أثرك تسـلا .. بيـن ذولا وذولاك =وتحوس مع هذا .. وتجحد هذاكـا
قلبٍ توطيتـه .. وقلـبٍ توطـاك =وشعراً حدر جوك .. وشعراً خذاكا
في مجمل الوضعين .. بانت خطايـاك =وخلك على وضعك .. وريحة شذاكا
وأسمع نصيحه .. سقمها مابعد جاك = لعلهـا تقطـع .. وتنهـي وذاكـا
لا تحسب أني .. غافلٍ عـن نوايـاك =أحذر حذاري .. يالغضي لا تذاكـا

ياكحيل الطرف .. دونك سربل الليل البهيم = وانطفت شمس المشارق .. والزمن فيني قسى
واعرضتلي .. ذكريات الهم والجرح القديم = من عقب .. مازانت أيامي وخفاقي نسى

الا ياذا العذاب .. اللي تباطيتـه وشـب النـار =عليك القلب كم غنى .. وسجـل لـك تماثيلـه
الا ياهم ذاك الصاح .. توه مـا أنتهـى المشـوار =مادام القلـب .. قـد قنّـد تواصيفـه وتحليلـه
تمرد حلمك الوردي .. على قلبٍ نظـم صبـار =وساق حروف شعراً .. مانطقهـا شاعـر بجيلـه
بحور الحزن .. وان مدت على شاطيك والمخضار =فلا تجزع على وقتٍ .. تمركـز وانعفـس ليلـه
وشيل الهم عن عينك .. وجيب من الألم تذكـار =وقهقه واضحك بشوفـة .. تباريحـه ومنديلـه

يا الله دخيلك .. لاغدت ضيقتي طير = غرهد على .. راس الجذيبه وغنه
هام وتثنى .. وانطلق حزة عصير = وادلت .. ذعاذيع الهواء واشغلنه

يا سالفة باكر .. ويا سالفة أمـس = يا لوعة الخاطر .. ويا نكبة الذيب
البارحه .. عيني بكت غيبة الشمس = والقلب .. راحتبه هموم وتغاريـب

ليه العذل .. والصد ياجالب البرد = ضيعتني .. مابين صادر ووارد
خليتني .. بين العرب كني القرد = لاسلهمت .. خدرات قرده تقارد

صدن .. عن العالم المرضى يسليني = ويسر روحن .. براها الوقت وانسلت
والضيقه .. اللي على الطرقه تسريني = راحت على .. سحبت المجرور واختلت