن طــوره ؟! يمكـن يـحـارب ملـذاتـه ورغبـاتـه !! وانـا اذا إن المهبـل .. تعلـن الثـوره ؟! ولاشفـت كـلٍ علـي يفـرد عضـلاتـه ؟! اطـب امـواج شعـري .. وادخـل بحـوره وارصّ محارتـه مــن جـنـب دانـاتـه وامشي .. واخلـي القوافـل تكمـل الـدوره ولاهمّهـا الكلـب .. لوكثـرن نبحـاتـه ! لانـي لـو ألـد يمـه .. وادهـن سيـوره نزلـت نفسـي .. عشـان اسـوي سواتـه بعض الاوادم .. علـى بعضـه كـذا عـوره اذا حياتـه خطـأ ! وشـلـون كلمـاتـه ؟! الشخص .. ( بستان زهر ) .. اخلاقه زهوره واخـلاق الانسـان .. تُنبـي عـن ثقافاتـه والعقـل .. لـو ماوضـح فـالادمـي دوره ولا انعكـس فــي فعايـلـه و حركـاتـه تلعب بـه النـاس والدنيـا .. لعـب كـورة ويصيـر مـن قــوم ( لاوده ولاهـاتـه ) عمومـاً .. النفـس منهـيـة ومـامـوره وكـلٍ علـى حسـب رايــه واتجاهـاتـه والنفـس .. بمعانـد الحسنـات مفـطـوره والرابـح ؟! اللـي ملـت دفتـرْه حسناتـه وانا اذ قلت : بـأن الحـال ( مستـورة ) !! اقـل حاجـة ..! عذولـي اكسـب سكاتـه ياهي علـومٍ بوسـط الجـوف .. مقبـورة مـن حزنـي الــي مدخلـنـي متاهـاتـه الحزن دولـه .. بهـا روحـي امبراطـورة والدمـع خـادم .. وصولاتـه وجـولاتـه ! إعـلان لبدايتـه .. وإيــذان بحـضـوره برعـايـة الله .. تـبـدأ اول محـطـاتـه عليك ياام الحـلا .. اللـي صـار اسطـورة ياآيـة الحـسـن .. يااجـمـل حكايـاتـه لي عام .. قلبـي عجـزت اجبـر كسـوره محـروم مـن ابسـط حقـوقـه وغايـاتـه من يوم صارت حبـال الوصـل مبتـورة ؟! وانا الـى الآن !! .. حتـى الليـل مااباتـه ميّت ولـه .. والنفْـس ماهيـب مسـروره والقلـب .. مافـادتـه كـثـرت محاتـاتـه يابري حالـي .. علـى جرحـي ودكتـوره وانـا ادري الحـال .. ماتنفـعـه بريـاتـه علـى غـرامٍ .. تعبـت أشيّـد قـصـوره واحـد وعشريـن عـام .. ابنـي بناياتـه ثـم هـدّه اللـي ماخـاف الله مـن جـوره في ظرف ليلـه .. حـرم قلبـي طموحاتـه خـلانـي بـديـرةٍ بالـحـزن مـعـمـوره احاتـي البعـد .. واشكـي نـار لوعـاتـه لكن عمومـاً .. ظـروف الوقـت مشكـوره خلـت قصيـدي يطـرز داخــل ابيـاتـه بيـت ٍ أبتركْـه .. للتـاريـخ وعـصـوره وأسجـلـه بالـذهـب فــأول ملـفـاتـه الشخص .. ( بستان زهر ) .. اخلاقه زهوره واخـلاق الانسـان .. تُنبـي عـن ثقافاتـه |
حسبي على الشعر نوب و نوب حسبي له نـوبٍ يخفـف علـي ونـوب يجرحنـي لـولاي احبـه وفـي صـدري مداهيلـه ماسقـت همـي عليـه ابيـه يشرحنـي عسانـي اخطـي رداه وهزلـه وميلـه واصيـب شـيءٍ اذا قلـتـه يربحـنـي والله يسامـح خطـاه وسـوء تأويـلـه وانـا علـى زلتـي ربـي يسامحـنـي النـاس كـل ٍ علـى همـه يغنـي لـه وغنيت لأصغر همومي وانكسـر لحنـي ياصاحبـي صاحبـك كثـرت غرابيـلـه ولا بـه الا انـت يشعربـي ويلمحـنـي وين انت ياأعذب مـن الغيـم وهماليلـه ياللي ليـا مـر لـك طـاري يفرحنـي جاد بَك كف الزمـان وشـح مـن ليلـه شف كيـف الايـام ماتبغـى تريحنـي !! وشلون ابنسـاه وانـا اصغـر تفاصيلـه تسر حالي ولـو حـال الزمـن محنـي صوته ...وضحكه...حور عينه ...مظاليله صباح وجهه عسـى وجهـه يصبحنـي ربكة يدينه ...شـذى عطـره ومنديلـه برأتـه ...طيشـه ان حـاول يمازحنـي اجيه ....واوقف ...واروح القاني اجي له واضيق وأرضى ولا ادري من مصالحنـي ادل كـل الـدروب اللـي تـودي لــه وتردنـي عزتـي والشـوق ذابحنـي !!! ياكثر حزنـي عليـه وكبـر حبـي لـه وياطول صبري وانا اللي صدق جارحنـي يااطهر من الغيم .. وأعذب من هماليلـه ياللي ليـا مـر ّ لـك طـاري يفرحنـي ِأخطيت انا وانت نفس (الجـرح والليلـه) وسامحـك قلبـي وعيـا لا يسامحنـي! |
ما غيّب الموت حـي ولا حيـوا ميتيـن لو انهم في الحياه أحيـا جسدهـم كفـن كم مندفن في الثرى ذكره وصيتـه يبيـن وكم حي فوق الثرى ذكره وصيتـه دفـن ذكر الحيا مـا يغيـب وطـاري الطيبيـن والحي يحييـك والميـت يزيـدك غبـن والموت ما غيّب الشامخ كريـم الجبيـن لو غاب عنا جسـد معنـا تبقّـى وطـن عليه منـا السـلام ودعـوة المسلميـن وجزاه ربـي عـن الدنيـا بجنـة عـدن ومْرافـق الأنبيـا ومْجـاور الصالحيـن في يوم يكرم به المؤمـن وغيـره يهـن وحنا لنا الصبر في ( ابوي ) وربي يعيـن لو ان فرقاه فـوق الصبـر مهمـا يكـن والدمع لو جف ما جف الغـلا والحنيـن لو هي تطول المسافه ويتمـادى الزمـن والوقت ما هو بشرط انه علاج الحزيـن واكبر دليل الشجن لا زال هـو الشجـن والحزن ما هو بثوب اسـود ولا دمعتيـن الحزن لا من بكى قلبـك هـذاك الحـزن واللّي زرع في القلوب من الوفا ياسميـن جنى من الياسميـن قلـوب فيهـا سكـن واللّي بنى في الصدور من المشاعر عرين يسكن بها نون وتْغطيـه رمـش وجفـن والله لْيبقى على طول المـدى والسنيـن في العين والقلب واذكـاره تْـراود ذهـن |
يالله يـاربٍ بمـا .. فالـكـون عــلاّم وخبـيـر ياسامعٍ حتى دبيـب .. النمـل فـي جـوف الدجـى أنـت الغنـيّ .. وكـل مخلـوقٍ لمرضاتـك فقيـر وأنت الملاذ لمـن لجـا .. بحمـاك وأنـت الملتجـا أطلبك واسع رحمتـك .. وأطمـع بعفـوك يابصيـر وأخشى عذابك .. والعبـاده كلهـا .. خـوف ورجـا وأسالـك التثبيـت لا .. قابلـت منكـر مـع نكيـر في ساعةٍ فيها الفصيـح .. يلخبـط حـروف الهجـا والفـوز بالجنـه تـراه .. الفـوز الأول والأخـيـر والنار شرٍ مستطيـر .. ومـن نجـا منهـا .. نجـا وأنا ذنوبـي ماتعـدّد .. مـن صغيـر ومـن كبيـر أشيل في وضح النهـار .. ولا ضـوا الليـل وسجـا يارب كنْ لْي لا بغيـت .. أنهـض وأفكّـر فالمسيـر المتن الأيمن شايلٍ .. سلمى .. والأيسر شـال أجـا يـارب ماغيـرك علـى .. تنزيلهـا عنـي قـديـر جيت الْك لاجي وأنت ما .. خيّبـت مـن يمـك لجـا جيت الْك خايف .. منصدم .. مذهول .. وجناحي كسير عفـت الحيـاه ولـذة .. الدنيـا وحــبٍّ يرتـجـا ماعاد أفكّر فالهنـوف .. أم الذهـب .. وأم الحريـر لو قرنها يشرب به .. الظميان مـن قاعـة سجـا ! انصب تفكيري على .. يـوم القيامـه وش يصيـر؟ يـوم إن لا ظـلٍ سـوى ظلّـك يظـل .. ولا حَجَـا والناس قسمٍ فالنعيم .. وقسم فـي جـوف السعيـر بين الفريقيـن القضـاء .. عـادل ولا فيـه احججـا يالله عسانـي مـع فريـقٍ مايـطـب الزمهـريـر هـذا رجـاي .. وفيـك يارحمـن ماخـاب الرجـا وتمّـت بيـوتٍ قلتهـا .. والسبّـه الـرد المثـيـر قصيـدةٍ لاهيـب مـدح .. ولا غـرام .. ولا هجـا |
| الساعة الآن +4: 12:36 PM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.
