تلفي الطيور اسراب وتهاجر اسراب=وانا بقيت اطرد لوصلك سـرابــه
ودام الأمل مـيّـت و فيـك الرجا خاب=ارحـل وقلبي لا ترجـا إيابــه

إذا شفتني مغليك إيَّاك و الصدّ=ترى التغلي درب تشتيت الأحباب
و لا تسمع اللّي يقول اثقـل تشدّد=ترى أغلب الضّيعات من شور الأصحاب

الله خلق لي نفس تسمو على البوح
ما هيب لاضاقت من الهم باحت

على كثرما شفت ضيقات وجروح
لاالوجه متغير ولا العين صاحت

أبشرك بشارة الروح للروح
تبغي تطيحني الليالي وطاحت

هذا أنا والوجه باسم ومشروح
وجها ً بروقه لأكثر الناس لاحت

كلمة أحبك غاليه بين الأحباب=لاقالها خلي أحس بغلاها
أعطش لها دايم وأدور لها أسباب=أبيه ينطقها يردد صداها
كن العسل من شفته فوقها ذاب=زود على كلمة أحبك حلاها
ياليتني وياه في صفحة كتاب=قصة غرام وكل عاشق قراها