موج الغلا صار يلعب بي ويلعب به=اغليه انا وزاد قدره يــــوم يغليني
الشوق لاغاب كنه نـــــار مشتبه=ولافيه شي سوى شوفته يرضيني
هذا لـ حاله ولا احــد فيـــه يتشبه=ولافيه غيره يحركني ويغريني

النيه الطيّبه مــن طيب منبعها = وكلّن على قدر طيبه يسرج خيوله

مـثل القصيده يدلّـك طيب مطلعها= عنها .. وتبقى بكل لسان مقيوله

الضحكة اللي توزعني وتجمعني =تاخذني ابعد من حدودي وترميني
هي تدري ان ابتسامتها تقطعني=وشلون اجل يوم تضحك بينها وبيني
لو انها بس لا ونيت تسمعني=والا تشوف الحنين ان مرّ في عيني
كان عرفت كيف لا حبّت تدلعني=تسمح ليدها تصافح لهفة يديني
مع انها في طريق الياس تزرعني=لكنها اللي ولا يمكن تخليني

حلفـت اشيـلك بيـن رمـشـي و الأحــداق=و إن كـان شانـت دنيتـك جيـت لبّـيـت
لـو ضـاق وقتـك يا غنـاتـي ولــو راق=معـك معـك مهمـا قسيـت و تناسـيـت
لـ عـاهـدك نبـقـى علـى الـدرب عـشّــاق=و أرجوك سامحني إذا ملْت و أخطيت
بـس افهـم ان البـعـد مـاهـوب ينـطـاق=و انـسـاه انـا لا شـفـت زولــك وسجّـيـت
يا زين قلبـي لـك علـى هـون ينسـاق=يوْلَه عليـك إن رحـت و يـذوب لا جيـت