للشعر سبه .. لاحضر بين الأصحاب =والبحر .. يدبجه السمك والسفينه /
والذكرِ خيمه .. والمواصيل الأطناب =والجال .. مدهال القلوب الحزينه/

لاتنشديني .. يالغصـون المخاضيـر =عن عاصفن .. حث الهواء واعترضلي
أكبر طموحـي .. بعثرتـه المقاديـر =وأدنى طموحي .. كبنـي واعتذرلـي
وأول طموحي .. جلعدته الغناديـر =وأخر طموحي .. شبني واحتطبلـي
ماعادبه .. عندي طمـوح وتفاكيـر =والله على .. قاع البسيطه بسط لـي

الجربعه .. وامطارد البنت ياهـن = في سلمنا .. عيبٍ وذل وسفاهه
والهافيه .. ومخالف القلب والظن =ماناوشت .. قلبٍ طمح للوجاهه

والله أنَ .. من مدابير الليالي ماعرفنا = كود .. نكبات الرفاقه والصواديف الرديه
ماسلمنا .. من مقاريد الرجالي ماسلمنا = وابتلشنا .. في مخاريم الفياض الجرهديه

ياقلب .. ياللي داسك الهم والغم = ياقلب .. لاتشكي زمانٍ مضالك
كفكف دموعك .. وأرفع الراس وأعلم = ماكل وجهٍ .. لاضحكلك صفالك

الحزن بيتي .. والهواجيس مركاي = والجال .. مدهال الدموع الذرايف
والضيق ضيقي .. والتصبر عصاياي = في وجه .. صوعات السنين العجايف

عز الله أنه .. لا لفاني يجدد = كل .. الهموم الماضيه والعتيده
واليا عذلته .. عن عيوني تصدد = واقفى يدحج .. بالهروج الزهيده
مايدري أن .. الشرع حل التعدد = وان الغلا .. يصبح نصيب الجديده