أسير وقلبي بين همك وطاريك=وطيفك يباريني وكنه ظلالي
كل المشاعر في غيابك تناديك=امشي وادور في وريدي سؤالي
يعل قلب مايحبك ويغليك=يصلاه من بين الشرايين صالي
والمشكلة ماينتهي حب غاليك=في ذمتي لوينتهي كل غالي..

خــلـــقت بالدنيا وانا ما معي شي = وبـــــروح منها ما معي شي منها
خلوني استانس بها دامني حي = لا مت مدري جثتي من دفنها
اشوي ندله واربع ايام وشوي = ندفع لسجتنا القليله ثمنها
والرابح اللي لا نطوت صفحته طي = في طاعة الله رحمة الله ضمنها

سجه مع الهاجوس طبيعةٍ لي = طبيعةٍ بموت ما جزت منها
اشكي على الخلاق وارفع له ايدي = لا كثرت الافكار يفك منها
اما الكرم قد فازبه حاتم الطي = حتى الفرس من شان ضيفه طعنها
خلوني اكرم في حياتي وانا حي = ولا مت مدري جثتي من دفنها
خـلـقــــت في الدنيا واناما معي شي = وبـــــروح منها مامعي شي منها
مسكين ياللي تحسب الواجد اشوي = والعافيه لو تنشرى وش ثمنها
يا جاهل الدنيا تراها كما الفي = يا مخبل اللي في حياته ومنها
ان ناحرت لك قامت تروح واتجي = مثل الذلول اللي طويلٍ رسنها
وان دبرت خلتك طايح ومرمي = وكم واحدٍ له حاجةٍ ما ضمنها
لا بد مانرحل عن المزح والغي = ونسكن بيوتٍ قبلنا من سكنها
النفس مثل الغصن عايش على الري = ولولاه كل الناس عافت وطنها
يالله عسا الحسنات تقضي على السي = لا قربوا للنفس ذرعة كفنها

مازلت انا الاول ابد ماتغيرت=ذاك القديم بطيبتي وبصفاتي
يجوز حدتني الظروف وتبعثرت=بس المهــم ماانسى العزيز بحياتي...

يامن رحلت وغرك الغنج والتيه=ارحل ولايطري عليك الرجوعي

لو تدري الشوق بعدك وين وداني=مكان والله يمر البعد في بالك..
تبقى حبيبي ولو تزعل وتنساني=تبقى بقلبي كبير ودايم لحالك..
الليل بعدك ظلامه طال وأشقاني=والفجر نوره تعذر يطلب وصالك

وحيد وكل خلق الله جنبي=وانا في ديرتي كني مسافر

من عادتك دايم على الطيب سباق=واليوم ابي تسمح نرد معروفك
نبعث فرحه القلب مع كل الاشواق=والفرح الاكبر يوم نسعد بشوفك

ياغصن موزٍ ناعم ٍ له تمرياع= منين ما هب الهواء مال حمله

اشوفلك من وين مارحت ذكرى=لاشفتها صديت عنها ودنقت
ماطل جرحٍ لاخذى ايام يبرى=بعض الجروح يزيد شره مع الوقت

أشتــكي واحــدْ يقـول انه حبيــب=في ظــلام اللّيــلْ سهَّـرني ونـــام

انا موووجه قدرها اتعيش في بحرك=واذا ماتت تراها اتمووت في شاطيك