هـذا هلالـي انتبـه ذا هلالـي .. يعني حذر يعني خطر قول وافعال



إن فاز فـوزه مايجيبـه جدالـي .. فاز بفخر واكبر فخر دايم ابطـال



فوز بشرف ماهوب فوز احتيالـي .. هذي حقيقـه ماتغطّـى بمنخـال



ولامن خسر يبقى على طول عالي .. دفعـة بلـى ندفع بها عيـون عذّال



مااحتاج فزعه من قليليـن والـي .. وماهوب في حاجة رديين وانذال



لو ضدّنـا مـن ضدّنـا مانبالـي .. ماقد سمعنا ريح هزّت لها جبـال



نادي عريق ونادي ايضآ مثالـي .. والقافله ماضرّهـا خايـب الفـال



الموج الازرق فووووق اول وتالي .. هذي حقيقه ماهي اقـوال جهّـال



غالي ورب البيت ياهلال غالـي .. تاريخ مجدك درس يبقى للاجيال



ويبقى الهلالـي دايمـن بالعلالـي .. يعني حذر يعني خطر قول وافعال

غصن الهوى صابه جفاف بغيابـك=وتساقطت أوراق حبك على الأرض
ومن كثر ماهو ساطيٍ بي .. عذابك=تشكّلت قلبٍ يباسٍ .. بـلا نبـض

كلمة هلآ يآحلوهآ من لسآنك=ويآحلوها من بين ذيك آلشفآيف
كلمة هلآ لاقلتهآ في سلآمك=يفرح بهآ قلبن من آلهم شآيف
كلمة هلآ مع مرحبآ كيف حآلك=عندي تسآوي قول كل الطوآيف

تبي الصراحه وش تبي بالصراحه=اكذب عليك ان قلت عايش وانا بخير
الحلم يكبر والصغر بالمساحه=وما للوفاء عن المعازيب تقدير
قلبي من ضلوعي تشيله جراحه=وش حيلة ابن آدم بوجه المقادير

بــيــض الله وجـــــه صــدمـــات الـلـيـالــي=علمتني كيف اعرف اللي معي واللي عليه
لعنبوا جد الطعون ان جات من غالي لغالي=ولعنبوا جد الخوي اللي يجنـب عـن خويـه

تعال فاحت دلة الشوق بالهيل=ماغير انا وهموم قلبي معازيم

(الحــب) كلمــة تجمـــع قلــوب ودروب=محتاجهــا قلبــي وقـــلبك يبيهــــا
غنيتهـــا لعيونــك الســــود بأسلـــــوب=لو هي على أبيـــــات الغـزل ما انتهينا
غنيتهــا دبكـه وعرضـه ومسحـوب=غنـي معـي وان جـاز لك موليهـا
تدرين انا شفتك نصيب ومكتـــوب=فرحـة عمـر تستأذنك تفرحيهـــــا

احبك لحد الجنون واشيلك في وسط العيون=واظلك برمش وجفون يا اغلى من عيني علي

محيرينك للعنا وانـا بـي الحيـره بـلاي=اخاف من فعل الردا وانا عزيز ولا تهـون
رح مع نسانيس الهوا وانا تقفي بي خطاي=عانق نجومن ساهره وانا بقفـي بالطعـون

لا ياوجودي ياوجودي ياعذابـي ياشقـاي=وجود من جلي عن ادياره وبه ذل مغبـون
لايابري حالي بري حالي ويانشفة شفـاي=بري الغصون اليابسه مابلها وبل المـزون

قلبي خذاه اللي يحبه ويغليه=وروحي معه بالحب غصب خذاها
يموت في حبي وأنا ميت فيه=وأعطيه من روحي مثل ماعطاها
حتى لوكثرالعتب والمشاريه=مالي سوى نفس عطتني غلاها.!!

الله يجازي مـن يسـوي سواتـك = وبذنوب من سوى سواتك يجازيـك
مشيت درب الثقـل وتحـب ذاتـك = ماتـدري انـه للمهالـك يـوديـك

صدق "40 " من الشبه يخلق الله =إلا انت " 1 " دون "39 "
من يشبهك يامالك القلب كله؟!=من يشبهك ياسيد كل الملايين!
"1 "وطير خافقي من محله=وشلون أجل لو فيه 39!!

تدري وش أصعب شيء شفته بدنياي = غلطات غيري ... تنحسب من رصيدي

لاتغرك ضحكتي ولا اسلوبي = اعرف عزاز النفوس من الردية
كم وفوا لي ناس وكم ناس اغدروبي = كم كسبت بطيب نية سوء نية

لقيت لي ضايق يسولف لضايق = واعطاه من بين النصايح نصيحة
لاطاح قدرك من عيون الخلايق= لاتحسبنه يابيض الوجه طيحة
ماهي فضيحة وانتبه للحقايق = طيحتك من عينك هي اللي فضيحة

ياصاحب العقل بادر والحق التوبه = بادر لر بن كريم وفاتحن بابه
يفرح بتوبتك وتصير انت محبوبه= وتصير جار النبي وتجاور اصحابه
تب والحق العمر قبل يبين عذروبه =من قبل الامراض والاوجاع تنتابه
ومن قبل يكسي شعرك الشيب وايلوبه = ومن قبل داب الكبر ينهشك بانيابه
واحذر يغرك كلام ابليس واسلوبه=وتقول بعدين لين العمر يسرابه
العمر محدود والايام محسوبه=ولا تنتبه لين تلقى الرب وحسابه
في ساعة والخلايق منه مرعوبه= في ساعة قالها المعبود في اكتابه
فيها هل الشر للنيرا ن مسحوبه =والخل يلعن خليله ويش سوابه
والظالم يصيح واليدين مقضوبه= و من الندم فاليدين يسقط انيابه
الاكل زقوم والغسلين مشروبه =والنار توقد علاه و دوم شبابه