سنين عدت في غيابك ولا جــيت=وتبيني انسى كل شي بســهوله
سلامتك ما عاد ابي شـي ملــيت=حـتى الشعر ماعاد لي نفس اقوله

إيه إذا جيت اكتبك ماني بـ قـادر=يا ! حبيبي ! وأنت فوق اللي قدرته
لا بغيت ارسم شعوري لك وابادر=استقام البيت والمعنى كسرتـه
يا !مصادرني! ياليتك لو تصـادر=صمتي اللي كل ما يكثر عذرتـه
معك يا نادر يصير البوح نـادر=لين ما يبقى لي صمتٍ ما ذكرته

أدري انه ما يهمك بس جيتك شوف عينك=منها آسلـّم عليك و منــّها آرد اعتباري
يوووه لو تدري جهاتي الاربعه بيني و بينك =كلهم من زود حبك زاحموا فيني يساري

وش فايدة قربه وكنه ظلالي
دايم معي لكن عجزت استظله

ألاياوقت وين اللي على بالي يجي ويروح
هذاك اللي ملك قلبي وتفكيري و وجداني
اموت ابطيفه اللي لا لمحته كل شي يروح
احس اني اذا شفته كاني بعالم ثاني
-
احبه والامل باني في قلبي من غلاه اصروح
حبيبي لو يمر طيفه يمدد ماضي احزاني
احبه حب لو يدري عن اللي بخافقي من بوح
نسى كل الزعل وارخص حياته دون حرماني
-
تحملة الخطا منه واذا اخطا بعد مسموح
حبيبي ماعليه ازعل اذا اخطا وخطاني
تذكرته وانا ناسي ونسيته والوفا مجروح
غريبه حالتي والله وهو ذكراه نسياني