|
هناك من يزرع الابتسامه
بمن حوله عندما يأتي وهناك من ترتبط حروفنا بقدومه كأنه يعلن بدأية عصر جديد وقصه جديده من نسج الخيال تكتبها الاقلام وتسطرها الاوراق وتحتفظ بها الرفوف النمر1012 |
التعليم ليس محصور على المراحل الدراسيه فقط
قد يتعلم المراء من تجاربه خاصه ومخالطه البشررررر أشياء كثيره لاتوجد بالدروس والكتب لانها غير مدونه بها فلا تيأس عندما تريد أن تتعلم شيء خارج نطاق التغطيه الدراسيه وتعلم ان لكل بدايه نهايه ولكل نهايه بدايه طبعن اقصد المواقف النمر1012 |
ياشينها لاجلست ساعه تكتب وترسل مشاركه وينقطع النت
ههههههههههههههه |
|
|
سمعـت لـي كلمـة مـدري وش اقصاهـا
حــزت بنفـسـي وأنــا مانـيـب هـارجـهـا لـوكــل كـلـمـة الـيــا جـتـنــا طـردنـاهــا بـعـنــا الثـمـيـنـة بـسـعــر مايـخـارجـهـا لــو مــرت الـسـمـع مـاكـنـا سمعـنـاهـا ونـقـفـل الـــراس عـنـهــا لا يبـرمـجـهـا ومــــن يــــم هــــذا لــهــذا مانقـلـنـاهـا والـنـاس واجــد وتلـقـى مــن يـروجـهـا مـــن جـابـهـا بـيــن خـلــق الله وداهـــا لـو بـه مـراجـل تــرى نفـسـه يسمجـهـا ومن عامل الناس فـي سابـق خطاياهـا يـقـعـد بــــدار خــــلا مــــاداج دايـجـهــا |
الصمت الانواع
صمت الحروف عندما تتوقف الحروف الكتاب فجأه وصمت اللسان عندما يصمت اللسان عن قول مايجرح الاخرين وصمت العقل عندما يصمت العقل ويرجع الى الحكمه بالحل موضوع اختصار الصمت لها كذا باب لاكن لدى العقول والقلوب المبعثره النمر1012 |
الغايب اللي راح ما قال دعواه كذا بدون اسباب ما قال لي ليه ! يجرفني احساس الوله وآتمناه وادوره بين الغياب ومساريه .. ! ولا لقيت الا اثر مشية خطاه باقفاية ٍ مدري على وين تنويه ! |
القلب يشكي غيابك وانت ما تدري
والعين من ساعة التوديع ما ارتاحت ! كفّيت حزني عن العذال في صدري وحاولت في دمعتي .. لكنها طاحت ! ما غيّرت من غلاك ولا نقص قدري من رحت عن ناظري ذكراك ما راحت |
حتاج لك والحاجة أم الإختراع
من كثر ما احتاجك اذا غبت أخترعت! تزداد حاجاتي اذا اقفيت اتساع وتقل(لا حاجاتي) ان فيك اجتمعت ان جيت يرخص سعر كنز الاقتناع وان رحت يغلى سعر كلمة ما اقتنعت يا سيد الاقطاع رفقا ً با الجياع .الظاهر انك ما حصل في يوم جعت خبيت بعضي فيك عنك أغلى صواع حتى الاقي فيك كلي لا رجعت وان كانت كفوفك تجيد الاستماع حطها على صدري واقل لك وش سمعت ضياع في بحرك ولا بحر الضياع ما شفت نفسي حي حتى فيك ضعت! |
أزهر الورد يا نيسان في وجنتيها جعل باقي ورود الارض تصبح فداها! قل لماء المطر يرفق برمانتيها قبل تشعر بحباته تساقط علاها! ثائرة والهدوء المفتعل يعتريها طفلة في وريد الشمس تحقن دماها! جفلوها عداها وارهقوها ذويها وارهقوني ذويها وانصفوني عداها! قيدوها وانا فوق الغمام احتريها يسعد الله مسا الغيمة ويسعد مساها كل ما اسمع رنين القيد في معصميها قلت هذي يدي يا قيد واطلق يداها ودي امضي بها مني وصولاً إليها دام هي محور الدنيا وخط استواها |
|
|
|
|
|
مجلسن من دون كيف العرب كيف أروقه
لو معازيبه عيال القايد السلطاني أأأأح يا وجداه يالمحموسه المدقوقه تو جيبت من ورى حد اليمن بقطاني مضمدة راس العربي لا وجعته فلوقه ريحها من قبل صبتها هوى الضرماني وان شرب فنجالها ضرمن فتح غالوقه وقام كنه من سرايا هتلر الالماني للعرب تنسب وترمز للكرم وطروقه قدرها قبل الشحم والعود للضيفاني وكل بيت بلا قهوتن ناقصن في ذوقه كنه الي صك بيبانه بوجه العاني |
على رسلك..!تريّث !!لاتمرّ ( الساكت الثرثار )!!
ترى اخس الكلام اللي " نقوله قبل نختاره " |
الشك يجتث الغلاء من جذوره
وقصر الوفاء لا زاره الشك ينهار ماكل راعي شور ناخذ بشوره يضيع من يمشي ورى كل الاشوار الشعر بوح اللي جرحتي شعوره وكسر الخواطر مالها جبر جبار كوني على بعض المواقف صبورة والحكم باستعجال مصدر للأخطار الغالي اللي غاب أراقب حضوره أدمح خطأ وأردم غطاء وأدفن أسرار أنا أتعذر لك وأقول معذورة ودي نكون كبار في عالم أكبار |
خايف عليك ومنك بالحيل خايف
عزي لقلبي يجمع الحب والخوف خليت قلبي والشقاء بك ولايف قلبي عمى وش عاد لو عيني تشوف ... عمري قضى ماقلت لك واحسايف عندي نهايه درب الاشواق معروف قلبي لغيرك لو تغليت عايف حبك ملك قلبي ونساني الخوف |
|
ادري زعلت وصرت ماأنته بيمي
حتى قصيد الحب ماعاد تقراه ماتدري ان الود بعروق دمي وان الغلا جاب المعنا من اقصاه وماتدري انك صرت بالوقت همي واكبر طموحي وصل حبك ولقياه ياروح روحي بالحياه ومعمي لاتنزعج لاخفيت حبك وطرياه ولاتلومني لاشلت دمعي بكمي خايف يقولون العواذل وش ابكاه |
على اثار بيت قادني للمعاني قود
يهز الشعور وله صدى في دواخلها ما لوم السميح لو ضرب بالوتر والعود وبين نقاط الضعف وأفصح وفصلها ضرب في وتر حساس يفطن له المولود وركز على ناس تمادى تطاولها شرح عن شرايح فكرها مغلق ومحدود لا زال التخلف كامنا في معاقلها أوادم بمظهرها لكن الوعي مفقود مناظر كما الأشباح وابليس مشغلها |
مال النظر دمعة ولا للقلم حِبر
مشاعراً جفّت وبْعده سببها والخاطر المكسور يوم اجبره جبر نار تلظّى والمحاني حطبها من واقع ايامي وانا اقول واخْبر البعُد جرعة مر للي شربها وانا نهار البُعد قمت اشبره شبر على ضميري بين اخذها وجبها الصدر ضايق والصبر مابقى صبر والنفس روتين التوجد عطبها ياصدري الضايق ترا الضيق فالقبر لملم جروحك والهموم اجتنبها والا الفراق امر مراً من الصْبر كم من غريمٍ دمعته في هدبها وياسعود شفت العشق واسنينه الغبر اثر على روحي وزوّد نشبها |
على اثار بيت قادني للمعاني قود
يهز الشعور وله صدى في دواخلها ما لوم السميح لو ضرب بالوتر والعود وبين نقاط الضعف وأفصح وفصلها ضرب في وتر حساس يفطن له المولود وركز على ناس تمادى تطاولها شرح عن شرايح فكرها مغلق ومحدود لا زال التخلف كامنا في معاقلها أوادم بمظهرها لكن الوعي مفقود مناظر كما الأشباح وابليس مشغلها |
االحزن وشبك في وجيه البريين
عبسّتها لوكان ماهي معابيس تسحب فرحها لين، يالين، يالين لبسّتها من جور فعلتك تلبيس |
لاصارت الشغله تسير وتمشي بخشم الريال
ولايتهيأ اي حاجه كود تدهن سيرها والحقيقه واضحة وكلمة الحق تنقال دنيا نبطي ماجنينا ولا اخذنا خيرها صارت الدعوة مصالح آه ياعيب الرجال واللي مايشتري يتفرج ومن بعيد يديرها واكبر القوم مغبونه وصاح لاجبتو عيال عيلوا انفسكم بالأول وسركم في بيرها الحسد والظلم بلوى افتهم يابن الحلال والنفوس الله يهدي سرها ويجيرها وش تسوى لاغدا لك حق واصبح للزوال ولا غير الحق واجد يسلم اللي يعيرها يوه يامكثر بلاوي هالبشر كثر الرمال والمشاكل بهذلت الحرس واميرها والمشاكل حلها وطبها بخشم الريال وإن بغيت تصير منهم أدهن اول سيرها |
أهرج بوجه الرجل لوكان ماكان
ماهمني لويشرهون الرجالي مادام حكيي حق ولاني بغلطان هو ليش اوطي الصوت واشبه بحالي |
عسى الله يلم الشمل بالصاحب النصوح
وتطيب النفوس اللي محيمه حوايمها وتليم شفوف اهل الهوى والعدو مكبوح وتلحق هواها المغرمه لجل مغرمها تهيّا على وضح النقا دربها مبروح انال الهنوف اللي ولامي موالمها ويبرا فوادن من غرام الهوى ملحوح لحاه الهوى وارثع بروحي وحطّمها وتخايط جروح بداخل الضامر المشلوح من الجادل اللي حاكمتني وحاكمها هنوفن عيوفن من تولّع بها مسموح كساها الحلا من الراس لاحد مقدمها غنوجن عنوجن بهرجها للعرب سحوح فتونن يضيّع كلمته من يكلّمها بها من مهاة الريم غره وفيها لموح تذوب القلوب بنارها ماتقاومها عليها الله اكبر كيف جاحت فوادي جوح بها النفس مرهونه ولاني بلايمها تمركز غلاها غصب ماعاد هو ممسوح ولاعاد لي سلطه على النفس ايممها |
|
مبادرات قد تكون شخصيه
وقد تكون غير مبرره من قبل البعض لكنها تشعل فتيله الحروف أحيان الى الانطلاق أخي تقيم شخص لايكون من قبل الاشخاص تقيم شخص من شخص نفسه عندما ترضى على نفسك ماذا قدمت لايهمك ولاتأخذ برأي الأخير نحن في زمن غريب ليس بزمن الماضي نحن بالزمن التتطور ندرت به الوجيه الصادقه النمر1012 |
لكل من مر من هنا او قراء حرف من حروف هذه المدونه ومن لم يستطع قراء تها
لعدم معرفه بتواجدها كل عام وأنتم بخير عاده علينا وعليكم بالخير وصحه |
من غبت والناس كن نفوسها قشرا
ألطفهم اللي كسر روحي وهلابي يامرحبا وان لفيت وصادفك غدرا عزاي بانك تميزني عن القابي الجرح يبرى لو ان الوقت ...مايبرى شف وقتي اللي خذلني ويش سوى بي !! والجاهل اللي يبينا نفترق وازرى اللي قصر عن سماي يعود لترابي أكتبك سيل(ن) يجي له فالورق مجرى وليا كتبتك ...نبت فالطرس غيّابي تدري بلاش ...اكتبتك ...والناس ماتقرا يكفيني انك اعز واطهر احبابي |
لاتعتذر مني ترى العذر مرفوض
مالك عذر لو كان غيرك عذرته قدرك عليّه حق وارضاك مفروض وغلاك من بين الحنايا قبرته ماودي ابْحر معك في العلم واخوض اخاف لاذكر شي ماقد ذكرته بيني وبينك سر غالي ومحفوض وقصر الوفاء بيني وبينك عمرته وانا على رفقتك فائز ومحضوض وورد الوفاء على مكانك نثرته اللي علاقتهم بلاكذب وعروض يبقى الغلا من بينهم زاد كرته |
بين الكلام وبين تحليل الافكار
وبين الحقيقه والخيال وحروفك حبيت توصلك المبادي بالاشعار واشرح لك اوضاعي بزحمة ظروفك الوصل مني سر من ضمن الاسرار اعشق وصالك وامتنع عن كسوفك ماهمني بعدك ولا آلاف الامتار بس المهم القلب يفرح بشوفك ولاهمني لو دونك الليل بتار لاني عشقت الطعن باحلى سيوفك لاني بصدق بداخل الروح لك ثار بركان من فيض المشاعر يحوفك ولاني انا ياسيد العشق ماحتار لاجيت احدد رغبتي مع وصوفك لاجلك اسوق الشعر وابدل الدار واسكن مع القمرى وانادي خسوفك هذا بعض من فيض عشقك والابحار في بحرك العاتي ولمست كفوفك ياوردة الدنيا عسى القلب بالنار ان كان فكر يبتعد عن طيوفك |
الصبح ياهيه دونك مايسمى صباح
مادام ناقص ضيا وزهور فل وعبير انته بصبح الغرام الشمس وانت الفلاح ولاجلك بسير المسافه لو يطول المسير ولرضاك والله لازيد الارصده فالكفاح وأمشي مع الدرب وأرقى في سمايه وأطير بسمتك ياهيه تشرح فاقد الانشراح ماكنها الا بشير الخير عند البشير |
مكسبي في هالحياه وراس مالي
معرفة شرواك و حقوق الصداقه الصداقه تعتبر صراف ألي و الوفاء بين الرجال أهو البطاقه و أنت عندي ياخوي الجنب غالي و من غلاك اليوم أنا بهديك باقه باقتن ماهي بتشرى بالريالي من بحور الشعر وفداخل نطاقه كان تنشد ياخويي كيف حالي عايشن مابين باب وبين طاقه |
يا منوة القلب الحزين ومتاعه
يا غايته يا رغبته بالخوندات قلبٍ يودك يا دعج العين راعه ترا المحبه والغلا بالمراعات مركب غلانا قام يطرخ اشراعه وسط البحور الشاسعات الغزيرات الصبر مالي فيه عنك استطاعه اما تجي ولا قطعنا المسافات العمر فرصه وانت شوفك اطماعه ساعة لقا ننسا بها كل ما فات يرتاح قلبٍ طاري الشوق لاعه ويبدل ايام الشقا بالمسرات |
لا توجه لي رسائل ترى القرائي فيه
يفهم المضمون من كل حرف (ن) تكتبه ايه ثم ايه ايه ثم ايه ثم ايه ايه و ايه وضعنا مكشوف يا صاحبي مير انتبه لاكتبت الحرف في جملتك خلك نبيه اعربه ثم علله علله ثم اعربه لين يبلش كل متطفل وبدري عليه يفهم ارموز النغم في لحون المطربه بس أنا بعاتبك ليه ليش وليش ليه يومك اتبعد غريق الهوى وتقربه ساعة (ن) يفهم من اسلوبك انك ماتبيه وساعة من كاس عذب الغرام اتشربه أه ويلي منه و أه أه يا ويلي عليه مير حال البعد من دون داره واعربه والله اني عند عهدي وعهدي بحتميه كلمت الرجال لاقالها مثل اشنبه لاكن انت اللي عليك انتبه خلك نبيه انته ثم انتبه و انتبه ثم انتبه |
الساعة الآن +4: 10:28 PM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.