لا قلت كلمة أحبك وأنت تسمعني=أذوق لذة حلاوتها على لسانـي
من كثر ما احس فيها قد ما تعني=أغمض ان قلتها وتهز وجدانـي

كل القصايد همها داخلي ارضاك=حبك مدادي لا بغيت الكتابه
اجيك كلّي يوم كلّي فداياك =كلـّش يهون الا الحبيب وغيابه

تعال نفتح للقمر يالغلا باب=وخل الحياه بطلته مستنيره

ياصمت وان كثر عليك الحكي عي=الهرج مايعرف نوايا سكوتي
وياصاحبي لو خافقي ينكوي كي=ماجيتك اشكي لك وازعزع ثبوتي
ان كان ماحسيت فيني وانا حي=وش فايده تحس بي عقب موتي