|
صواديف الزمان اللي تنوش القلـب نـوب و نـوب أعاني من قساها .. لكن إنـي فـي القسـا راسـي اخاف أفرّح الشامت علي .. لو أكشـف المحجـوب و يضحك بي ضعيفٍ .. للهروج المحـق عساسـي سلام الله على العارض طويق .. الثابت .. المنصوب يذكّرني .. بشدة باسـي .. اللـي ساسهـا ساسـي |
اثر الرياجيل تفرق بالمـدى والعـزوم!! والطيب كايد ..وحزات المواقف .. (محكّ) احد ٍ على اطرف سبب.. ماعاد يقدر يقوم واحدٍ لو تسكّر.. الدنيـا بوجهـه ضحـك |
انا لي ثلاث ايام متعومـس ومنصـاب
وعليّ الهواجس قـام يكثـر توافدهـا هجوسٍ تفك الباب واخرى تصك البـاب غدى الصدر منزلْها والاوجاع موردها تحيّرت في وضعي وانا من ذوي الالباب عجزت اكشف العلّه بجهدي واحددهـا وانا ماني اللي فالمواقف كسير انيـاب ليا اونست قمّة حرّها قلـت ماابردهـا علي الصبر ياقلب وابذل لك الاسبـاب على الله طبّك ولا انا رحت فـي يدهـا شبيه السحاب الغرّ ياشعري المنسـاب عزايه بيـوتٍ كـل ماضقـت ارددهـا |
الشعر يُكتب من مفاهيم وفنون
واحساسي الشعري عطا الشعر وخذا ياكثر شعّار البلد لو يكتبون وياقلهم من يكتب احساسه .. لذا إن قالوا : الشعّار صعبه يفعلون انا بدعت احساس ماقلته كذا واليا بدعت ابدع على كل اللحون لنّه يمثل في شرايني غذا |
الكون ، ثقب ابره .. وانا ، همّي جمل يـا الله ، ولاغيـرك يفـرّج كربتـي فيك الأمل ياالله .. ولا غيـرك أمـل يقـدر ، يبشّرنـي بفرقـا غربـتـي |
ياالله احفظ ماتشيل ارضي ، وبارك في سماي من براكينٍ .. حممهـا عنـد بـاب الفوّهـه عالمٍ تستضحك بوجهي ، وتطعن فـي قفـاي والوجيه اصفى من الما .. والقلوب مشوّهـه ليت مااقرا فالوجيه .. الا ملامحهـا وجـاي المصيبه ، لااصبحت بعض الصدور .. مفوّهه |
الطيب طيب السريره وانتبه يانبيه
لاتنخدع واتحداك اضنون نفسك حدي ماكل من قال له علم ٍ يبا يحتميه ولاكل من حج يذبح فالمشاعر فدي لكن عندي كلام ٍ وفيه راي ٍ وجيه اوصاني ابوي به وأوصي عليه اولدي لاتستمع في هل النمّه وحكي السفيه من جاك يمشي بنمه راح عنك ايعدي ياشين بعض العلوم وقبح بعض الوجيه اللي تحدّك تردّا لو منت ابردي |
عن راوية حفص لا رتّل سعود الشريم كل ضيقه راودت خاطري يـا ويلهـا قام يجلدها بصوته من الذكر الحكيـم أسمع الآيات وأخشـع مـع ترتيلهـا الهوى الغلاب والنفس وأبليس الرجيم تدفع بنادم لحـطّ الهمـوم وشيلهـا |
يالله ياعضم من سئل والطف من الاب الرحوم ياعالمن ماتبدي الانفس وما تخف الصـدور يارب انا ماني عن الزلات والذنب إمعصـوم عدو نفسي والهوى له دور والشيطـان دور |
الضيق والوسـواس والهـم واليـاس
تزاحمـن ياخـوي وسـط الشراييـن مرات اشوف الناس حولـي وجـلاس ومرات احس إني وحيدن مـن سنيـن من ضيقتي قمة اضرب اخماس بسداس ونفسي تصبرني بـلا بـاس ياحسيـن يالله يامجلـي عمـس كـل وسـواس ياخالقن عبدك مـن خلاصـة الطيـن يالفـرد يالقيـوم ياخـالـق الـنـاس يالـي لإمـرك كـل خلقـك ملبـيـن ويالي بأمرك ينجلـي هـم الاتعـاس ويالي لعفوك جيت خاضـع ومسكيـن زابنك ياربـي وحالـي بـه اعمـاس ولا خاب من يشكي لك الهـم والبيـن اعوذ بـك يـارب مـن كـل خنـاس واعوذ بك ايضا من الضعـف والديـن |
آه من صرخة ضلوعي فجرت صمت الليالـي
وآه ياحـزنٍ سكنـي فالحنايـا حـل بيتـه أبتدت رحلة حياتي بيـن مـر وبيـن حالـي والحقيقه مرها أكثر مـن حلاهـا ماهقيتـه وأصعب جروح الليالي طعنتك من يد غالـي والمصيبه كيف يطعـن والحنايـا محتويتـه ماأبشع جروحك وطعنك والزمن فوق أحتمالي لارحمت القلب منك وكلبوا جروحـك مميتـه |
الى متى واحساسنـا ينقلـه صـوت واشواقنا متـن ألامـل ...ماحملهـا اهون على الارواح ...لو ذاقت الموت من عيشهـا تحـرس مقابر..أملهـا |
وأنا أحمد الله ثابتا كنّي طويـق
ماهزّنـي جـور الـزمـان وعـذابـه |
إليـآ جفـآك .. امـن آلسنيـن إختـيـآرك
و ضآعت ../ بك حلول آلتفآكيـر و أحتـرت وأصبحت .. تصفـق فـي يمينـك يسـآرك و غمضت ..! عينك عن مدى آليآس و إنهرت أذكر .. خفـوقٍ مـآ غـرب عـن نهـآرك جَبـرك .. ليـآ منـك بكيـت و تكـسـرت |
تمشي الساعه وتسبقها شروط الساعـه
واالفتـن ماعـاد خلـت لليالـي معنـا كل ما ساق القلـوب ايمانهـا للطاعـه ساقت الغفلـة علينـا شرهـا وارتعنـا انتمـادى فالخطـاء ونفوسنـا طماعـه ونتوجـه بالدعـاء وذنوبنـا توجعـنـا يالله انّا في ذراك من الضنـك والراعـه بيـن صكـات القـدر يالله لا تفجعـنـا انت ملجاء من يدك الخوف حدب اضلاعه انت يامن رحمته من رحمتـه تاسعنـا من يحط ابليس لذنوب البشـر شمّاعـه لا يقول انه عـن التوبـه قـدر يمنعنـا |
العمر شجره تصافقها هبوب الرياح وفي كل يوم ٍ يمر ايطيح منها اورقه |
حطّوك في مجلس النمّه عضـو منتـدب تآكل لحوم العبـاد وتنهـش أعراضهـا حزمت بطنك مع الشلّه وظهـرك حـدب وأمسيت في كل ليلـه تنقـل أغراضهـا اللي قليل الحيـا .. واللـي قليـل الأدب مرضى .. عسى الله يعافيها من أمراضها |
في ( منتصف عام ) ولاّ كل ( مازّل عام ) وقت اختبارك .. علّي اسبوع كنه شهـر احسد دروسك على ( هالحب والاهتمام ) اللي خذت جـل وقتـك واشبعتنـي قهـر ماابيك تهمـل ولاكـنَّ المقاطـع حـرام كانك نديم الدروس ارحـم نديـم السهـر |
آه ياعزّي عن اللـي عـزّة النفـس اتحـداه وآه يا ذلّي من اظـروف ٍ تـذل إلهـا عزيـز آه.. آه.. وثــم آه.. وثــم آه.. وثــم آه من تحسّاف الحكيم .. ومن تعفّـاف العويـز مـا تجرّعـت الونيـن لعيـن شـد الأنتبـاه غير من هم ٍ ربط قلبـي تقـول أنـه قفيـز ما فضح سـود العيـون الاّ سـوادك يالقـذاه ولا أعترف حمل الجمال بطول عيز وقصر عيز روسنا ما هيب مدسوسه تحـت كـم العبـاه بيّنـه ومعصّبـه بشمـاغ صنـع الإنقلـيـز |
حسبي على كل جرح ٍ من طعون الزمان ,
كنت آحسب انه من يدين الليالي برى .. , مريت ذاك المكان / ولا لقيت المكان .. , نسيت نفسي وانا اذكر كل طاري ٍ طرى , العام كنا هنيّا .. يالله المستعان .. , في ساعة ٍ مالنا غير النسايم ذرى .. , واليوم ماني بـ شايف غير ماضي / وكان , ما كننا قد تجمعنّا .. على هالثرى .. , لـ الواقع المرّ كل الشكر والامتنان .. , آلله .. ياليت السنين يرجّعنا / وراء ! |
لو كل غلطـة تجينـا مـا نمشيهـا يشيب وجه الزمان معقّـد حجاجـه نداري النـاس ونحـاول نراضيهـا وغير المشاريه ما أخذنـا ولاحاجـة |
* كـل غالـى ..فالحيـاه يودعـك لارحـل يبقالـه .. بقلبـك اثـر ياطيوفه فـي غيابـه .. تتبعـك ياخياله ... في مخيلتـك .. يمـر الاكيد انـه .. يبـي يبقـا معـك وله مقامه ... لو يغيب ولو حضر |
تاهت خطاوينا .. ولاعاد ندري
الحق وين .. ووجهة اقدامنا وين ! احد ٍ مغرد خارج السرب بدري واحد ٍ يفكر .. كيف غرد الى الحين ؟ |
يافضي ان كان مايرضيك يرضينا رجاحة العقل في الرجال من ثقله لونسمع الناس ما رحنا ولاجينا الناس تنقل كلام وتفخر بـ نقله واللي تشوفه ليا اقفينا .. حكى فينا لايخدعك فيه لا قلبه ولا عقله موج البحر لو درى عن قيمة المينا وقف له إجلال يافضي وصفق له |
يــابــوي لــــو مـــــرّن جــديـــدات الأيـــــام مـاعــاش مــــن يـسـلــى بــدونــك ويـنـســاك عقـب الـدلال أصبـحـت مــن عــدّ الايـتـام ياكـثـر دمــع العـيـن مــن عـقــب فـرقــاك حـــول ثلاث اشـهــور وأنـــا والاحـــلام أقــابـــلـــك فــيـــهـــا واقــــبّــــل مـــحـــيـــاك أحــلام تـنـعـش خـاطــري كـــل مـاانــام وان قمت! ما ألقااا غير حزنك وذكراك |
الحمـد لله ، مانسمـع كـلام الـصـدور والفضـل لله ، مانـدري عـن اسرارهـا ولاّ .. مدى كلّ واحد حول نفسـه يـدور فـي غرفـةٍ ضيّقـه .. ويكلّـم جدارهـا من رحمة الله بنا .. من دونها ، حط سور وحنّا من الجهل فينا .. نسبـر اغوارهـا واللي يقرّب يـده للنـار ، ويريـد نـور تفقد يده نورها .. واتطيـح فـي نارهـا يكفي من الآدمي .. لـو ابتسامـة عبـور مـع كلمـةٍ طيّبـه .. ماتذبـل ازهارهـا ولو كانت ، الابتسامه كذب .. والطيب زور حسن النوايـا .. تنظفهـا مـن غبارهـا وابليس ماالله خلقه .. الاّ لهـدم القصـور اللـي .. يشيّـد عبـادالله فـي حجارهـا وعلى جميع المسارح .. في جميع الامـور تلقاه واعـوذ بالله منـه .. فـي اطارهـا حتى كلامي هذه ، يمكـن يثيـر الشعـور وبعض الاوادم تشوف يمينـي .. يسارهـا |
ازريت اغني وانا طرقي وعابر سبيل
في خاطري حاجةٍ وازريت لا اقولهـا ماغير اهوجس وادير الفكر في كل ليل اخاف من كلمةٍ ماهي علـى اصولهـا الصدر يزداد ضيق وحمل قلبي ثقيـل والله حسيب الليال العـوج واحمولهـا مازال عندي على اللوعات قدره وحيل لو زاد نزف الجروح اللي مضى حولها مابين بذر الجميل وبين حصد الجميـل غطت علي الوجيه البيـض بفعولهـا |
مجانيـن البيـاض قلوبنـا تضحـك ولا ترتـاب ولو شمس الهجيـر تذيـب أملنـا فـي مرابعنـا نفيض إخلاص نعطي من محبتنـا بـدون حسـاب نحسب الناس كل النـاس نسخـه مـن طبايعنـا [نعيش أغراب] بين الناس وإن متنا [نموت أغراب] وتنسانـا العيـون اللـي لجـل سلوانهـا ضعنـا |
الله يبلغنا بعد طول الصبر يوم احتفـال في ساعة ٍ كلّن يهنّي صاحبه في كلمتين .http://www.mergab.com/up/uploads/mergab12981559174.jpg |
أخذت من الأيام لي درس وعبر فرقت بين المخطيـه والصايبـه منها علمت العزيمـة والصبـر تهزم جيوش الياس لو هي شايبه العظم لو يكسر يداويـه الجبـر لا شك لو يبتر فلاهـي طايبـه ما لد عيني في رفيقٍ مـا شبـر فعله ولا وقـف نهـار النايبـه أخاوي السرحان فالليـل الغبـر لو كان بعض الناس منه هايبـه وأرقى على رأس الطويلة لا ثبر غيري وأعاف الناقصه والعايبـه أمدربٍ في بيت شيخٍ مـا خبـر قلبي عن أهل الطيب نفسه غايبه خذيت منه العلم فالصغـر وكبـر معاي لين الشيب جـت كتايبـه شبحي بعيد وناظري لد وسبـر والنفس عن زلات وقتي تايبـه أمنت فاللي باعثٍ مـن فالقبـر ناسٍ تفوز وناس ترجع خايبـه في ساعةٍ ما عاد ينفعنـا كِبـر الملـك زايـل والنوايـا سايبـه وأخر كلام العاقـل اللـي يعتبـر من دورة الايـام كبـده ذايبـه أقدر أهل الطيب واكـب الغبـر وأدوس رأس إبليس ولا نايبـه |
http://www.mergab.com/up/uploads/13074734621.jpg نسيم الصباح الباكر الهـادي المرمـوق " " نسيم ٍ جمـع روح القصيـده حلاوتهـا لعين الهنوف الجادل الذربـه الغرنـوق " " خذت من جمال أحلى العذارى .. طهارتها أغني لها من كل عذب القصايـد فـوق " " مـدام القصايـد مابعـد يـوم خانتهـا أنا كيف وألا شلون أغني على الطاروق " " وأنا كل همـي بـس لحظـة سعادتهـا يالبيه وش هالهرج والزين والمنطـوق " " وهي واحد وعشريـن للحيـن ماجتهـا |
http://mozymac.com/uploads/632463d7fc4ea91.jpg
ياسرع ركض السنين ان ما تماكنتها ضيعت وقتي ووقتك ياصديق الهجر انشد طعونك .. وكم مرة تحضّنتها ؟ لين ان عيني تقول لحاير الدمع اجر وشفيك يوم اكثر اشواقي تهاونتهـا نعارة اعراب ؟ والا فوضوية غجر ؟ الا على طاري الاشواق ..!عيّنتها ؟ علميبها يوم طارت مع طيور الفجر ان كان ماعشّشت في قلبك وصنتها طالبك مطلوب فك اقفاصها والك اجر بير المشاعر نشف قاعه وماه انتهى ماكان ذنب السواقي يايباس الشجـر كنّي تعافيت يا اكثر حاجـة ادمنتهـا لو ثار بركان احاسيسي كذا وانفجر اضغط على النفس واصبر لين ليّنتها وقناعة النفس نعمة من ملكها تجـر حاجة ثقيلة علـى قلبـي وبيّنتهـا والقلب دم ولحم والله لو انه حجـر وان قلت كل القصايد فيـك يابنتهـا كلام شاعر لو انه ما عدل ما فجـر |
كم عين فيها كلامٍ مـات قبـل الفطـام وكم كلمةٍ ضاق خاطرها من (اقواسها ) وكم ليلٍ ابيض من وجيهٍ كشفها الظلام تصلخ وتطبخ وتشرب من مرق فاسها ؟ لولا وجود اللئام اصلاً مايوجـد كـرام للصعلكه ناس والعفه لهـا ناسهـا !! |
يا صديقي .. ضاعت حقوق الصداقه لا تزعّلنـي ولا تـزعـل علـيّـه ذعذع الغربـي وغـرّك بإصطفاقـه و أثّرّت فيـك الريـاح الموسميّـه وقمـت تنقـز بالتبجّـح والحماقـه ودايـم الأحمـق يحـبّ العنجهيّـه لا تفاخر بآخـر إسمـك بالبطاقـه أنتهـى دور العـلـوم الجاهلـيّـه ما تلاحـظ سمعتـك بيـن الرفاقـه عقب كانت طيّبـه صـارت رديّـه للمراجـل كـان مـا عنـدك لياقـه إنسـدح وأرتـاح والذمّـه بـريّـه أعتبر مـا بينـي وبينـك علاقـه لا كلام .. ولا سـلام .. ولا تحيّـه خاطري حسـاس وسلوكـه دقاقـه ولو تلامس شبّت النيـران فيّـه ! والله أنّ الطيب مـا يدخـل نطاقـه غير محمود السجايـا مـع خويّـه الهديـر اللـي تقبّـه وأنـت ناقـه فـي مفاهيـم العـوارف سمفونيّـه وأن عزفهـا عندنـا قطّـاع ساقـه قلت يـا حلـو اللحـون السامريّـه أنتهينا .. مير مـن بـاب اللباقـه ماعليك خلاف .. والشرهـه عليّـه |
• أنا ما أحبّ الفلسفه .. والمشافيـح وحبيبتي .. مشفوحه و فيلسوفـه لا قلت أحبّك تشهق بوااااو وتصيح ويرتاع قلبـي والروابـع تحوفـه متأثـرّه بأهـل العلـوم الدراميـح اللي حداثتهـم ماهيـب إمخلوفـه تقول لا تزعل على شرهة الشيـح والقمح يا سعد قـدّر ضروفـه وشلون ما تعرف متى ترقص الريح وإلاّ المطر .. متى تصفّق كفوفـه أهطل ببوحك فوق روض التباريـح حتى تشوف اللي ما تقدر تشوفـه وأقول يا بنت الرجـال الطحاطيـح مالـي ومـال الفلسفـه والكلوفـه أنا بدوي وأعشق قصايد شليويـح هذا هوى بالـي وهـاذي شفوفـه عز الله أنّي في مفاهيمكم .. ميـح يا أهل الكلام اللي تناقـز حروفـه لا شفت من يكحل عيون التماسيح قلت المهبّل مـا عليهـم حسوفـه |
يا اللي تقولين معك الحب وش يعنـي غلاك ما ينحصر فـي كمّـه وكيفـه لا جات عينك بعين العاشـق المعنـي يبيـن للعشـق مفهومـه وتعريفـه شعور محفـوف يسعدنـي ويمتعنـي والحب معروف ما ضاعـت معاريفـه يا روح روحي عليك الشوق يدفعنـي اهيم في ساحلـه وأبـدي مشاريفـه الارض مع طلتك مـا عـاد تاسعنـي وقلبي بعد شوفتـك لجـت غطاريفـه يا كثر ما قال لي يـا ليـت يسمعنـي ( يا ناس أحبّه وأحبّ أسمع سواليفه ) |
رحمـك الله يـا اميـر القلـوب الراحـل المحبـوب عسى تمطر علـى قبـرك مـن الغفـران وسميّـه أناظر صورتك وآخـذ مـن التنهيـد صبـر أيـوب غيابـك حـط فـي عينـي مـن الأحـزان ماريّـه ألا يا ليـت ربـي خالـق بصـدري ثـلاث قلـوب ليا دقّ .. وتعـب واحـد يشيـل الثانـي أوخيّـه ! فقدناك وشحب وجه السعـد ميـر القـدر مكتـوب رضينـا مـا شكينـا شـرع الأحـكـام الإلهـيّـه على ذكرى وفاتـك وش نقـول وقولنـا محجـوب نشيـل الصمـت ونغلّـف مشاعـرنـا الحقيقـيـه |
http://www.up.7ail.net/index.php?act...tfile&id=29070
ياقوم. ياللي تبـرزون العمـاوي ما ينفع التلميع.. (وجه المشـوّه) لابد مايومٍ ... تبيـن الدعـاوي والصبح يمسح ظلمة الليل ضـوّه ويبين (ياراسي) قصير الخطاوي اللي سموّي مـا يشابـه سمّـوه لا شك أنا متبع من الناس غاوي أعرف طمان الضلع وأعرف علوّه يكفيني انّي ما دفعـت الرشـاوي ويكفيني... أنّي مافقدت المـروّه أعطِ الرجال حقوقهـا بالتسـاوي ولاني من اللي يجحدون الاخـوّه وأجاوب اللي فالطويلات عـاوي وأشوم عن منهـو ذميـمٍ وبـوّه دايم على الزلّه سريع وشفـاوي ساسه ردي مدري ردي الربـوّه |
على خط النهاية قامـت الذكـرى تجـي وتـروح
يناديها الغـرام وتسمعـه .. مـا تلتفـت صوبـه قضينا والضمير الحيّ مخطي .. والخطاء مسمـوح لوّ أنّـه مـا تعلّـم فـي الحيـاه يغيّـر أسلوبـه معاذيره سمينه ميـر معهـا كـم تجـوع الـروح وأنا لا جيت أبقنعها تقـول النفـس وش هوبـه ؟ فمان الله يـا بنـت الكـرام .. وللكـلام جـروح حروف الجرّ تطلب مـن حـروف العلّـه التوبـه قريت آخر رسالة فـي ملامـح وجهـك المملـوح وبانت فـي عيونـك رغبـة ٍ ماهيـب محسوبـه تقوليـن الغـلا ذبّـاح .. وأقـول الغـلا مذبـوح لقيتـه بعـد مـا دار الزمـان مكفّـن بثـوبـه ! بعد ما كان صوتك من تباريـح الهـوى مبحـوح تلاشـت بحّتـه وأصبـح علـيّ يجـرّ مسحوبـه تركني للجفاء وأمسيت أغني مـع حمـام الـدوح ليا حطّت حمامـه فـوق صـدري شالـت ذنوبـه صحيح الصمت عن بعض المشاعر يغني عن البوح وقلوب النـاس تمسـي ثابتـه والصبـح مقلوبـه علشـان الكرامـه .. والسلامـه بابهـا مفتـوح رميت الحبّ مـن قلـبٍ يخـون العهـد محبوبـه |
.
.http://img104.herosh.com/2010/08/15/150223586.jpg أحاول أكتب هنـا للـذوق والذوق ماهو لأحد مملـوك أمامي الدرب يصعـد فـوق وأصعد معه لو دعست الشوك واقول للجاهـل المطفـوق وخرَ عن الدرب ياحبـروك |
| الساعة الآن +4: 11:38 AM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.
