تدري متى بـ أنسى المحبه وأخليك ؟

إليا مشيت ولا تبعني ظلالي ..

ترى العفو قد جـاك أولـه وإغتنـم تاليـه
وترى الحلم بحرٍ غيـر لا تامـن أمواجـه

لو قلت فيه الشعر ما يعجز الحرف=
كل الحروف اتطيع لامري يجنّـي
.
ياطيب فالي يوم راسلنـي التـرف=
برسالته شفـت الآمـال اوصلنّـي
.
خلاني اغرف من بحورالامل غرف
لانـي هويتـه مـن ليـالاً مظنّـي
قلبي تعلق به قبل لايجـي عـرف
واحساسي ايسيطر على كل ظنّـي
كل المشاعر يمته تنجـرف جـرف
لو كنت سالي يـم ذكـره خذنّـي
ماشوف غيره صارفن للنظر صرف
لو مر قدامـي حشـاء ماشحنّـي
كني مثل منهو تسند علـى جـرف
لو حـاول المخـراج بـه هايلنّـي
اسيرعشقٍ فالغضي منـدرف درف
تلعـب بـي الافكـار ماريحـنّـي
جعل البني فدياك ياناعس الطـرف
يفـداك مـن لا شيالهـن يلبسنّـي
ارفق بحالي يالغضي قدر الظـرف
والحـق قبـل لاشواقكـم يقتلنّـي

«®°·.¸.•°°·.¸¸.•°°·.¸.•°®»
من كثر صدماتـي بنـاسً قريبيـن
قمت أتحرى صدمتي مـن أظلالـي
كل مابديت أنسى وجّيـه البعيديـن
ذكرت لي مع ضيقة الوقـت غالـي
كل ماشعرت أني سليـت المحبيـن
بديـت أطـرد هقوتـي وأحتمالـي
وكل ماتخيلت المحبـه مـن سنيـن
يأخذني الهاجـوس لابعـد خيالـي
مدري بكيت الحلم مع هاجس البيـن
والا شعـوري بالـغـلا مايبـألـي
مدري عزاي أنك بعيدً عـن العيـن
والا الندم يصفـق يمينـه شمالـي
مدري هو أحساسي بفقـدي لغاليـن
وأقول بعد اللي رحـل وش بقالـي
أو غربة أحساسي خذتني على وين
وضاع الجـواب ولا تبـدد سؤالـي
دام أقرب أحبابي نسونـي وساليـن
وأنا لـو أنساهـم تناسيـت حالـي
لو عشت من صده عـذاب الامريـن
وأستلهمت روحي عـذاب الليالـي
ولو المواجع تقسم القلـب نصفيـن
ماضاق بي صدر الحليـم الشمالـي
أترجـم المعنـى بكـل المظاميـن
وتجـي مسافـات المعانـي توالـي
وبين الصبر والصمت والخاطر الزين
ماقلـت ياليـل العنـا وش جرالـي
ومن كثر صدماتي بنـاسً قريبيـن
قمت أتحرى صدمتي مـن أظلالـي

يافزعتي إللي كل ماطحت أناديه
ياعزوتي يا نخوتي ياعويني
ياذخري إللي بالليالي مراعيه
ياسلاحي إللي ماسكاته يديني
انت الرفيق إللي نعادي معاديه
وانت اليمين إللي تعاضد يميني
وانت الشموخ إللي أفتخربه وماريه
رفقة سبع ماهي برفقة حصيني!