|
بكره وبعده وبعد اللي بَعَد بكره نْعد ونْعد ونْسابق ليالينا على بساط الأمل تجتاحنا السكره ونطير بين الخيال وبين أمانينا ليت النفوس البريئه تأخذ الفكره ممّن سبقها ولاتشقى وتشقينا وتحذر من الوقت لاغدره ولامكره وتشاور العقل عن لذّة شهاوينا |
. . وراك اِتروح !! كذا يعني تجي فجأه, وتتركني شبـِه مذبوح !! خلاص اِبـ كيفك, اِتركني و غادر, بَسّ ردّ الروح . . |
زحمة مشاعر ..علـى بوابـة القافيـه=ماراح فيها ، سوى نبض الكلام .. الكلام والصمت ، ماهو دليل لـنعمـة العافيـه=احيان ، يدخلك في جنح الظلام .. الظلام والقلب ، لو يختبـي بثيابـه الضافيـه=لابـد مايلحقـه بعـد المـلام ..المـلام إمّا يمـوت الشتـا ..بقلوبنـا الدافيـه=ولا على احساسنا قلنا السلام ..السـلام |
. . مثلك.. وغير اِحساسك العذب ماشفت ياسيّدة جيلك.. و يا فلسفة ذوق عجزت اجسّد روعتِك لو تفلسَفْت بسّ الوكاد يترجمه قلب و اِعروق . . |
يا إلآه العرش يا اكرم ألاكرمين = يا رحيـم ويا ودود ويا معيـن طالبك رحمتك في يـوم الحسـاب =.يوم ما ينفع لا مال ولا بنين |
أعشقك ، وتسيل من صدر السما غيمه=تروي عطش من جرى فيه العمر .. ضامي ! نيل المشاعر في قلبك ربّي .. يديمه=واسقي بـه الحاضر المجدب .. من ايامي ! انتي نغم خافقي ، واجمل تقاسيمه ..=كل ما سمعتك .. لمحت الفرح قدّامي ! نامي بـ حضني ، وصبّي لهفتك ديمه .. يا سيّدة واقعي .. يا واقع أحلامي ! |
على الله نبـذل الاسبـاب والله يكتـب الارزاق=ولانـدري عـن الارزاق ربـي ويـن يكتبهـا بفضل الله ليا شان الزمـن ماشانـت الاخـلاق=تعيش بنـا المعـزة مثـل ماحنـا نعيـش بهـا مفاتيح الفـرج ماغيـر عنـد الواحـد الخـلاّق=ملبـي دعـوة الداعيـن ومحـقـق مطالبـهـا وهذا اللي شرح صدرٍ من ظروف الزمن ماضاق=رجـايـه فالله الـلـي مرتجيـنـه مايخيّبـهـا تشع الشمس وتزيح الظـلام ويبـدي الاشـراق=ويشرق نورهـا مـن مشـرق الدنيـا لمغربهـا ليـا قفّـت مخيلـه ماتخيـل عيونـي البـراق=لـو أن ثعولهـا ينهـل ماهـا مـن سحايبـهـا |
عب الـورق يـا ناقـل الحبـر عبّـه=مـا عـاد فينـي للدفاتـر والاقــلام أفكـار راسـي عنـد رجلـي مكبّـة=والراس ماله قـدره .. ولا لـه اقيـام دارت رحى الأيـام مـن فـوق حبّـه=يـا شيـن دورات الليالـي والايــام تقـرص عقاربهـا بلـيـا منـبّـه !=الوقـت متسمـم .. وتوقيتهـا سـام بانـت وجيـه أيامـنـا المشلهـبّـه=عقب أتّقوا عنـا مفاريـص الأخصـام مـا عـاد تلقـى حـي يعطيـك لبّـه=تحطمـوا مـع درب تحطيـم الأرقـام اللـي هبـد لـه لغْـم واللـي مطبّـه=هـذي هـي الدنيـا مطبـات وألغـام يسـد فيهـا ثـوب صيفـي وجـبّـه=واشماغ عادي ما هو اشمـاغ بسـام واللي ملا بطنه .. وخرجـه .. وعبّـه=قله تـراك احطـام تجمعلـك احطـام يا اهـل القصـور الفخمـه المطلحبّـه=سوى سوى مـع بـدو نزّالـة اخيـام الطيـب اللـي يقضـي اليـوم نـبّـه=ويلقى على قدّه متر فـي متـر خـام حتيـش لـو طالـت عمـار المسبّـه=أيـام وأسابيـع واشهـور وأعــوام العمـر تكويعـه .. وتجديـد شـبّـه=والموت لن جا .. جا ومن غير عـزام بـاب ٍ بـلا مفتـاح وابـدون ضـبّـه=ما هوب حاجة طق لو كلّـه إلحـام ! عرفتهـا وأنـا مــن أول مشـبّـه=فأحـلام ورديـه .. وورديـة احـلام ما يفـرق العاقـل .. وخطـو الجلبّـه=الاّ حـدود النظـره الـلـي لـلامـام يـا ذيـب عـان الريـع ذبّـه واذبّـه=تـراي انـا وأيـاك فالطرقـه الـيـام أمـا بديـت ابنـا علـى راس تـبّـه=والاّ رخصنـا عنـد رعيـان الأغنـام كـب الخـوي اللـي يحسفـك كـبّـه=حتى ولـو أنـه مصلـي وصـوام !! يحبـطـك واذراع العزيـمـه يجـبّـه=وإن طحت ما يرفعك .. وإن طاح ما قام من عظم ساقه فالطلب مـا صلبّـه ؟=ماله عصب في ساقه ولا لـه اعظـام ليتـه مريـض أعضـا ويعبـا لطبّـه=مـار امرضـه يحتـاج قـلاع حجّـام علاقـةٍ ترميـك فيـك كــل غـبّـه=ما شرعت وإلها حكـم غيـر الأحكـام لا هـيـب لا سـنـه ولا مستحـبّـه=ولا هيب مكروهـه ولا هيـب حـرام مسجـد لكـن مالـه منـاره وقـبّـه=يضم ( عبدالله ) و( عبّاد الاصنـام ) ! دام الصـلاه تجـوز فـي كـل خبّـه=مالله بموزمني علـى قـض الأهـرام احتاط .. واحرص .. وافتطن .. واتنبّه=وابذل سبـب والغيـب لـه رب عـلاّم هـذا نظـام مطبّقـه مــا نشـبّـه=الظن مالـه وجـه معـروف وانظـام بعـض العـرب سيمـاه مـا تنتسبّـه=امطوع وعاصـي وناصـح ونمـام ! هبّـه سواتـي كـل مـا جـاك هبّـه=اللي يجيـد الـدور فـي كـل الأفـلام ووجه ٍ كريه إليا عـرض مـا تحبّـه=لكنّه حزامك ليا احتجت لـ/ احـزام !! وبعض العرب ما تمدحـه مـا تشبّـه=الله هو اللـي عـزّ الأمـه بالإسـلام ياللـي حمسـت البـن زلّـه وصبّـه=الراس فيه اعماس و اصداع واضـرام وقفت حايـر فـي طريـق المحبّـه ؟=قـدام يـا ركـب الموالـيـف قــدام اخطيت يا بـو عنـق ٍ ابيـض ولبّـه=ياللي مواصيلـك مـن العـام للعـام يلعـب هـواك بقلـب مـا ينلعـبّـه=ليـن إن قلبـي روّح أمـزاع وأقسـام أزريـت فـيـه الله ربــي وربــه=دوب أتلـزّم فـي جنـوبـه تـلـزّام صدري حما مـا غيـرك أحـدٍ يطبّـه=واسهمت فـ/ احماية محاديبه إسهـام شرّعـت صـدري والهبايـب تهـبّـه=وضاع النسم بين الـذواري والأنسـام عيـت تقـر أوضـاعـي المستتـبـه=وأزريت احرك شي في ( وضعي العام ) كثـرت مشاريـه الأهـل والأحـبّـه=ما كن عنـدي عقـل وإدراك وإلمـام شرهـه بـلا سبّـه وشرهـه بسبّـه=كنّـي وكيـل آدم علـى كـل الآنـام وخلاصـة الموضـوع شكلـه ولبّـه=حقيقـة ٍ تجـلا غباشـات الأوهــام لا صار كـل راس ٍ تشوفـه تحبّـه ؟=لا بدّك اتسلّـم علـى روس الأقـدام !! |
الشعـر اذا راق لـي وزنـه وقافيّتـه
أقد له صـدري وياخـذ منـه مابغـاه فكيـت قيـده ويمشـي بـي بحريّتـه الين مالت لي غصونه ونسنـس هـواه والشاعر اللي على وضعـه ونفسيّتـه وقـف وقـام يتدّبـر بالعمـر والحيـاه ثلثيـن الاحيـا لقيـت قلوبهـا ميّتـه وعرفت ماكـل مـن دور لشـيٍ لقـاه ولاطش قـدر المغفـل غيـر سطحيّتـه وعرش الملك مايهزه غير فسق وزراه ولا كـل رجـلٍ تبسامـه مثـل نيّـتـه وللناس شيين ياأمـا فقـر والا غنـاه احـد بملاييـن موكيـتـه وزوليّـتـه واحدٍ يحصل غداه ولا يحصـل عشـاه والرجل من منطـق لسانـه وعقليّتـه ينبئك عن مدا علمـه وعـن مستـواه والبنت مـن ربّ اسرتهـا وشخصيّتـه مابينهم فرق بنـت شيـوخ والا رعـاه والحـر لـه ديّتـه والعبـد لـه ديّتـه هذي طباقـات مقسومـه بحكـم الالـه جميع مخلـوق لـه وضعـه واهميّتـه لو كان هالحين واحدنا ماتفـرق معـاه تلقـى اللـي اردى عبـاد الله نوعيّتـه ماكان جده مع معـزي ولا مـع عـداه بطاقـة احوالـه بجيـبـه وجنسيّـتـه وعند اهل الحكم له منصب وكرسي وجاه تلقـى شيـوخ القبايـل تنتظـر جيّتـه ويغيضهم بالكلام وعرض جيـب العبـاه عندك مثل شف ( محمد نور ) شعبيّتـه خـلا شيـوخ القبايـل كلبـوهـم وراه مـا ادم جعلنـي وكيـلٍ لـه لذريّـتـه وموسى مانزلي كتابه ولا املك عصـاه يخسـر مـن يحـط هالدنيـا بأهميتـه مير اتركوها وعفّوا والصـلاه الصـلاه |
ياشَوفةٍ تغني عَن الشرب,والقوُت
أجمل وصوف..أحيَت لقلبي غصونه شافت عيوني فتنة الوَرد والتوُت وشافت من الرمّان! ضحكة سنونه والخيزران الناعم,المُترَف...آموت! ليَمَن تمايَل وإنثنى في ليونَه وشفت الشَعَر! وآقول: شلاّل مكتوت نَياقرا! يشبه شَعَرها ولَونه أوصافها! تطغى على سحر هاروُت يَهذي بها العاقل..ويعلن جنونه من قبلها! صدر الشِعِر! كان مكبوت وكنت اعتبر شِعري غبي في شوؤنه ومن بَعْدَها! بالشعر ناديَت بالصوت يختال شعري واذهلَتني فنونه تدَفَّق إحساسي من القلب منحوت إحساس خاثر مع مشاعر حَنونه تختال باللولو,ودرّاً,وياقوت وعلى.... الخافق! اضفى شُجونه وسابك ذهب! ماهام في جوّ بيروت! حَب الكويت..وحَبّ ناسه وكَونه شخص إنتشلني من مُعاناة تابوت بـ اسلوبه الخاثر, ونظرة عيونه يابنت! أموت آموت وآموت وآموت ومن خان! ياجعل الليالي تخونه وجعل الصْدَف دايم مثل صِدفَة الكوُت يدلَه به اللي كاثراتٍ ديونه |
.
. . شفني وصلتك والزمن يشبه الموت في حنجرة شاعر شعوره ولا شـي وشفني بموت وشوف وشلون بموت لا أحس بي ميّت ولا أحس بي حي . . . |
سنه :- وانا وانتي من حساب الاصحاب=( الصدق ) .. مبدانا .. لذالك صِدقنا : ( الحب ( كلمه ) .. عندنا .. مالها إعراب =حتى .. بـ [ احبك ] .. عمرنا مانطقنا ! وعشنا وكملنا وعملنا بـ ( الاسباب )=وعلى ( الاخوه ) ماعترضنا ..؟ إتفقنا ومارتحت أنا وياك من حرق الاعصاب =( قلوبنا ) .. ذابت ! وحنا .. إحترقنا ! علاقتي ، هاذي معك كانت ( إعجاب )=وتطورت فجاءه ..! وفجاءه إفترقنا .! |
هذى زمان الصمت ماهو زمن بوح=واللي في صدرك أكتمه لا تقولـه هذى الحياه افراح وحزان وجـروح=مثل الزمان اللي تمـرك فصولـه وأنا علي أقولك يا غـذاء الـروح=لا تاقـف ألا عنـد شـيٍٍ تطولـه |
تشوف نبض القلب مسرع زياده ترى السبب من حبك الله يعافيك لاتقولي راجـع وزور العيـاده اللي مزود نبض قلبي ترى يديك |
أنا تعودت أداوي جرحي النازف=وأسامح الناس وألقى الهمّ وآطيقه ياللي تعذّر وجاي تقول لي آسف=آسف على الجرح ولاّ آسف على الضيقة ؟ |
وشلون بنساك وانته ياطموحي طمـوح=قصيدتن ضايعه مـن غيـر عنوانهـا وشلون قلبي يعيش اليوم من غير روح=تكسر سفينة فـوادي وانـت ربانهـا والحين عاين فوادي مرتعه فوق لـوح=يشوف غيمـة غيابـك هـل هتانهـا خطرن يطيح الجبل وتضيق فيه السفوح=والروح تصبح ضحيـة فقـد خلانهـا وقف حبيبي طلبتك يابعـدي لا تـروح=قبلك معاليق صدري ماحـدن صانهـا |
يا بشـر تكفـون حلّـو عـن سمايـه ما يصيب الهرج لو الهـرج صوبـي كـم سكـت لكـم بمـا فيـه الكفايـة اشتموني لـو زعلتـوا واشمتـوا بـي عيبونـي واتركونـي فـي عمـايـه واتركوا لي واحـد يرضـى عيوبـي اتركـوا لـي واحـد يمسـح شقايـه كل ما حـط الزمـن دوبـه ودوبـي ذاك والله لا ذكـرت انــه ورايــه اشعر إن الكـون كلـه وسـط ثوبـي يكفـي انـه لـو يسولـف للمـرايـه كن صوته يهمس لصورتـه.. ذوبـي كيف أنا مـا أذوب مـا دامـه معايـه اسمعـه وأسهـر معـه لأول ذنوبـي كل مـا قـال السهـر درب الغوايـة قلت كلـه مـن عيونـك هبّلـوا بـي وكل ما قـال الخطـا ماهـو خطايـه قلت لـه قـل للعيـون السـود توبـي ضيعتـنـي واســأل الله الهـدايـة وين أجيب العقل.. أجيبه من جيوبـي من يعرفـك مـا يـدل العقـل رايـة يا شروق العمر.. مدري يـا غروبـي أذكر انـك كنـت لـي مثـل الهوايـة لو تروح ولو تجـي يبقـى شحوبـي بس مدري كيف صرت اليـوم غايـة وصرت أجي وأروح مدري عن دروبي يـا بعـد عمـر الكتابـة والقـرايـة يـا الشمالـي يابـو الملـح الجنوبـي لا قريـت اللـي كتبتـه يـا رجايـه رح وبلغ ربعـي اللـي جننـوا بـي قلهـم يمـكـن يخـلـون الوشـايـة و إن تمادوا خلهم مهمـا حكـوا بـي أنت خلـك بـس فـي الدنيـا عزايـه لا تفكر في العـواذل وأنـت صوبـي ادري إن كـل درب ولــه نهـايـة بس أنا باقـي معـك لآخـر دروبـي |
ياغايـبـه وان كــان فيـهـا جمـالـه=تجمّـلـي يــاام الـحـلا والظـفـايـر بالله شوفـي صاحـبـك كـيـف حـالـه=شوفيه فـي غيبتـك وشلـون صايـر ؟! صارت حياته ضيـق خلـق .. و بطالـه=هم .. وسهر .. واوراق شعر .. وزقاير !! يعنـي حبيبـك صـار حالـتـه حـالـه=مابـاقـي الا انــه يــدّن العـبـايـر الله لامـنّــه ذكـــر مـامـضـالـه=قـبـل الـدوايـر ماتـجـر الـدوايــر يــوم الطفـولـه والشـقـا والجهـالـه=يـوم الكبايـر فـي عيـونـه صغـايـر ايــام كــان معـانـده راس مـالــه=ويـسـوق لهـبـال الشـقـاوه بشـايـر يامـا امتلـى بالحـب والطيـش بـالـه=ويامـا امتلـت مـن شخبطتـه العوايـر يكتـب عليهـا : ( عاشقـك للثمـالـه )=ويخـطّ توقيعـه : ( جريـح الضمايـر ) يامـا اشتكـاه ابـوك فـي بيـت خالـه=ويامـا تحصّـل مـن هـواك العـزايـر مـره حلـف بـأنـه يبّـطـل هبـالـه=وقبـل يكمّـل .. فـك اخـوه الستـايـر ثـم طالـع الشـبـاك.. ليـنـك قبـالـه=وفي اقل من لمـح البصـر جـاك طايـر علـى صغـر سـنـه ممّـيـل عقـالـه=كااشـخ وناسـي لايـصـك الـزرايـر لاشـافـك يتمـتـم لحـالـه فـحـالـه=لعيـون هالشـوفـه تـهـون الخسـايـر ولاشـاف زول ابـوك حــذّف نعـالـه=الحـب جايـر .. لكـن العـود جـايـر طفـلٍ يتيـم ورغـم الأحــزان دالــه=مايـدري ان حظـه مـع الوقـت بـايـر كنتي طموحـه .. كنتـي أغلـى حلالـه=كنتـي وصرتـي بـس يـاام الظفـايـر طفـلٍ زرع مـن ضحكتـك فـي خيالـه=ليـن اثمـرت شعـرٍ هزالـه حـرايـر لاتتركيـنـه فــي غيـابـك لـحـالـه=بالله شوفـي كيـف هالطـفـل صـايـر ووحـده بوحـده كـان عنـدك عـدالـه=اتبّطلـي غيبـه .. و ابـطّـل زقـايـر |
من فكر وأدراك ومشاعر وأحاسيس إستنجدت تطلب هجوسـي مددهـا وبعد أذكر الله وأتعوذ مـن أبليـس أرسم كروكـي خطتـي واعتمدهـا ولاني ببانيها على غيـر تاسيـس أحفـظ قواعدهـا وأثبـت عمدهـا وان كان مانجحت بكـل المقاييـس والله ماعاد أكتـب قصيـدة بعدهـا العقـل حـلاّل الامـور الملابيـس حل الحبـال اللـي تلّـوت عقدهـا والجهل ظلما والبصايـر فوانيـس ولايعطي الحاجـات مـن لاوجدهـا من طاع شور اهل العقول الملاحيس يزرع بـذور المشكلـة ويحصدهـا ومن لايخاوي كاسبيـن النواميـس الـنـاس لايـشـره ولاينتقـدهـا يامرتجـي مـد اليديـن المفاليـس من دونها بقعاء تمـد إلـك يدهـا مايبدي المرقاب غيـر القرانيـس اللي ليـا هـدت ينومـس هددهـا تبغى النصيحة يابعيد المراميـس ؟؟ في كل حالة عـز نفسـك تجدهـا |
الله يبلغنا بعد طول الصبر يوم احتفـال في ساعة ٍ كلّن يهنّي صاحبه في كلمتين |
حزن ( الفقير ) ، ودمعة عيون ( الأطفال ) على كثر ما أنا ( شجاع ) / ( تهزمني ) |
أنا واثق بنفسي ليش اهايـط والرجـال بنـوك اسير وخطوتي منهـا الجبـال مولعـة غيـرة وانا اعرف قدر نفسي يوم شك بنفسه الصعلوك كسبت من الزمن خبرة تجارب مع حسن سيرة مع رجال الوفا مالك رصيد..وفالقلوب صكوك واقول : الله يجمل عبـده المسكيـن ويجيـره |
سلامتك من كل عين و كـل شـرّ وكـل بـاس يالجوهر المكنـون يالالمـاس يالـدر النفيـس يالمعدن الصافي و يالوافـي و ياطهـر اللبـاس يا ابلغ مفاهيم الشرف و اثمن مطاليب العريـس ما شفت طبق الاصل من جنسك طباق ولا جناس اتيه ما حصلـت مثلـك لا جليـس ولا ونيـس كنك على ما يهتـوي قلبـي مفصـل بالمقـاس اجلس لحالك فيه والله مـا يجالسـك الجليـس بديت في بني العلاقه معك من حجـر الاسـاس علاقةٍ يقبل بها الطيّـب و يرفضهـا الخسيـس افنى و يفني الجيل كله ما لحق عرضك مسـاس لو كان فيك من الفتن ما يستريـح الهـا بليـس |
يالله ياعظم من سئل والطف من الاب الرحوم
ياعالمن ماتبدي الانفس وما تخف الصـدور يارب انا ماني عن الزلات والذنب إمعصـوم عدو نفسي والهوى له دور والشيطـان دور |
من يعرف الشوق؟ وألا الشوق من يجهله
من دندن الجرح .. من غنا قصيد الشقا صحيح كان المفـارق قمـت المهزلـه هقيت بس الهقاوي خانـت الـي هقـا ودعتكـم والمفـارق حـان والمشكلـه ماكنت ناقص مفارق .. كنت ناقص لقا |
مجانيـن البيـاض قلوبنـا تضحـك ولا ترتـاب ولو شمس الهجيـر تذيـب أملنـا فـي مرابعنـا نفيض إخلاص نعطي من محبتنـا بـدون حسـاب نحسب الناس كل النـاس نسخـه مـن طبايعنـا [نعيش أغراب] بين الناس وإن متنا [نموت أغراب] وتنسانـا العيـون اللـي لجـل سلوانهـا ضعنـا |
كل شي إيمرنـي فالعمـر أعّـده خيـره=دامنـي ماكـل شـيً فالحيـاه آختـاره أرجي الله كل ما أصبح فضله وتيسيـره=وآتذرا فـي حـروزه وأحتمـي بأذكـاره وكل ماجاني من صروف الزمان مغيـره=أحتمي بالله .. ولطـف الله يـرد الغـاره ما أكتويت ومن فضل ربي ماعرف الطيره=ولا آتشاءم لا بدالي من صباح .. غباره ماخذيت العمر سجه ماخـذه فـي حيـره=حاسـبً لأيـام مايلقـى القـدم معبـاره شفت ماعاق الفؤاد وما حبـس تعبيـره=وما سرح بالعقل وآنحى به وزاد أفكـاره ماظهر لي ليتني ماقلـت ابـي تفسيـره=وما خفاني ليتني ماقلـت ابـي إظهـاره لو نقول الوقت داير.. وش سبب تدويره=ليش قلنا طاب تـاره ثـم تـردى تـاره ماضي الأزمان سيره حيها مـن سيـره=وتالـي الازمـان كنـه ناقـصً مقـداره أنشد الجيران عن باقـي علـوم الجيـره=وش بقى منهـا وكلـن مايطـال جـداره وأنشد الأقراب عن تالي علـوم الديـره=واحد من الألف .. من يبهجك ذكر أخباره وأنشد الرجال عن سراً دفن فـي بيـره=الأخو ينسى أخوه من البطـا .. مـازاره وأنشد الرجال عن نفسه وجنـب غيـره=كـمّ راعـي دار مايـدري بحالـة داره آه مـن وقتـن علينـا بيـن التكشيـره=وآه منـا كيـف ضيعنـا وسـط تيـاره عايشين العمر .. نحسب عيشنا تصبيره=وكسرنا مدري متى فينـا يبيـن إجبـاره للأسف ماعاد عندي غير قولة : خيـره=دامنـي ماكـل شـيً فالحيـاه أخـتـاره |
بامكاننا نبعد ونبقى على شوق .. ماكان له داعي نشوه غلانا نعشق بعض بالذوق..ونغيب بالذوق . .تعكس مشاعرنا حقيقة هوانا . |
يا مشير القلب عن داعـي غرامـه
خل قلبي فـي غرامـه لا تشيـره أتركه ما يجهـل الحـب ونظامـه لا تعدّه ضمـن عميـان البصيـره له من الخبره ما يحفظ لـه مقامـه وارث ٍ له من سلوكه حسن سيـره لا تـراود شفـه وغايـة مرامـه الهبايـب لـو تمـرّه مـا تثـيـره فوق غصنه حطّ .. عصفور وحمامه وغرّد الأوّل علـى نـوح الأخيـره لو مراده قمـزه وغمـزه وشامـه كان شفته يومي لموكـب سميـره فيه غير اللي علـى خـدّه علامـه واحـد ٍ عنـدي علاماتـه كثيـره النزاهـه والوجاهـه والفهـامـه والنبا الجـذّاب والنفـس الستيـره سمعته تفرض على الناس إحترامه ما رماهـا فـالرحـاه المستديـره ولا يحسب حساب لبّـاس العمامـه لو لبسها شيخ شيخـان العشيـره أستلم قلبي ومـن يـوم إستلامـه ما تولاّ عرش قلبـي حـيّ غيـره كمّ يذوّبنـي علـى زبـدة كلامـه بالنقاش اللي علـى كيفـه يديـره بينـي وبينـه مشاريـه وملامـه ودمعتين بعين شوق .. وعين غيره لـو يقابلنـي بضحكـه وإبتسامـه هب في صدري هواه وطـار طيـره جرّ فكري عقب ما حزت إهتمامـه بالطواريـق الطويلـه والقصـيـره قلت أحبك .. قال حبّي لـي علامـه قام يكبر ؟ قلت مدري .. قال خيره ! كلّ منّـا لـو يعبـرّ عـن هيامـه تقصر علومه عن اللي في ضميـره والطيـوف اللـي تبلّغنـي سلامـه مادرت قلبـي بفقـده وش مصيـره جعل ربـي مـا يذوّقنـي خصامـه شاري ٍ وصله على شـرّه وخيـره يا زعيم الوجـد تزهـاك الزعامـه سير بي والله يصون أحلى مسيـره هكـذا حـب ٍ تغـذيّـه الكـرامـه أفتخر به وأذكـره فـي كـل ديـره العلم رفـرف علـى ذروة سنامـه أتركوا قلبي ما يسمع مـن يشيـره ما لحقني لوم من قصـة غرامـه لو تبثّه نشـرة أخبـار الجزيـره ! |
, سولفت للقلب عن قدرك وعن ودّك والا المحبه .. مخلي الحب لـ آصحابه , آقول أعزه : يقول القلب من جدك ؟ ياعمي .. تموت فيه وتعشق ترابه ! |
http://up8.up-images.com/up//uploads...10b6e405b1.gif كل آلقصيد آللي تشوفه : مآهو فيك آنته ترآك آكبر مـن آلشعـر كلّـه آلشعـر والله يآآلغـلا مايحلّـيـك آنتـه تزيـد زيـن دقّـه وجـلِّـه لآجيت ابااكتب فيك كَثْرِة معآنيك وآحترت مآآلقآك على الوصف ملّه كبيـر يآليـل ٍ تضيّـع مسآريـك ويآغيمـة ٍ مـن ربهّـا مستهـلّـه إي والله آني يآملك قلبـي آغليـك غـلآ ً طبيعـي يآغنآتـي مـن آلله مآعآد فيني غير امـد النظـر فيـك وآضمك بصـدر ٍ مآغيـرك يحلّـه |
الشعر يآزينه ليا جا من الراس ..
مآهو بـ عشرة / كلّهم يكتبونه ، والشاعر اللي لا كتب / شآور الناس !! مآهوبـ شاعر / لو كتب مايبونه .. الشعر طنخه / والمواقيف مقياس .. واللي على ظهر الورق يسمعونه ..، أما كذا الإحساس / ولّا بلا إحساس .. مشاعر الشاعر تجي نفس لونه ..، . . . |
: حاولت : أوادع لكن انتابني صمت ..، و ما مر بالي .. يمكن يمر : ( بالك ) سكت ..! لكن والله إني .. ( تندمت ) ( أشياء كثيره ) .. ليتني : قلتها لك ! |
الدسايس من حركـات الرخـوم
والرجال تقول في وجـه الرجـال لك ثـلاث ايـام تفتـرّ وتحـوم مشكله بإني فتحت إلـك المجـال كان في صدرك من الماضي علوم قول ما بالصدر من دون إختـلال الـدوادي مالنـا فيهـا لــزوم والجزيلـه تبشـر بـرد الجـزال والحرار اللي على روس الرجوم ماتلفّت فـي ضعيـف الاحتمـال الزمن لو مابه ضعوف ورخـوم مافقدهـم غيـر [ عبّور ودلال ] |
أنسى نِساء الكون واذكر غلاهـا
و آحبها و ألثم مواطـي قدمهـا سبة نجاحي في حياتي " دعاهـا " وفرصه رضا الله في رضاها آغنمها ياجعلني ماعيش عمـري بلاهـا يارب خذ عمري قبل ماآعدمهـا آمي .. عسا كل الخلايق فداهـا ياحبني لضحكاتها .. وحكي فمها |
شوفك .. يشتت كل مابي من الضيق
لابان وجه الضيق جيت وزبنتك ! ولازال ضيقي .. زدت فالوضع تشويق , مديت كفيني وراك وحضنتك , |
لاتاسفن على غدر الزمان لطالما
رقصت على جثث الاسود كلاب لاتحسبن برقصها تعلو على اسيادها تبقى الاسود اسود والكلاب كلاب |
يتصفح الموضوع حالياً : 6 (1 عضو و 5 ضيف)
هلا بضيوفنا الكرام شرفتمونا ويزيد الشرف لو تسجلون معنا او تسجلون دخول . |
خذيت من واقـع حياتـي / تجـارب والزمت نفسي بالصبر لا تضايقـت ! وايقنت ما عكّرعذيّ المشـارب الا يدين الحسد والغش والمقت ! ما يذبحك يا كود ظلـم الاقـارب لاصرت من ميلاتهم ما بعد فقت ! ودام اللحى ما يحشمنّ الشـوارب ما تلحقك شرهات يا قاسي الوقت ! 0 |
0
احَشْم كِلَاب الْقَوْم مِن حِشْمَة الْقَوْم لَو انّ مَال الْكَلَب حَشَمَه وَ تَقْدِيْر وَيَبْقَى فُرَيْخ الْبُوَم فِي مَاكِر الْبُوَم يُكَفَّخ بِجُنّحَانَه وَ لَا يَقْدِر يَطِيْر حَتَّى لَو انَّه فَالَّسَّمَا يِكْسِر الْحُوَّم يَبْقَى فِي عُرْف الْلِي يْشُوَفُونَه طُوَيْر 0 |
| الساعة الآن +4: 12:35 PM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.
