|
يا وسع صدري مير للضيـق مرهـون=وأن ما توسّـع كلّـه .. يضيـق كلّـه
يمشي تحت رهن الإشاره على الهـون=وترمي عليـه مـن السلـوك وتتلّـه وسلوكها ما بيـن ناشـف ومدهـون=وصـدري ليـا قامـت تلامـس تعلّـه أحيان أجامـل وأتـرك السـدّ مدفـون=وأضحك مـا بيـن الخطّـر المسفهلّـه وأحيان أجي مشحون .. وأروح مشحون=وأقـول مـن يعقـد حجاجـي يفـلّـه ثـلاث تحكمنـي ولا قلـت وش لـون=المعرفـه .. والعاطفـه .. والجبـلّـه العقل صاحـي لكـن القلـب مجنـون=والكـل منهـم نظـرتـه مستقـلّـه ! يـا صاحبـي مـا للمحبيّـن قـانـون=والحـبّ لغـز .. ولا عرفنـا نحـلّـه قلبـك مثـل قلبـي مكبّـل ومسجـون=أحـرار مـيـر قلوبـنـا مستحـلّـه عسى الغـلا لازال بالحفـظ والصـون=والله يبيـحـه لا تـغـيّـر مـحـلّـه أهديتنـي جمـره علـى راس غليـون=وأهديتـك مـن العمـر شيحـه وفلّـه ورغم إختلاف المـدّ لا زلـت ممنـون=والشـوق يآخذنـي علـى كـل ملّـه فوّحت دمّي لين صـار أشقـر اللـون=وأخـذت مـن مجـراه فنجـال دلّــه ما غير أغنّي فيك لـو كنـت مغبـون=يا ملّ قلبي من غرامك يـا مـن لّـه ! دايم ضحايا العشـق لإجلـه يضحّـون=كم فاض مـن كثـر الضحايـا سجلّـه وأنـا غديـت بحكـم فاتـن ومفتـون=راضي بحكـم الحـبّ .. والحكـم للّـه وأن قام يكبـر بيننـا شاسـع البـون=أرفـق علـيّ وشاسـع البـون قلّـه عـز الله أنّ الشـكّ ماهـوب مامـون=سيـف الجفـا البتـار يمكـن يسلّـه أقنع لو أنّ الحال مـن دون فـي دون=وأخـذ الكـلام اللـي عليـه الأدلّــه لا تشتكي لـي والعـرب وش يقولـون=شكـوا ً لغيـر الله تـراهـا مـذلّـه ! |
صحيح ما ني على ضلع الوسامة ملـك لكني أرقى على ضلع المراجـل رقـي لا صار غيري يحب الدنفسـه ويعلـك أتعب على الطيب لين يصب منه أعرقي أعانق الغيم وأسبح في مـدار الفلـك أخايل شعاع نور الشمس من تشرقـي |
لاغبت والا تعبت وصابني حاجـه أمانـه الجوري لحـد ٍ يبكيهـا تحملوا صوتها المبحوح وازعاجه واللى يبي فرحتى ورضاي يرضيها أخاف تحتاج للدكتـور وعلاجـه وتطيح من حيلها محـد ٍ يوديها هى نور عيني ونور القلب وسراجه هالله يتمـم لهـا والله يخليـهـا |
تدرى وش الحكمه اللى دوم في بالي؟؟ ( حاول تبيّن شموخك ..في انكساراتك) |
حبيت حرف النون من شان خلى وحبيت كل اسمٍ بدا بأوله نـون |
كل مـا غنيّـت قـاف ٍ يطـرب اللّعابـه أعترض لي من يقول .. أنته وراك تغنيّ ؟ قلت قصّـاد وعلـى قـدّه يقيـس ثيابـه قال أردّ العلم عنك .. وقلـت ردّه عنّـي أثر حتى في الهوايـة مشكلـه وطلابـه أتركوني ما أحترفت ولا أشتهـرت بفنّـي والله أنّي مـا دخلـت الساحـة الكذابـه ولا نزلت بسوق يعننّـي ويـا ذاكنّـي !! أي وربي ما مسحـت الجوخـه الجذابـه ولا ترجيّت المشالح بيـن هـنّ وهنّـي لي سموّي لو سموّ الشيخ ما يرضا بـه المـدوح الزايفـه لا ينتظـرهـا مـنّـي أن مدحنا ما مدحنا غيـر أسـود الغابـه لو عيال الذيب ترقص مع عيال الجنّـي ! عشت يا راسي بخير ولا عليـك رقابـه يا عسى تفداك روس ٍ خاب فيهـا ظنّـي |
ياقو باسـي علـى صبـري وياثقلـي لوكان تالـي زمانـي جاينـي خفّـه! امشي وعيني سما والشوك في رجلي واثر طريق العنـا لفّـه ورى لفّـه!! مابين يمكـن ولكـن منعقـد حبلـي تكفى يايمكـن تجمّـل رجّـح الكفّـه. ما اقول انا احسن من اللي بعدي وقبلي اقول عنـدي ضميـر ومبـدأ وعفّـه. يعني: ما افكر في وضعٍ مايناسب لـي ولا احدٍ تجي له مقاديره على شفّـه!! |
طب طب على قلبي ترا قلبي سريع الارتباك يخاف بسم الله عليه من الهوى لا هبّ له حاول تهدّي روعته واحذر تشيله في يداك يمكن لا شلته ينفجر .. مثل إنفجار القنبله الله وكيلك .. كم جرا له من هذاك ومن هذاك مير انتبه لا تنشده وش سوّوا الأحباب له !! يا صاحبي لا تحبس أشواقك وعطني من غلاك وأعطيك كلّ اللي ذخرته للسنين المقبله خذ ما تبي من خبرتي بالحبّ والباقي فداك وحافظ على اسرار المحبّه وأصدق العشق أنبله قل لي أحبّك .. لين أشوف البرق يبرق من شفاك وأقول أحبّك .. لين ينبت لك في صدري سنبله |
هنا "نور الخشوع وسلوة الايمان" منه و فيه يحث الخلق ما ترجو ثوابـه عنـد خالقهـا هنا يستانس اللي ريح ضلوعه سلام يديـه هنا الساعة تمر ارواحنا با اغلـى دقايقهـا هنا حي الجباه اللي تطيح لوجه من ترجيـه هنا حي الدموع اللـي لوجـه الله نعتقهـا . . . |
ياتركي ان كان مايرضيك يرضينا رجاحة العقل في الرجال من ثقله لونسمع الناس ما رحنا ولاجينا الناس تنقل كلام وتفخر بـ نقله واللي تشوفه ليا اقفينا .. حكى فينا لايخدعك فيه لا قلبه ولا عقله موج البحر لو درى عن قيمة المينا وقف له إجلال ياتركي وصفق له |
سبحـان ربّ الميّتـه والحيّـه=اللي عذابـه يسبقـه غفرانـه رب ٍ تعالى وأعتلـى كرسيّـه=والكون كان بحكمتـه سبحانـه ندعوه في وقت ٍ غشانا غيّـه=يضفي علينا عفوه ورضوانـه الشرّ .. شات الكوره الأرضيّه=والخير .. قفّل دونهـا بيبانـه وأحداثهـا خيالـه ورجلـيّـه=منها قنوات الفضـاء مليانـه الظلـم فجّـر قنبلـه ذريّــه=و العدل عيّـا يعتـدل ميزانـه طاحت وقامت ثـورة الحريّـه=والشعب دك الشارع بعصيانـه أحد ٍ .. يقول مظاهره سلميّـه=وأحدٍ .. يقول موامره خوّانه ! والأمن بين الذيـب والجنيّـه=لا أوحى قنيب الذيب زاد إجنانه و ناّنـة الإسعـاف والدوريّـه=في كل ليله فـي البلـد ونّانـه ثار الرصاص وناحت القمريّـه=وطير السعد ضيّع جميع الحانه والكارثـه بالنشـره الجويّـه=كنّ الغيوم من البشر زعلانـه أمـا تجينـا عاصفـه رمليّـه=وإلاّ يناولنـا الجبـل بركانـه مخطوف لون أحلامنا الورديّـه=والواقع الملموس شهب ألوانه ترمش عيون الطفـره النتيّـه=وتجرّنـا بعيونهـا الفتانـه ! وكلّ السبايب من خراب النيّـه=قلوبنـا فـي غلّهـا بلشانـه يا مراجعين السيـره الذاتيّـه=الطيّب اللـي محتفـظ بإيمانـه لا تشطبـون الكلمـه العفويّـه=اللي كلامه صح .. صح لسانه |
صحيح الحبّ الأعمى خالقه ربي بدون عيـون=لكنّي شايف اللـي فيـك يـا خلّـي محبّبنـي نزاهة روحك و ندرة وفاك وعرضك المصيون=وطهارة قلبك وسطـوة حـلاك اللـي معذبنـي وذكاك ومنطق أسلوبك لا سولفت بغلا مجنـون=هذا غير الوصوف اللـي مخبيّهـا وتعجبنـي أنا ما ودّي أبحث في خبايا الشكل والمضمـون=أقول المختصر .. كلّك على بعضـك تناسبنـي أناظرك وتناظرني ونظـرات العيـون تمـون=لا قمت أسألك بعيوني .. وبعيونـك تجاوبنـي أحبّك كثر ما قلبي يـدق وخاطـري مشحـون=وأحّبك كثر ما طيفك علـى طاريـك يجذبنـي وأحبّك كثر ما شابت من لحون الغـرام لحـون=وأحبّك كثـر مـا تقرانـي عيونـك وتكتبنـي رميت بفلسفة عشقك على سقراط وافلاطـون=ولا فكوّا رموز ٍ في غرامـك بيتهـا مبنـي ! تغيب ويمتلي صدري من الشوق ويضيق الكون=تقول أنّك مـع غيابـك عـن الدنيـا مغيّبنـي أخذني معك يا سيد الحبايب لا تقـول شلـون=على كف المحبّه ودّني فـي قلبـك وجبنـي ! لا تتركني تحت رجوى وصالك والجفاء ملعون=عقوبه .. مالي ومال العقوبـه .. لا تعاقبنـي |
يا بنت فكري سمّي وقومي .. وسيري للأمـام=الخلف لأهل الخلف وانتـي بالوفـاء متقدّمـه دربك سليم ومستقيم وهاجسي معـك أستقـام=بينك وبينـه حبـل ميثـاق العهـود المبرمـه الله يبيض وجه من يتعب علـى خيـر الكـلام=والله يسود وجه من يفتح على الفاضـي فمـه ما شابت عيال الحلال إلاّ مـن عيـال الحـرام=أما الحـرام تحللّـه .. وإلاّ الحـلال تحرّمـه هبـت ذعاذيـع الريـاح الموسميـه بإنتظـام=ولاني من اللي كلّ ماهبّ الهوى ضاق إنسمـه شاعر وقلبي كم يغيض ويمتلي حـبّ وغـرام=هاذي ثلاث عقود في صدري ما غيّر سستمه ! |
واهنـي ّ اللـي ضمـيـره مستـريـح ولا تعـنّـا=مـا يحطّـه بيـن دورات الـزمـان ولا يشيـلـه يصبح ويمسـي .. ويلقـى فـي حياتـه مـا تمنّـا=تحتـه الفرشـه حريـر .. وفوقـه الفيّـه ظليلـه والله أنّـي يـوم أميّـز وأتفـكّـر فــي زمـنّـا=كثروا أصحاب الفضول .. وقلوّا أصحـاب الفضيلـه التطـوّر يـوم جــاب التقنـيـه مـنّـا ومـنّـا=ولّعتنـا ليـن سلّمـنـا عـلـى خـشـم الفتيـلـه وشبكـة النـتّ الكبيـره عقـب حلّـت فـي وطنّـا=عنكبتنـا وإنكبتنـا .. مـن فصيلـه فـي فصيلـه نجتمع فـي الشاشـه اللـي نورهـا الساطـع فتنّـا=وطاولتـنـا مستـديـره والكـراسـي مستطيـلـه أبتدت غـزوات الانتـر .. وأنتهـت غـزوة مهنّـا=مـا نريـد الغـزو الاول عقـب ورّدنــا بديـلـه يوتيوب .. وفوتوشوب .. وفيس بوك .. و يا الله إنّا=في رجاك وفي حجـاك عـن الفضيحـه والفشيلـه القبيلـي يـوم شمّـر عـن ذراعـه قــال حـنّـا=مـن زحـول العولمـه لـو يذبـح سلـوم القبيلـه قفّـل الغرفـه عليـه ودردش وفـرفـش وغـنّـا=وقـام يرقـص للعلـوم الخاثـره ويـشـدّ حيـلـه شيبت في نصف راسـه .. صـورة الكـف المحنّـا=وشيبّت في النصف الآخر صـورة العيـن الكحيلـه من برب .. لبـاك ولكـم .. شامنـا صافـح يمنّـا=هكـذا عـاش التواصـل بيننـا بأهـون وسيـلـه يـا محـرّف بالحقايـق لا تــردّ العـلـم عـنّـا=يـوم قلـت الذيـب عـوّد يومـي براسـه وذيلـه نتبـرّا مـن بـلانـا .. والـبـلا فيـنـا ومـنّـا=ونتـذرّا فـي خطانـا .. والخطـا نخلـي سبيلـه ! |
ايه يانفسي من ( العز ) اشبعي
والله اني ماتركتس ( للرخو ) ! فيه ناس امن الغلا تاقف معي بس مهما كان مامثل [ الاخو ] |
انكسار الذات في بعـض الامـور لـو تطيـع النفـس ذلـه ذلّـهـا كل يوم اعيش ب.. احساس وشعور وادخـل ديـار الغـلا واحتلّـهـا لين عفت العيش مابيـن السطـور ورحـت ادور حـل يشبـه حلّهـا انهـدم بيـت القصيـدة دور / دور وليت هـدم الحـب يشفـي غلّهـا الزهور تموت في عمـر الزهـور لـو مراويـح السحـاب تعلّـهـا رحت احط لقلبي المجـروح سـور واخلـق الزلـه عبـث وازلّـهـا والشهادة في وفـا الاحبـاب زور والمحـبـه مايظـلـل ظـلّـهـا مابقـا فـي ظلمـة الايـام نـور ولا غـرام ولا سيـوف اسلّـهـا ياشعـوري لاتـلـف ولاتــدور اكتفيـت مـن المحـبـه كلّـهـا |
من ساعه العصر والساعـه علـى ماهـي نامـت علـى حـزة الفرقـا عقاربهـا ياهي على حق ياهـي مخلصـه ياهـي توقفـت مـع توقـف قلـب صاحبهـا لو حطها الحلم في وسع الفضا الراهـي ياسع بها يـوم يوميـن ويضيـق ابهـا في غيبتك ماذخـر وجهـي ولا جاهـي دمـع يمـر الـدروب اللـي تمربـهـا تفوق رغبة عيونـي رغبـة اشفاهـي علـى معانـق ثـلاثٍ عنـد غايبـهـا دخلـت فيهـا وكنـت الآمـر الناهـي وخرجت منها وكنـي لـم اكـون ابهـا وامسيت وامسى قصيدي وامست اشباهي فركـت يديهـا عوضهـا فـي حبايبهـا لاخـاب ظـن اليتيـم بحلمـه الزاهـي مافيـه حاجـه بيبكـي مـن سبايبـهـا فـدوة مواطيـك روحٍ مابقـى الاهــي في سوق ويلـي علـى لامـاك جالبهـا تبقى على منت والساعه علـى ماهـي تبكـي علـى حـزة الفرقـا عقاربهـا |
قناعتي فـالقرار اللـي فرضـه النصيـب إظروفنا .. ودتـه ..!! واقدارنـا.. جابتـه ولاعاد باقي مـن المشـوار قبـل المغيـب إلا شعـورٍ .. كفيـل الوقـت.. بـإذابتـه وعني رميت احتمال اطيب .. والا ما اطيب سؤال عقب الجفا .. مـا تلـزم.. إجابتـه درهم أمل .. حازله.. قنطار هـم ونحيـب وأخير من ياسـي المحكـم علـي غابتـه جيت اتفائل لقيت الحـزن صـدره رحيـب رميت نفسـي عليـه .. ولجـت إذيابتـه قلت احتضني عن إذلال السـؤال الرهيـب وعن شح نفسٍ علي شحت بمـا اصابتـه من موت الاحساس صار العشق وجهه كئيب وحجم الالم ماقـدرت اقـرا وش إكتابتـه؟ اقنعني الموقـف القاسـي وانـا مستريـب جيته على اخـر رمـق محتـاج لـإثابتـه لو الالم كان مـن خنجـر بكـف الغريـب ماشلـت هـم الالـم لـو طعنتـه ثابـتـه ماعاد في وقتنـا .. شـيٍ يسمـى غريـب لو يسحن .. السم .. بإبهامه .. وسبابتـه قناعتي فـالقـرار اللـي قسمـه النصيـب إظروفنا .. حدتـه ..!! واقدارنـا.. جابتـه |
بدايتها على زفرة نفس واخر بقايا حيل
على نفس الخيال اللي تمادى بي مجالاته بديت احلم..عساي اسلم..قبل يعلم وش التحليل واذا مد النظر يلقى متاهاته ..متاهاته انا لو جيت اسولف لك عن القصه يطول الليل يمر الوقت ماتدرك معي تالي مسافاته تعال اجلس وعلمني وش الموضوع بالتفصيل بدى يشرح..بدت تغرس سهوم الموت نظراته تناجيني على فيضة فنا..في..وسط وادي ويل على جال الجحيم وعبرة المضيوم واسكاته على مبداك ياهمس الغرام..ونغمة الترتيل تهاجربي خيالاتي..على مسرى خيالاته عليّ ابعد من احساس الرضا في معصم التكبيل تجاوز نجمة الشعرى مفاهيم..استحالاته وانا سايق عليه إمن الغلا مايرهق التأويل يضيق الكون ماضمت..غلا قلبي..مساحاته يلملمني بعد ضيعة سنينٍ مالها تحصيل يسلسلها شريط الذاكره وتلج عبراته يضم القلب وضلوعٍ براها الشوق والتعليل على همسة كلامه فالخفاء.. تسحر عباراته دليل إنه بدى مفعول سحره..دمعتين اتسيل حرام اني فلا اذكر واحدٍ سوابي اسواته نهايتها على رشفة نفس والحيل..ما..من حيل على صهوة خيال الملهمه كثرت مجالاته |
لاعاد تسئلني عـن الشعـر والنـاس ولاعاد تشرح لي وش اللـي تسـوي ! اي والله اني فـ..آخر الوقت حسّـاس وادنـات ماعكـر مزاجـي ، وجـوي اعرف مقاسي يـوم الامجـاد تنقـاس واكره ظلامي ، مثل ما احتاج ضـوي ! واكره وجيه الشر مـن كـل الاجنـاس وانصـح صديقـي لايعـادي عــدوي والحاجه اللي مالهـا قيمـه / اتـداس والمجـد يصنـع بالذكـاء والـتـروي لـذا بـدور بيـن الامـال مـجـلاس واصنع من همومي لـ.. حلمي مقوي ! . |
ماعاد يغري شي في ظاهر الكون مادام مانتي فيه يالمعـة الضـي مدري غيابك لي له سر مدفـون ولا هذا حظـك وهـذاه حظـي |
. . تعال واسكن عيوني . بس بشوفك وبغض طرفي وقلي عن ملا محها مافيه داعي .تفسر لي سبب خوفك اللي عرف قدر عينه كيف يجرحها . |
: اسولف لـ : السما و نجومها و البحر و الامواج ، و انا بيني وبين الناس تآقف : ( غصة العبره ) ! غيابك ماهو ب هين | غيابك : مصدر الازعاج ، يضيق الكون فـ عيوني و يصغر بي على كبره .. ! انا لا طروا : إسمك / ديرتك / ربعك ، لقيت احراج اضيع و يختلف حالي .. و لا أدري وش هي الدبره ! : |
بعد قلبي نضج .. وأصبح دليلي بين ذيك وذيك دهاليز النواعم لو تشوقـه مـا دخـل فيهـا يعرف أنواعهن وأطباعهن .. سم ّ وهلا لبيّـك ويـا كثـر العيـون اللـي يكحّلهـا ويعميهـا قضا من لعبة ٍ بالغـش والتخطيـط والتكتيـك تخمّ قلوب وتـروّح بهـا .. وقلـوب تخطيهـا تعلّم والتجـارب خلّتـه يبعـد عـن التشكيـك كسب له خبرة ٍ تآخـذ مـن الدنيـا وتعطيهـا علاقات المصالح لو تحطّ الشيك فوق الشيـك تجيهـا ساعـة ٍ لا بـدّ مـا تهـدم مبانيهـا ليا هبّ الهوى قام النحل بين العسـل والكيـك يشيل مـن الحـلاوه والمـراره مـا يحليّهـا عساك بخير يا القلب المخضـرم والله يهنيّـك قوانين المحبّـه مـا تغـرّك وأنـت راعيهـا ألا يا حبّ يا اللي بان نورك .. ما سرا ساريك رعاك الله مـن أوّل سيـرة العاشـق لتاليهـا أعيشك وأتعايش معك وأحيا فيك ليـن أحييـك حفظتك عن ملاقيـف العبـاد وعـن بلاويهـا عن أذنك يا حبيبي يوم أغنـيّ وأتغـزّل فيـك عسى دقّات قلبـي كـل مـا غنيّـت توحيهـا أنا عندي مشاعر شاعر وترضينـي وترضيـك لكنّ المشكلـه وشلـون ألحنّهـا وأغنيّهـا ؟ ثلاث سنين مدري من كثر ما أغليك وين أغديك ليـا دسيّتـك بعينـي سـرا قلبـي يناجيهـا أبيع المترفات اللي ترفهـن ينشـرا وأشريـك بنات الناس فدوة حضرتك عـن بكـرة أبيهـا عليك القلب مقفول ولا يفتح غير مـع طاريـك ليا جتني طيوفـك قامـت ضلوعـي تحييهـا أحبك .. والمحبّه هكذا وأهـل المحبّـه هيـك تعيش ولو يجور الوقت مـا يخلـف هقاويهـا |
يا دافع الشعر هجسـي لا تعـزّر بـه أسدل ستار اللحـون وفضّهـا سيـره أمسيت أنا وأنت في تمريره وضربـه وأصبحت أنا وأنت في ضربه وتمريره وأن ضاق صدر الكلام اللي نعبـرّ بـه نآخذ على بعضنـا .. لفّـه وتدويـره لولا ضروف الزمن والهـمّ والغربـه والحـب والعاطفـه والشـكّ والغيـره ما كان رف الشعور و حام به سربـه وأسترسـل الشاعـر وغنّـا بتعبيـره لكن عليك الفرج .. يا فـارج الكربـه إليا أنكسر خاطر ٍ مـا يعلـم الخيـره وين انت يا اللي عليك النفس مضطربه الشـوق رد السـلام وسلّـم الحيـره ويوم انتهى من سلامه وأبتـدا حربـه عوّد يحطب الضلوع ويشعـم النيـره لين الصميل أنفـرا وأنشقـت القربـه لاشـكّ مـا للذهيـب ألاّ مـداويـره بيني وبين الجـروح طبـوع مختربـه دايم ليا طـاب واحـد ينفتـق غيـره دوّر لطول البطـا .. عـذر ٍ تعذّربـه قـدّام أردّ الخطـا عطنـي معـاذيـره ويا مسافر اقبل مع قلب ٍ مسافـر بـه ودّي وتقـديـري و ودّه وتقـديـره |
الحلم غير اللي تشوفه ليا نمـت الحلم شيٍ يحرمك من منامك !!! |
للحزن في عين المولـع مـواري لويبتسم تلقـى لحزنـه علامـات الهم والضيقـه وكثـر الطـواري ثلاث تختـص المحبيـن بالـذات كم عاشقٍ ليـه يقضّيـه سـاري وياخذ ليا منه سرى الليل سجـات جسمه من فراق المحبيـن بـاري ودمعه يجرّح ناظر العين بسكـات ما احدٍ عن احزانه من الناس داري ويجرّ في داخـل معاليقـه آهـات |
ماهوخطـا يـوم آتصـفّـح ولا أرّد
ماكل شعر يقـال يرضـي غـروري سهله على لساني ..وصعبه على اليدّ (صح الله لسانك) .(.تقبّل مـروري) |
ممكن أجي؟ .. وأرتاح من سطوة الخوف؟
ولا حس قلبي بالأمن .. يمكن أغفى بارد ضلوع وما نفع ثوبي الصوف ضمي ضلوعي يا غلا ودي أدفى جيتك .. ألم بيدين ورجول وكتوف ملّو يبون قلوب الأيام تصفى داخل حدودك .. كل محسوس موصوف قبل أسكنك .. كم قلت للفرح : تكفى أنا مواطن صالح وباكر تشوف وشلون رجليني على حماك تحفى وأنا مريض أحزان وألام وظروف ودواي بسماتك والأحضان مشفى ليت التعب في ماضي الوقت مخلوف وليت الرجل لامن خطأ نوب .. يُعفى عهد ٍ علي ومن فوق عهدي لك حلوف أسعدك لا أقبل همك وفرحك أقفى حريتي وياك .. نستني الخوف أنتي وطن .. وأيامي السود ../ منفى |
اذكر الله .. كل ماحسيت بالخفاق ضيقه انت لا من ضقت !؟ كن الكون في عيني تضايق لا تتضايق ، شاعرك قلبه واحاسيسه رقيقه تختلف الاذواق .. لكن تتفق فيه الذوايق وايق فـقلبه وشوف ابياته اللي بك غريقه وكان ماودك تحس بضيق قلبه ! لا توايق شاعرك ، ماعاد عنده لا طريق ، ولا طريقه لا تخلي شي ، يترك بينك وبينه عوايق شوف قلبه يوم شال من الهوى مالا يطيقه وشوفني وياه ملينا المسافه .. وانت رااااايق ننتظرك وخابر بغيبتك ، وش تعني دقيقه والدقايق جالسه معنا ، يحسبون الدقايق وانت لو ماتعطي لقلبي على حبك وثيقه كلمة ( احبك ) .. تراها خير وأعز الوثايق والحقيقه .. ولا اقول : شعاد نبغى فالحقيقه مايموت الحب فالعشاق غير مْن ( الحقايق ) والحقيقه .. ولا اقول : شعاد نبغى فالحقيقه مايموت الحب فالعشاق غير مْن ( الحقايق ) والحقيقه .. ولا اقول : شعاد نبغى فالحقيقه مايموت الحب فالعشاق غير مْن ( الحقايق ) |
القلب قصرك يانديم الروح ياعذب الجروح حتى ولو طال الزمن مازال في ملكيتـك يحيط بك انهار واشجار وبحيرات وسفوح وعلو صدري هو سماك وحاجبي ارضيتك صحيح حبيتك واغليتك لو اني قلـت روح بغيّبك عن شوف عيني قبل مااونس كيتك الله يوفقك ويعينك في حياتـك ياطمـوح ويرزقك من يشبه فؤادك فالبياض ونيتك |
محدٍ كشف حزني سوى نبرة الصوت
وصمتي ودنّاقي .. ومحجر عيونـي اظلم علي الليل .. والصدر مكبـوت لين اختلف فكري وشكلـي ولونـي الله حسيب الموت .. يا سكرة الموت اللي خذا راسي .. وخـلاّ متونـي! |
في نظر عينك كـلام .. و لا تبينـه
ردتـك نفسـك و دافعهـا حيـاهـا ما كتبها الحب فـي عينـك يقينـه عاشقك من يوم ما شافـك قراهـا شح صوتك .. في دفاه و في حنينـه لين عينك ما استباحـت كـل ماهـا لا عشاني .. ما ابي النبـره حزينـه لا عشاني .. اعطي اللحظـه دفاهـا العتب و اللوم فـي لحظـة سكينـه ما تجمل صدقهـا الا مـن وفاهـا عاتبينـي و العـذر يرفـع يديـنـه والعلـوم الثانيـه هاتـي ذراهــا كل لحظه ..! معـك اي والله ثمينـه مـا أتمنـى دونهـا والا وراهــا ( نور وجهك ) .! يخفت انوار المدينه و كل كلمة منـك يشملنـي دفاهـا يا غرام الشاعر اللي مـن سنينـه يغتنـم جيتـك و يثمـن غـلاهـا احتمي في صدري ضلوعـي متينـه غيرك انتي مـا حواهـا واحتواهـا |
*
بين كشف الحضور .. وبين كشف الغياب سجّلوني غياب .. وسجّلونـي حضـور شايل القفل وأفتـح بـاب وأصـكّ بـاب وين أبلقا لدرب النـور كـرت العبـور ما تشيب المشاعر .. والمحبّـه شبـاب ولا على الحب زود و لاعليكـم قصـور بعض الأحيان أغنّي من دواعـي عـذاب وبعض الأحيان أغنّي من دواعي سرور قبل لا أجمع زهابي وأعلـن الإنسحـاب ذعذعي يا هبوب .. و وقّعي يـا طيـور أنتهت كذبة إبريـل .. وبـدت كذبـة آب نكذب أربع شهور ونصدق أربع شهـور من يحرّف كلام ٍ فـي غـلاف الكتـاب ينتبه للكلام اللـي مـا بيـن السطـور |
كل ماجيت أزرع الطيب وسوي جميـل الجميلـه تالـي الوقـت قلـو ناسـهـا الجميله مابقى مـن عربهـا إلا القليـل مابقـى إلا عالـمٍ كـاثـرٍ وسواسـهـا والجميله ماتناسب مـع النـذ ل البخيـل لوبغاهـا ماعـرف ذيلهـا مـن راسهـا راح جيل المعرفه وابتدا جيـل المديـل وابتلشـت بعالـمٍ ماعرفـت اجناسـهـا تختلف الاجيال ويصير جيلٍ بعـد جيـل والاوادم يختلـف فعلـهـا واقواسـهـا لوبغيت تعـدل النـاس شـيٍ مستحيـل فرقهـا بافعالهـا مايـجـي بلباسـهـا لاتحط ضعيف النفـس بالطرقـه زميـل دوّر اللـي لاتكبـر خطرهـا داسـهـا والضعيف جنبه مامعـه حيلـه وحيـل رافق اللي قد سبح في البحـور وقاسهـا واشهد ان ضعيف النفس مايصلح عميـل والضعافه عند ناسٍ ضعيـف احساسهـا ما إبغي النفس الضعيفه ولا الرجل الذليل كـل ماجينـا نسـوي جميلـه حاسهـا أفتخـر فـي عاقـلٍ مايعيـل ولايميـل خطته لامـن رسمهـا يعـرف قياسهـا يحتمل طول المسافات والخـط الطويـل لاتعكـر جـو نفسـك يزيـل عماسهـا الحكيم اللي على المعرفـه رايـه دليـل مـن رجـالٍ بالمواقـف قـويٍ باسهـا أشهد ان الظلم والخوف والحال الهزيـل حاجةٍ تثر على النفـس فـي مجلاسهـا واشهد ان الصبر زين ولـه وزنٍ ثقيـل مزبنٍ للنفـس لامـن كِثـر هوجاسهـا ليت بعض الناس حرفٍ نزيله بالمزيـل من حروف تنمسح لا انمسـح قرطاسهـا ماتصير الحنظله مثل شكـل الزنجبيـل لـو تغيـر شكلهـا ماتغيـر ساسـهـا |
الفـلـك دوّار وأحــداث الـزّمــن دوّاره والحيـاه موّقتـه وحسابـهـا محسـوبـي والنفـوس لمشتهاهـا بالخـطـا ومّــاره والمرامـع والمطامـع تنكـب المذنـوبـي يـا الله انـك لا تخلّـي سيـرتـي بــوّاره كان ما تستر عيوبي مـا ستـرت عيوبـي يوم شفت الشيب فـي راسـي يولّـع نـاره قلت واشيبي .. ودوبي فـي شبابـي دوبـي أفرك عيونـي وأرومـش وألبـس النظـاره وأتجوّد في نظرهـا ليـن أشـوف دروبـي كـان حلقـي للهبايـب مـا فتحـت زراره يمكن أذبّ الخـلا الخالـي وأطـشّ الثوبـي عمدة الحـاره لقيتـه عنـد بـاب الحـاره ثاني ٍ ساقـه يحـاول يلحـس العرقوبـي ! قلت وش بك .. قال وقتك ما وصلك أخبـاره لا توّجـه بالتقالـيـد القديـمـه صـوبـي العوايـد قـام يضـرب روسهـا بـجـداره وأن حصل لك ما حصل لي .. غيرّ المسحوبي روح و ألعب قبـل حظـك يطلـق الصفّـاره ما تعرف الناس غيـر اللاعـب الموهوبـي وأن تعبـت أجلـس ورددّ جملـة ٍ مختـاره بوسي الواوا يا هيفاء .. وأرقصي يا روبي ! |
والله اني كنت اباعاتْبك وآقول انت وينك
لين حصلتك معي موجود في كل الاماكن |
يارب عفوك وسترك من سهوم الزمان أنت الملاذ الوحيد .. القادر .. المقتدر |
هـو قلبـي اللـي بكـى ولا عيونـي بكـت !!
والله مــدري .. !! ولـكـن مــا تمنيتـهـا صديـت خايـف أبيّـن ضعـف نفـسٍ شـكـت وتطيح .. !! من بعـد مـا هـي ذايـعٍ صيتهـا سكت .. !! وقلبي يسولف بالوجـع مـا سكـت يعنـي كـذا .. بيّنـت مـن راس منشيتهـا !! الضيقـه اللـي علـى صـدري وقلبـي ركـت جتنـي هـي البارحـه مـدري أنــا جيتـهـا لا شفت يا صاحبـي نفسـي مـن الهـم شكـت لـد النظـر وسـوّ نفـسـك مــا توحيتـهـا ولا تنقـد الدمعـه اللـي فـوق خـدي حـكـت قطره .. !! ووسط البحر ... من ضيق صبيتها !! |
- اللهم ارحم أبي فوق الارض وتحت الارض ويوم العرض عليك . اللهم قه عذابك يوم تبعث عبادك .
- اللهم انزل نورا من نورك عليه - اللهم نور له قبره ووسع مدخله وآنس وحشته - اللهم ارحم غربته وارحم شيبته - اللهم اجعل قبره روضة من رياض الجنة . لا حفرة من حفر النار - اللهم أغفر له وارحمه واعف عنه واكرم نزله - اللهم ابدله دارا خيرا من داره . واهلا خيرا من اهله . وذرية خيرا من ذريته وزوجا خيرا من زوجه وادخله الجنة بغير حساب . برحمتك يا ارحم الراحمين - اللهم انقله من ضيق اللحود ومن مراتع الدود الى جناتك جنات الخلود لا اله الا انت يا حنان يا منان يا بديع السموات والارض تغمّد ( أبي ) برحمتك يا ارحم الراحمين - اللهم اطعمه من الجنة واسقه من الجنة واره مكانه من الجنة وقل له أدخل من أي باب تشاء اللهم ان ( أبي) في ذمتك وحبل جوارك فقه من فتنة القبر وعذاب النار وانت اهل الوفاء والحق فاغفر له وارحمه انك انت الغفور الرحيم |
| الساعة الآن +4: 01:49 PM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.
