إي والله أهوجس ولاني بمرتاح
والحزن فى حوش الحنايا بفاروع

أمسيت من وصل المواليف مزاح
وأصبحت من فرقى المواليف مفجوع

البارحه في غبة الوصل سباح
واليوم من عرش المواصيل مخلوع

ياصاحبى صرح الهوى والوفى طاح
والقلب كنه من عراويه مقشوع

كان أحسب إن لحبنا عشرة أرواح
إلين شفت الحبل بيديه مقطوع

يوم العهد به حده إسبوع لى راح
إسبوع ويعوّد علي شوق ودموع

يوم الهوى لازارني منك أعصير
أضم في صدري من اجلك نسيمه 00
واليوم اصبر خاطر الوجد تصبير
واقول صدك عقب وصلك جريمه 00
ولاجاك مني ياهوى البال تقصير
مواقفي وياك والله عظيمه 00
صخرت لك مشاعر الشوق تصخير
وامطرتك بحبن تقفاه ديمه 00
وظللتك بجفني وصارت مسافير
يوم الغلا بين النديم ونديمه 00
واليوم ماتنفع كثير المحاذير
تفاغمت بين النفوس الحشيمه 00
عسى سنينك روض عشب ونواوير
محد لنفسه يرتضي بالهزيمه 00
اما تخاويني على الشر والخير
والا السلامه منك راس الغنيمه 00

يعني اكون اغليك وأكون محـــروم
أحسن من جروحك علي كل ساعه