قبيلة بني رشيد - إهداء : للمقيمين على قارعة سفر !!

قبيلة بني رشيد (http://ban3abs.com/aa/index.php)

- المنتدى الأدبــــــــــــي (http://ban3abs.com/aa/forumdisplay.php?f=27)

- - إهداء : للمقيمين على قارعة سفر !! (http://ban3abs.com/aa/showthread.php?t=83620)

يامرحبا حيّ هالشوفه و هالطَلّه
يا مَن تميّز بــ نظرتها, و عِفّتْها

قلت انتي الذوق طبعك, والحلا كِلِّه
وْ من الخَجَل! عَضّت اِصبعها بــ شِفّتْها

لا صرت ناوي فراقك قول لي وين اروح
ما دام في عيني وجيه البشر شاحبه

ما كان جرحك صغير مقارنه بـ الجروح
الجرح كبره وصغره من قدر صاحبه

.
.

يا صبح قلي على طلعتك وش باقي
مليت دور الحزين و قصة الضيقه

من روحت و السهر يستوطن احداقي
و اللي بقى عن مطيح الدمع ( تدنيقه )

.

,

جدف بـ مجداف الامل و اقتل الياس
و افتح على روض الاماني دريشه .. !!

عيش الحياه بحب و اخلاص و احساس
كم عمر غير العمر هذا بـ تعيشه .. !!

يامنتهى صبر السجين اللي قريب من الأمـال
ياعصف ذهن الفيلسوف اللي على وقته وطـا
ماهز شعره من شعر راسي ثراثيـر الخبـال
ولا أعاتب أصحاب الوجيه اللي مع الوقت أبلطا
أبوي ماخلا علي قصور من عـرف الرجـال
مسكني الدرب الصحيح وقال رجلـك والخطـا
أقرب من دروب المراجل قرب كبدك للطحـال
وابعد عن الزلات بعد الشمس عن سطح الوطا
أحرص على ذخر الرجال اللي يشيلون الثقـال
والا الردي خله يـروّح مـع مراويـح القطـا
ياعابديـن النمنمـه بقفـي طلقيـن السبـال
كف ٍ صفقتوبـه وكـف آخـر يـدورّ للعطـا
يامن تدورها على راسك تبـي تركـب عقـال
أصبر عليهـا واصلـه لاتشتكـي هـم البطـا
يبي يدور بك الزمن دور الرشا فوق المحـال
لاهب لك ريح الشمال وطحت بيديـن نشطـا
لكن علـى ماقالـوا العقـال سيـري ياجمـال
القافله تمشـي ونبـح أكلابهـا حقـد أغبطـا

لا تـــحـــاول ..
الحكم .. يعطيك فاول ..
انـــــــــت ..
هــداف المحـبـة ..
بس عيبك .. ما تناول !!
***
وهذا شي قاهرني فيك ..
يـاخــي لـيــش ..
دام تدري وش يجيك ..
بيكسرك خط الدفـاع ..
يـاخـي نـــاول !!

يا بنآدم عش بها الدنيا و عاشر من تعاشر
......الزمن لا بد ما يفرق وليفٍ عـن وليفـه
حكمةٍ ماجات من كاتب ولا من نشر ناشر
.....قالها جور الزمان و فكّهـا مثـل القذيفـه

دلني كيف ابلط بَحر واحب كوعي
لان عندي لتحقيق الاماني قناعه