يـلـومـنــي قـلـبــي وانــا ( آمـــوت حـــره )
يـضـيــق ان ابـعــدت وان جــيــت لـــي راق ؟!
لــو كــل مــن شـافــه قـلـيــبــي يــجــره
مـاكـان تـلـقـى اثـنـيـن / اثـنـيــن عـشــاق

تدري وش اللي حيّر الناس امره
والناس تتسال خفوقي علامـه ؟


اني اشيل بداخل القلـب جمـره
واعطي على كل الهموم ابتسامه !


الحزن يطلع لي مع كـل زمـره
والدمع مبطي بالعيون انسجامـه


هالقلب يتواكل مع الوقت عمـره
ولا يقلل ..من تعبه احترامـه !!

كل البلاد أعلامها رمـز و وسـام
لهـا التحيّـه والقـدر والسلامـي
لكن عَلمْنا غير عن كـل الأعـلام
متميّز و يحضى بـزود إحترامـي
أخضر زهت فيه الشهادة بالإسـلام
بالخط الأبيض كتْبهـا والحسامـي
به جملةٍ تبقى علـى مـر الأيـام
والسيف للمجرم وكـفّ الحرامـي
ما هو على ما قيل (قطعة من الخام)
تلعب بها الأرياح شـرقٍ وشامـي